ഭരണങ്ങാനം വിശുദ്ധ അല്ഫോന്സ തീര്ഥാടന പള്ളിയിൽ രാത്രി ആരാധന
1464070
Saturday, October 26, 2024 5:58 AM IST
ഭരണങ്ങാനം: പാലാ രൂപത കരിസ്മാറ്റിക് ടീമിന്റെ നേതൃത്വത്തില് ഇന്ന് ഭരണങ്ങാനം വിശുദ്ധ അല്ഫോന്സ തീര്ഥാടന ദേവാലയത്തില് രാത്രി ആരാധന നടത്തും. വൈകുന്നേരം ആറിന് ജപമാല പ്രദക്ഷിണം.
രാത്രി ആരാധന ശുശ്രൂഷകള് 7.30ന് വിശുദ്ധ കുര്ബാനയോടെ ആരംഭിച്ച് ഞായറാഴ്ച പുലര്ച്ചെ നാലിന് വിശുദ്ധ കുര്ബാനയോടെ സമാപിക്കും. ഫാ. ബിനോയി മാരിപ്പാട്ട് സിഎംഐ വചനപ്രഘോഷണവും ദിവ്യകാരുണ്യ ആരാധനയും നയിക്കും.
പാലാ രൂപത ഇവാഞ്ചലൈസേഷന് ഡയറക്ടര് ഫാ. ജേക്കബ് വെള്ളമരുതുങ്കല്, അസിസ്റ്റന്റ് ഡയറക്ടര് ഫാ. ആല്ബിന് പുതുപ്പറമ്പില്, രൂപത കരിസ്മാറ്റിക് ടീം അംഗങ്ങള് തുടങ്ങിയവര് ശുശ്രൂഷകള്ക്ക് നേതൃത്വം നല്കും.