വെള്ളക്കരം അടയ്ക്കാത്തിനെത്തുടര്ന്ന് വിച്ഛേദിച്ച കണക്ഷന് പുനഃസ്ഥാപിച്ചു
1464138
Saturday, October 26, 2024 7:24 AM IST
പെരുവ: ദീപിക വാർത്ത തുണയായി. വെള്ളക്കരം അടയ്ക്കാത്തിനെ തുടര്ന്ന് വിച്ഛേദിച്ച ശുചിമുറിയുടെയും മത്സ്യമാര്ക്കറ്റിലെയും വാട്ടര് കണക്ഷന് പുന:സ്ഥാപിച്ചു.
പഞ്ചായത്ത് പ്രസിഡന്റ് ടി.കെ. വാസുദേവന് നായര് വാട്ടര് അഥോറിറ്റി എക്സിക്യൂട്ടിവ് എന്ജിനീയറുമായി നടത്തിയ ചര്ച്ചയില് കുടിശിക അടയ്ക്കുന്നത് സംബന്ധിച്ചു ധാരണയായതിനെ തുടര്ന്നാണ് നടപടി.
മുളക്കുളം പഞ്ചായത്തിലെ പെരുവ ടാക്സി സ്റ്റാന്ഡില് പ്രവര്ത്തിക്കുന്ന കംഫര്ട്ട് സ്റ്റേഷനിലേയും മത്സ്യ മാര്ക്കറ്റിലെയും വാട്ടര് കണക്ഷന് അധികൃതര് വിഛേദിച്ചത് ദീപിക ഇന്നലെ റിപ്പോര്ട്ട് ചെയ്തിരുന്നു. ഇതേതുടര്ന്നാണ് പഞ്ചായത്ത് പ്രസിഡന്റ് പ്രശ്നത്തില് ഇടപെട്ട് പരിഹാരമുണ്ടാക്കിയത്.