സൈനിക മേധാവികളുടെ ദേശീയതല ചര്ച്ചയില് പങ്കെടുത്ത് ഇഷാന് മേച്ചേരി
1464133
Saturday, October 26, 2024 7:24 AM IST
ബ്രഹ്മമംഗലം: സൈനിക മേധാവികളുടെ ദേശീയതല ചര്ച്ചയില് പങ്കെടുത്ത് ഇഷാന് മേച്ചേരി. കേന്ദ്ര വിദ്യാഭ്യാസ മന്ത്രാലയവും കേന്ദ്രപ്രതിരോധ മന്ത്രാലയവും സംയുക്തമായി നടത്തിയ സൈനിക മേധാവികളുടെ ദേശീയതല ചര്ച്ചയില് ദേശീയോദ്ഗ്രഥനം എന്ന വിഷയത്തില് പാനല് അംഗമായി പങ്കെടുത്തത് ബ്രഹ്മമംഗലം എച്ച്എസ്എസ് ആന്ഡ് വിഎച്ച്എസ് സ്കൂളിലെ അഞ്ചാം ക്ലാസ് വിദ്യാര്ഥി ഇഷാന് മേച്ചേരിയാണ്.
ചര്ച്ചയില് പങ്കെടുത്ത ഏറ്റവും പ്രായം കുറഞ്ഞയാളാണ് ഇഷാന്. കേരളത്തില് നിന്നും ഒരു വിദ്യാര്ഥിക്ക് മാത്രമാണ് അവസരം ലഭിച്ചത്. ദേശീയ തലത്തില് കേന്ദ്ര വിദ്യാഭ്യാസ മന്ത്രാലയം തെരഞ്ഞെടുത്ത ഇരുപത്തിയഞ്ച് കുട്ടികള്ക്കാണ് ചര്ച്ചയില് പങ്കെടുക്കാന് അവസരം ലഭിച്ചത്.
സ്കൂള് തലത്തില് നിന്നും മികച്ച രചന, ചിത്രം, ചോദ്യം എന്നിങ്ങനെയുള്ള കാര്യങ്ങളില് നിന്ന് കേന്ദ്ര വിദ്യാഭ്യാസ മന്ത്രാലയം തെരഞ്ഞെടുത്തതാണ് ഇത്തരത്തില് ഒരവസരത്തിന് ഇഷാന് അര്ഹനായത്. ചെമ്പ് പഞ്ചായത്തംഗം റെജി ജോണ് മേച്ചേരിയുടെയും ബ്രഹ്മമംഗലം സ്വദേശിയായ സമഗ്രശിക്ഷ കോട്ടയം ജില്ലാ പ്രോഗ്രാം ഓഫീസര് ധന്യ പി.വാസുവിന്റെയും മകനാണ്.