സോഷ്യൽ ജസ്റ്റീസ് ഫോറം സൗഹൃദക്കൂട്ടായ്മ നടത്തി
1464283
Sunday, October 27, 2024 5:35 AM IST
കുറവിലങ്ങാട്: സോഷ്യൽ ജസ്റ്റീസ് ഫോറത്തിന്റെ നേതൃത്വത്തിൽ സൗഹൃദക്കൂട്ടായ്മ നടത്തി. സംസ്ഥാന പ്രസിഡന്റ് കെ.എം. വർഗീസ് ഉദ്ഘാടനം ചെയ്തു. താലൂക്ക് സെക്രട്ടറി ടി.കെ. രാജേഷ് കുമാർ അധ്യക്ഷത വഹിച്ചു. മാധ്യമ പ്രവർത്തകരായ പി.ബി. ചന്ദ്രബോസ്, പ്രശാന്ത് ജോസഫ്, നർത്തകി എം.ആർ. ശിവപ്രിയ എന്നിവരെ ആദരിച്ചു.
പ്രതിഭാസംഗമം പഞ്ചായത്ത് വൈസ് പ്രസിഡന്റ് അൽഫോൻസ ജോസഫും കുഞ്ഞിളം കൈയിൽ സമ്മാനം പരിപാടി സംസ്ഥാന ജോയിന്റ് സെക്രട്ടറി ജോഷിബ ജയിംസും ഉദ്ഘാടനം ചെയ്തു. ജില്ലാ സെക്രട്ടറി ഷീല ദിലീപ് ഗുരുവന്ദനം നടത്തി.
പഞ്ചായത്തംഗം ജോയ്സ് അലക്സ് മാതാപിതാക്കളെ ആദരിച്ചു. ഹെഡ്മിസ്ട്രസ് സിസ്റ്റർ നോയൽ, മേഖലാ പ്രസിഡന്റ് ആർ. രാജേന്ദ്രൻ, ജെയ്സൺ ജേക്കബ്, ടി.വൈ. ജോയി, കെ.എസ്. ഷാജി, ആശ ബിനു, ഇന്ദു മോഹൻ തുടങ്ങിയവർ പ്രസംഗിച്ചു.