പുതുതലമുറയെ കൃഷിയിലേക്കു നയിക്കാൻ വ്യത്യസ്ത പദ്ധതികളുമായി അകലക്കുന്നം പഞ്ചായത്ത്
1464278
Sunday, October 27, 2024 5:33 AM IST
അകലക്കുന്നം: പച്ചക്കറി കൃഷിയില് സ്വയംപര്യാപ്തത നേടുന്നതിനും കുട്ടികളില് കാര്ഷിക സംസ്കാരം വളര്ത്തിയെടുക്കുന്നതിനുമായി അകലക്കുന്നത്തെ മുഴുവന് സ്കൂളുകളിലും പച്ചക്കറി കൃഷി പദ്ധതിക്കു തുടക്കമായി. ജനകീയാസൂത്രണ പദ്ധതിപ്രകാരം കൃഷിവകുപ്പിന്റെ സഹകരണത്തോടെയാണു പദ്ധതി നടപ്പിലാക്കുന്നത്.
സംസ്ഥാന സര്ക്കാരിന്റെ പോഷക സമൃദ്ധി മിഷന് എന്ന ആശയം പ്രാവര്ത്തികമാക്കുക എന്ന ലക്ഷ്യം കൈവരിക്കാന് പഞ്ചായത്ത് ഏറ്റെടുത്ത് നടത്തുന്ന പദ്ധതിയുടെ ഉദ്ഘാടനവും പച്ചക്കറിത്തൈ വിതരണവും ജില്ലാ കൃഷി ഓഫീസര് ജോ ജോസ് ചിറത്തടം നിര്വഹിച്ചു. അകലക്കുന്നം സെന്റ് അലോഷ്യസ് ഹൈസ്കൂളില് നടന്ന യോഗത്തിൽ പഞ്ചായത്ത് പ്രസിഡന്റ് സിന്ധു അനില്കുമാര് അധ്യക്ഷത വഹിച്ചു. സ്കൂള് മാനേജര് ഫാ. ജയിംസ് കുടിലില് മുഖ്യപ്രഭാഷണം നടത്തി. കൃഷി ഓഫീസര് ഡോ. രേവതി ചന്ദ്രന് പദ്ധതി വിശദീകരണം നൽകി.
പഞ്ചായത്ത് വൈസ് പ്രസിഡന്റ് മാത്തുക്കുട്ടി ഞായര്കുളം, സ്കൂള് ഹെഡ്മാസ്റ്റര് ജോജി തോമസ്, അസിസ്റ്റന്റ് കൃഷി ഓഫീസര് സി.ആര്. രാജേഷ്, പഞ്ചായത്ത് സെക്രട്ടറി സജിത്ത് മാത്യൂസ്, പഞ്ചായത്ത് അംഗങ്ങളായ ശ്രീലത ജയന്, ജാന്സി ബാബു, രാജശേഖരന് നായര്, ബെന്നി വടക്കേടം, ടെസി രാജു, സീമ പ്രകാശ്, ഷാന്റി ബാബു, കെ.കെ. രഘു, സ്കൂള് പിടിഎ പ്രസിഡന്റ് ഷാജന് ജോസഫ്, ഷിബു, ആല്ഫാ സതീഷ് തുടങ്ങിയവര് പ്രസംഗിച്ചു.