സാന്താ മരിയ വോളിബോൾ ടൂർണമെന്റ് നടത്തി
1464338
Sunday, October 27, 2024 6:55 AM IST
കൂരോപ്പട: പന്ത്രണ്ടാമത് സാന്താ മരിയ വോളിബോൾ ടൂർണമെന്റ് പാമ്പാടി സർക്കിൾ ഇൻസ്പെ ക്ടർ റിച്ചാർഡ് വർഗീസ് ഉദ്ഘാടനം ചെയ്തു.
സ്കൂൾ പ്രിൻസിപ്പൽ ഫാ. റോയ് മാളേക്കൽ സിഎംഐ അധ്യക്ഷത വഹിച്ചു. വൈസ് പ്രിൻസിപ്പൽ ജോൺസൺ ഫിലിപ്പോസ്, പിടിഎ പ്രസിഡന്റ് വിനോദ് തോമസ്, സാന്താ മരിയ എഡ്യൂക്കേഷണൽ സൊസൈറ്റി സെക്രട്ടറി അലക്സ് ജോസഫ്, വൈസ് പ്രസിഡന്റ് ടി.ഒ. ജോസഫ് എന്നിവർ പ്രസംഗിച്ചു.
ആൺകുട്ടികളുടെ വിഭാഗത്തിൽ അമൃത സ്കൂൾ കൊടുങ്ങല്ലൂരും പെൺകുട്ടികളുടെ വിഭാഗത്തിൽ ആതിഥേയരായ സാന്താ മരിയ സ്കൂളും ജേതാക്കളായി.
ആൺകുട്ടികളുടെ വിഭാഗത്തിൽ വൈക്കം ലിസ്യൂസ് സ്കൂളും പെൺകുട്ടികളുടെ വിഭാഗത്തിൽ ആനക്കല്ല് സെന്റ് ആന്റണീസ് പബ്ലിക് സ്കൂളും റണ്ണേഴ്സപ്പായി.