തിരുവാർപ്പിലും ഡ്രാേൺ ഉപയോഗിച്ച് വിത ആരംഭിച്ചു

തിരുവാർപ്പ്: തിരുവാർപ്പ് കൃഷിഭവന്‍റെ കീഴിലുള്ള പുതുക്കാട്ടമ്പത് പാടശേഖരത്തിൽ ഡ്രാേൺ ഉപയോഗിച്ച് വിത്തു വിതച്ചു. കുമരകം കൃഷി വിജ്ഞാന കേന്ദ്രം മേധാവി ഡോ. ജി. ജയലക്ഷ്മിയുടെ നേതൃത്വത്തിൽ നടത്തിയ അന്വേഷണങ്ങളാണ് ഡ്രോൺ ഉപയോഗിച്ച് വിത്ത് വിതയ്ക്കാനുള്ള സാങ്കേതിക വിദ്യ വികസിപ്പിച്ചെടുത്തത്.

പുതുക്കാട്ടന്പത് പാടശേഖരത്തിലെ പരീക്ഷണം വിജയിച്ചതാേടെ അടുത്ത വർഷം ഡ്രോൺ ഉപയോഗിച്ചുള്ള വിത വ്യാപകമാക്കുമെന്ന് ഡോ.ജി. ജയലക്ഷ്മി പറഞ്ഞു. പഞ്ചായത്ത് പ്രസിഡന്‍റ് അജയൻ കെ. മേനോൻ വിത ഉദ്ഘാടനം ചെയ്തു.

പഞ്ചായത്തു വികസന സമിതി അധ്യക്ഷൻ സി.ടി. രാജേഷ്, പഞ്ചായത്തംഗം സുമേഷ് കാഞ്ഞിരം, ജില്ലാ കൃഷി ഓഫീസർ ജോ ജോസ്, കൃഷി അസി. ഡയറക്ടർ ജ്യോതി, കൃഷി ഓഫീസർ നസിയ സത്താർ തുടങ്ങിയവർ പ്രസംഗിച്ചു.