കുറവിലങ്ങാട് ഉപജില്ലാ ശാസ്ത്രോത്സവം: ഡി പോളിനും സെന്റ് മേരീസ് ഗേള്സിനും തിളക്കം
1463839
Friday, October 25, 2024 5:51 AM IST
കുറവിലങ്ങാട്: ഉപജില്ലാ ശാസ്ത്ര, ഗണിതശാസ്ത്ര, ഐടി, പ്രവൃത്തിപരിചയ മേളകളില് തിളക്കവുമായി നസ്രത്ത്ഹില് ഡി പോള് ഹയര് സെക്കൻഡറി സ്കൂളൂം കുറവിലങ്ങാട് സെന്റ് മേരീസ് ഗേള്സ് ഹൈസ്കൂളും.
ശാസ്ത്രമേളയില് തുടര്ച്ചയായി അഞ്ചാം തവണയാണ് നസ്രത്ത്ഹില് ഡി പോളിന്റെ ഓവറോള് കിരീടം. 921 പോയിന്റുമായാണ് ഡി പോളിന്റെ വിജയം. വിജയികളെയും അധ്യാപകരെയും പ്രിന്സിപ്പല് ഫാ. ഡിനില് പുല്ലാട്ട്, വൈസ് പ്രിന്സിപ്പല് ഫാ. റോണി മുളംകൊമ്പില്, മാനേജര് ഫാ. ജോമോന് കരോട്ടുകിഴക്കേല് എന്നിവര് അഭിനന്ദിച്ചു.
സെന്റ് മേരീസ് ഗേള്സ് ഹൈസ്കൂളിന് ഹൈസ്കൂള് വിഭാഗത്തില് ഗണിതശാസ്ത്രം, ശാസ്ത്രം, പ്രവൃത്തിപരിചയം എന്നീ മേളകളിലാണ് ഓവറോള് കിരീടം. ഐടിയില് രണ്ടാംസ്ഥാനവും നേടിയിട്ടുണ്ട്.
യുപി വിഭാഗത്തില് ഗണിതശാസ്ത്രം, സാമൂഹികശാസ്ത്രം, ഐടി മേളകളില് ഒന്നാംസ്ഥാനവും ശാസ്ത്രം, പ്രവൃത്തിപരിചയം എന്നീ മേളകളില് രണ്ടാംസ്ഥാനവും നേടാനായി. വിജയികളെ ഹെഡ്മിസ്ട്രസ് സിസ്റ്റര് നോയല് അഭിനന്ദിച്ചു.