പ്രയാഗ 2024: ഓവറോള് കിരീടം ചെത്തിപ്പുഴ നഴ്സിംഗ് കോളജിന്
1464352
Sunday, October 27, 2024 7:07 AM IST
ചങ്ങനാശേരി: നഴ്സിംഗ് വിദ്യാര്ഥികളുടെ ദേശീയ സംഘടനയായ സ്റ്റുഡന്റ് നഴ്സസ് അസോസിയേഷന് ഓഫ് ഇന്ത്യ സൗത്ത് ഈസ്റ്റ് സോണ്, കേരള ഘടകം ചങ്ങനാശേരി എസ്ബി കോളജില് സംഘടിപ്പിച്ച സോണല്തല ദ്വിദിന കായികമേളയില് 62 പോയിന്റോടെ ചെത്തിപ്പുഴ സെന്റ് തോമസ് നഴ്സിംഗ് കോളജ് കിരീടം നേടി. 45 പോയിന്റോടെ തിരുവല്ല കോളജ് ഓഫ് നഴ്സിംഗ് ഗുരു എഡ്യൂക്കേഷണല് ട്രസ്റ്റ് രണ്ടാം സ്ഥാനവും 43 പോയിന്റോടെ തിരുവല്ല പുഷ്പഗിരി നഴ്സിംഗ് കോളജ് മൂന്നാം സ്ഥാനവും കരസ്ഥമാക്കി.
സെന്റ് തോമസ് നഴ്സിംഗ് കോളജിലെ റോസി കുര്യന് വനിതാ വിഭാഗത്തിലും തിരുവല്ല പുഷ്പഗിരി നഴ്സിംഗ് കോളജിലേ ബെന് ബിജു പുരുഷ വിഭാഗത്തിലും വ്യക്തിഗത ചാമ്പ്യന്മാരായി.