ദൈവംപടി-മാളികപ്പടി റോഡിലെ ടാറിംഗ് തകര്ന്നിട്ട് വര്ഷങ്ങള്
1464141
Saturday, October 26, 2024 7:30 AM IST
ദൈവംപടി: ദൈവംപടി- മാളികപ്പടി റോഡിലെ ടാറിംഗ് തകര്ന്നിട്ട് വര്ഷങ്ങള് പിന്നിടുന്നു. യാത്ര അപകടകരമായി. റോഡില് ഉണ്ടക്കല്ലുകള് നിരന്നു കിടക്കുന്നതുമൂലം കാല്നട യാത്ര പോലും അസാധ്യമാണ്. ഓട്ടോറിക്ഷകള് ഓട്ടം വിളിച്ചാല് വരാത്ത സാഹചര്യമാണ്.
2012 ലാണ് റോഡ് നിര്മിച്ചത്. പിന്നെ അറ്റകുറ്റപ്പണികള് നടത്തിയിട്ടില്ല. ഒന്നര കിലോമീറ്റര് നീളമുള്ള ഈ റോഡ് പിഡബ്ല്യുഡി ഏറ്റെടുക്കണമെന്നാണ് നാട്ടുകാരുടെ ആവശ്യം.
റോഡ് ഗതാഗത യോഗ്യമാക്കണമെന്നാവശ്യപ്പെട്ടു യുഡിഎഫ് വാര്ഡ് കമ്മിറ്റിയുടെ നേതൃത്വത്തില് ദൈവംപടിയിലേയ്ക്ക് പ്രതിഷേധ പ്രകടനവും സമ്മേളനവും ഇന്നു വൈകുന്നേരം നാലിനു നടക്കും. കേരള കോണ്ഗ്രസ് ഉന്നതാധികാര സമിതി അംഗം വി.ജെ. ലാലി ഉദ്ഘാടനം ചെയ്യും.