സഞ്ചരിക്കുന്ന കാൻസർ പരിശോധനാ വാഹനവുമായി കാരിത്താസ് ആശുപത്രി
1464058
Saturday, October 26, 2024 5:46 AM IST
കോട്ടയം: കാരിത്താസ് ആശുപത്രിയുടെ പുതിയ സംരംഭമായ സഞ്ചരിക്കുന്ന കാൻസർ പരിശോധനാ വാഹനത്തിന്റെ ഫ്ലാഗ് ഓഫ് കേന്ദ്രമന്ത്രി സുരേഷ് ഗോപി നിർവഹിച്ചു. മൊബൈൽ മാമോഗ്രാം യൂണിറ്റും കാൻസർ പരിശോധനയ്ക്കുള്ള മെഡിക്കൽ ഉപകരണങ്ങളുമുള്ള ഈ കാരവൻ കാൻസർ രോഗം വ്യാപകമായിക്കൊണ്ടിരിക്കുന്ന കേരളത്തിലെ ജനങ്ങൾക്ക് സൗജന്യ പരിശോധനകൾക്ക് വലിയ സഹായമാകും.
കാൻസർ രോഗനിർണയ - ചികിത്സാരംഗത്ത് കഴിഞ്ഞ മൂന്ന് പതിറ്റാണ്ടു പ്രവർത്തന പാരമ്പര്യമുള്ള കാരിത്താസ് ആശുപത്രി ഇതോടെ ഈ മേഖലയിൽ പുതിയ പാത തുറക്കുകയാണ്. കാരിത്താസ് ഡയമണ്ട് ജൂബിലി ഹാളിൽ നടന്ന ചടങ്ങിൽ കാരിത്താസ് ആശുപത്രി ഡയറക്ടർ റവ.ഡോ. ബിനു കുന്നത്ത്,
റേഡിയോളജി ആൻഡ് ഇമേജിംഗ് അസോസിയേഷൻ സെക്രട്ടറി ഡോ. റിജോ, കാരിത്താസ് ജോയിന്റ് ഡയറക്ടർമാരായ ഫാ. ജോയിസ് നന്ദിക്കുന്നേൽ, ഫാ. സ്റ്റീഫൻ തേവർപ്പറമ്പിൽ, ഫാ. റോയ് കാഞ്ഞിരത്തുമ്മൂട്ടിൽ, ഫാ. ജിസ്മോൻ മഠത്തിൽ, ഫാ. ബ്രാസൺ ഒഴുങ്ങാലിൽ, കാരിത്താസ് ആശുപത്രി മെഡിക്കൽ ഡയറക്ടർ ഡോ. ബോബി എൻ. ഏബ്രഹാം തുടങ്ങിയവർ പങ്കെടുത്തു.
സ്വസ്തി ഫൗണ്ടേഷൻ, ഇന്ത്യൻ റേഡിയോളജി ആൻഡ് ഇമേജിംഗ് അസോസിയേഷൻ, കിഡ്സ് കോട്ടപ്പുറം തുടങ്ങിയവരുടെ സഹകരണത്തോടെയാണ് ഈ പദ്ധതി കാരിത്താസ് യാഥാർഥ്യമാക്കുന്നത്.