വാഴ്ത്തപ്പെട്ട തേവര്പറമ്പില് കുഞ്ഞച്ചന് അനുസ്മരണ പ്രസംഗമത്സരം
1464072
Saturday, October 26, 2024 5:58 AM IST
രാമപുരം: ഹയര് സെക്കന്ഡറി വിഭാഗം കുട്ടികള്ക്കായുള്ള 11-ാമത് അഖില കേരള തേവര്പറമ്പില് കുഞ്ഞച്ചന് അനുസ്മരണ പ്രസംഗമത്സരം - ബ്ലെസിയോ ഒറാത്തോ 2024 - രാമപുരം സെന്റ് അഗസ്റ്റിന്സ് ഹയര് സെക്കന്ഡറി സ്കൂളില് നടത്തപ്പെട്ടു.
സമകാലീന ലോകത്തില് വാഴ്ത്തപ്പെട്ട കുഞ്ഞച്ചന്റെ ജീവിത ദര്ശനത്തിന്റെ പ്രസക്തി എന്ന വിഷയത്തെ ആസ്പദമാക്കിയാണ് മത്സരം സംഘടിപ്പിച്ചത്. സ്കൂള് മാനേജര്ഫാ. ബെര്ക്കുമാന്സ് കുന്നുംപുറം അധ്യക്ഷത വഹിച്ച സമ്മേളനത്തിൽ വൈസ് പോസ്റ്റുലേറ്റര് ഫാ. തോമസ് വെട്ടുകാട്ടില് മത്സരം ഉദ്ഘാടനം ചെയ്തു.
സ്കൂള് പ്രിന്സിപ്പല് സാബു മാത്യു, കുഴുന്പിൽ കുടുംബയോഗം മുൻ പ്രസിഡന്റ് ബോസ്കോ തേവര്പറമ്പില്, ഹെഡ്മാസ്റ്റര് സാബു തോമസ്, പിടിഎ പ്രസിഡന്റ് സിബി മണ്ണാപറമ്പില്, അധ്യാപകരായ ഫാ. ജോമോന് പറമ്പില്തടത്തില്, ഷിനു ആനത്താരയ്ക്കല് തുടങ്ങിയവര് പ്രസംഗിച്ചു.
വിവിധ സ്കൂളുകളില് നിന്നുള്ള 34 പ്രതിഭകള് പങ്കെടുത്ത മത്സരത്തില് വലിയകുമാരമംഗലം സെന്റ് പോള്സ് ഹയര് സെക്കന്ഡറി സ്കൂളിലെ ജീനാമോള് ടോമി ഒന്നാം സ്ഥാനവും പ്ലാശനാല് സെന്റ് ആന്റണീസ് ഹയര് സെക്കന്ഡറി സ്കൂളിലെ ക്രിസ്വിന് ജസ്റ്റിന് രണ്ടാം സ്ഥാനവും കുര്യനാട് സെന്റ് ആന്സ് ഹയര് സെക്കന്ഡറി സ്കൂളിലെ അഷേര് ജോസഫ് മൂന്നാം സ്ഥാനവും കരസ്ഥമാക്കി.
വിജയികള്ക്ക് കുഴുമ്പില് കുടുംബയോഗം ഏര്പ്പെടുത്തിയിരിക്കുന്ന എവര്റോളിംഗ് ട്രോഫിയും ഒന്ന്, രണ്ട്, മൂന്ന് സ്ഥാനക്കാര്ക്ക് യഥാക്രമം 5001, 3001, 2001 രൂപ കാഷ് അവാര്ഡും സമ്മാനിച്ചു.