നഴ്‌സിംഗ് വിദ്യാര്‍ഥികളുടെ സൗത്ത് സോണ്‍ കായികമേള സംഘടിപ്പിച്ചു
1464142
Saturday, October 26, 2024 7:30 AM IST
ചങ്ങനാശേരി: സ്റ്റുഡന്‍റ് നഴ്‌സസ് അസോസിയേഷന്‍ ഓഫ് ഇന്ത്യ സൗത്ത് ഈസ്റ്റ് സോണ്‍, കേരള ഘടകം കായികമേള പ്രയാഗ -2024 ചെത്തിപ്പുഴ സെന്‍റ് തോമസ് കോളജ് ഓഫ് നഴ്‌സിംഗിന്‍റെ ആഭിമുഖ്യത്തില്‍ ചങ്ങനാശേരി എസ്ബി കോളജ് ഗ്രൗണ്ടില്‍ സംഘടിപ്പിച്ചു.
എസ്എന്‍എ സോണല്‍ ചെയര്‍പേഴ്‌സണ്‍ നന്മ റേച്ചല്‍ ജോസ് അധ്യക്ഷത വഹിച്ചു. നീന്തല്‍ കായിക താരവും നീന്തല്‍ പരിശീലകയുമായ സുമി സിറിയക് ഉദ്ഘാടനം ചെയ്തു.
പഞ്ചഗുസ്തി താരം ഗൗതം മനോജ് മുഖ്യാതിഥിയായിരുന്നു. സെന്‍റ് തോമസ് ആശുപത്രിയുടെയും അനുബന്ധ മെഡിക്കല്‍ വിദ്യാഭ്യാസ സ്ഥാപനങ്ങളുടെയും എക്‌സിക്യൂട്ടീവ് ഡയറക്ടര്‍ ഫാ. ജെയിംസ് പി. കുന്നത്ത്, കോളജ് വൈസ് പ്രിന്‍സിപ്പല്‍ ഡോ. ഷൈല ഐപ്പ് വര്‍ഗീസ്,
എസ്ബി കോളജ് പ്രിന്‍സിപ്പല്‍ റവ.ഡോ റെജി പി. കുര്യന്‍, ലീജ ജേക്കബ്, റിജോ ജി. വര്‍ഗീസ് എന്നിവര്‍ പ്രസംഗിച്ചു. കോട്ടയം, ആലപ്പുഴ, പത്തനംതിട്ട ജില്ലകളിലെ 22 നഴ്‌സിംഗ് വിദ്യാഭ്യാസ സ്ഥാപനങ്ങളില്‍നിന്നായി അഞ്ഞൂറോളം മത്സരാര്‍ഥികള്‍ പങ്കെടുത്തു.