യുവജനങ്ങൾ സൂപ്പർ ഹീറോകളാണം: കളക്ടർ വി. വിഗ്നേശ്വരി
1464277
Sunday, October 27, 2024 5:33 AM IST
പെരുവന്താനം: യുവജനങ്ങൾ സൂപ്പർ ഹീറോസ് ആകണമെന്നും പ്രതിസന്ധികളില് പകച്ചുനിൽക്കാതെ ദുരന്തമുഖത്ത് സഹജീവികളുടെ രക്ഷകരായി മാറണമെന്നും ഇടുക്കി ജില്ലാ കളക്ടർ വി. വിഗ്നേശ്വരി.
പെരുവന്താനം സെന്റ് ആന്റണീസ് കോളജും മുരിക്കുംവയല് ഗവ. വൊക്കേഷണല് ഹയർ സെക്കൻഡറി സ്കൂളും മുണ്ടക്കയം സെന്റ് ജോസഫ് സെൻട്രൽ സ്കൂളും സംയുക്തമായി സംഘടിപ്പിച്ച ദ്വിദിന റെസിഡന്ഷ്യല് പരിശീലന പരിപാടി ഓൺലൈനായി ഉദ്ഘാടനം ചെയ്തു പ്രസംഗിക്കുകയായിരുന്നു കളക്ടർ.
തുടർന്നു നടന്ന സമ്മേളനം കെ.ജെ. തോമസ് ഉദ്ഘാടനം ചെയ്തു. ഡിസാസ്റ്റർ മാനേജ്മെന്റ് പരിശീലന പരിപാടി കേരള പോലീസ് അഞ്ചാം ബറ്റാലിയന് കമാന്ഡന്റ് വി.ഡി. വിജയൻ ഉദ്ഘാടനം ചെയ്തു. കോളജ് ചെയർമാൻ ബെന്നി തോമസ് ആമുഖപ്രഭാഷണം നടത്തി. പ്രിൻസിപ്പൽ ഡോ. ആന്റണി ജോസഫ് കല്ലമ്പള്ളി,
മുരിക്കുംവയൽ വിഎച്ച്എസ്എസ് പ്രിൻസിപ്പല് പി.എസ്. സുരേഷ് ഗോപാല്, എസ്പിസി കോട്ടയം അസിസ്റ്റന്റ് നോഡൽ ഓഫീസർ ഡി. ജയകുമാർ, മുണ്ടക്കയം സെന്റ് ജോസഫ് സെൻട്രൽ സ്കൂൾ മാനേജര് ഫാ. മത്തായി മണ്ണൂർവടക്കേതിൽ, സെക്രട്ടറി ടിജോമോന് ജേക്കബ്, മുണ്ടക്കയം സഹകരണബാങ്ക് പ്രസിഡന്റ് റോയി കപ്പലുമാക്കല് എന്നിവർ പ്രസംഗിച്ചു.