ബഹിരാകാശരംഗത്ത് ഇന്ത്യ ലോകത്തിന്റെ നേതൃനിരയിലെന്ന്
1464279
Sunday, October 27, 2024 5:33 AM IST
ചൂണ്ടച്ചേരി: ബഹിരാകാശ ഗവേഷണരംഗത്ത് ഇന്ത്യ ലോകത്തിന്റെ നേതൃനിരയിലാണെന്നും അതിനാല് തന്നെ ഭാവിയില് ഈ രംഗത്ത് അനവധി അവസരങ്ങള് ലഭ്യമാകുമെന്നും ഐഎസ്ആര്ഒ തിരുവനന്തപുരം ലിക്വിഡ് പ്രപ്പല്ഷന് ആന്ഡ് സിസ്റ്റം ഡയറക്ടര് ഡോ. വി. നാരായണന്.
പാലാ സെന്റ് ജോസഫ്സ് എന്ജിനിയറിംഗ് കോളജിലെ മെക്കാനിക്കല് വിഭാഗത്തിന്റെയും തിരുവനന്തപുരം ഇന്ത്യന് സൊസൈറ്റി ഫോര് ഹീറ്റ് ആന്ഡ് മാസ് ട്രാന്സ്ഫര് റീജണല് ചാപ്റ്ററിന്റെയും ആഭിമുഖ്യത്തില് നടത്തപ്പെട്ട അഗ്നി 2024 ശാസ്ത്രസമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അദേഹം. ഡോ. ജി. അയ്യപ്പന്, ഡോ. എസ്.ആര്. ഷൈന് എന്നിവര് വിവിധ വിഷയങ്ങളിൽ പ്രഭാഷണങ്ങള് നടത്തി.
കോളജ് ചെയര്മാന് മോണ്. ജോസഫ് മലേപ്പറമ്പില് അധ്യക്ഷത വഹിച്ചു. ഡോ. രാജേഷ് ബേബി, ഡോ. എസ്. സുനില്കുമാര്, പ്രഫ. ജയിംസ് ജോണ് മംഗലത്ത്, പ്രിന്സിപ്പല് ഡോ. വി.പി. ദേവസ്യ, ഡോ. ബിനോയ് ബേബി, ഡോ. എസ്. സുശീല് കുമാര് തുടങ്ങിയവര് പ്രസംഗിച്ചു.