നീതി നിര്വഹണത്തില് ഫോറന്സിക് മെഡിസിനു നിര്ണായക പങ്ക്: ജസ്റ്റീസ് ദേവന് രാമചന്ദ്രന്
1464336
Sunday, October 27, 2024 6:55 AM IST
ഗാന്ധിനഗര് (കോട്ടയം): നീതി നിര്വഹണത്തില് ഫോറന്സിക് മെഡിസിന് നിര്ണായക പങ്കുണ്ടെന്ന് ഹൈക്കോടതി ജഡ്ജി ജസ്റ്റീസ് ദേവന് രാമചന്ദ്രന്.
ഫോറന്സിക് മെഡിസിന് വിദഗ്ദ്ധരുടെ സംഘടനയായ അസോസിയേഷന് ഓഫ് ഫോറന്സിക് മെഡിസിന് എക്സ്പര്ട്സ് കേരള സംഘടിപ്പിച്ച പ്രഥമ ദ്വിദിന ദേശീയ കോണ്ഫറന്സ് കോട്ടയം മെഡിക്കല് കോളജില് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
കോട്ടയം മെഡിക്കല് കോളജ് പ്രിന്സിപ്പൽ ഡോ. വര്ഗീസ് പുന്നൂസ് അധ്യക്ഷത വഹിച്ചു. മെഡിക്കല് വിദ്യാഭ്യാസ ഡയറക്ടര് ഡോ. തോമസ് മാത്യൂ, ഫോറന്സിക് മെഡിസിന് വിഭാഗം മേധാവിയും അസോസിയേഷന് പ്രസിഡന്റുമായ ഡോ. ലിസ ജോണ്,
തിരുവനന്തപുരം മെഡിക്കല് കോളജ് ഫോറന്സിക് വിഭാഗം അസിസ്റ്റന്റ് പ്രഫ. ഡോ. ടി.എം. മനോജ് തുടങ്ങിയവര് പ്രസംഗിച്ചു. സമ്മേളനം ഇന്ന് സമാപിക്കും.