ശബരിമല മുന്നൊരുക്ക അവലോകനയോഗം ഇന്ന്
1463830
Friday, October 25, 2024 5:47 AM IST
എരുമേലി: മണ്ഡല-മകരവിളക്ക് മഹോത്സവം ആരംഭിക്കുന്നതിനു മുന്നോടിയായി തീർഥാടകരെ വരവേൽക്കുന്നതിനും സുഗമമായ തീർഥാടനത്തിന് സൗകര്യങ്ങൾ ഒരുക്കുന്നതിനും ബന്ധപ്പെട്ട മുഴുവൻ സർക്കാർ വകുപ്പുകളുടെയും സംയുക്ത യോഗം ഇന്നു നടക്കുമെന്ന് സെബാസ്റ്റ്യൻ കുളത്തുങ്കൽ എംഎൽഎ അറിയിച്ചു. രാവിലെ 11.30ന് എരുമേലി ദേവസ്വം ബോർഡ് ഹാളിലാണ് യോഗം.
ജില്ലാ കളക്ടർ ജോൺ വി. സാമുവൽ, ജില്ലാ പോലീസ് മേധാവി ഷാഹുൽ ഹമീദ്, ദേവസ്വം ബോർഡ് പ്രസിഡന്റ് പി.എസ്. പ്രശാന്ത് തുടങ്ങിയവരും വിവിധ സർക്കാർ വകുപ്പുകളുടെ ജില്ലാ മേധാവികളും എരുമേലി പഞ്ചായത്ത് ഭരണസമിതി പ്രതിനിധികൾ, വിവിധ സംഘടനകൾ, സ്ഥാപനങ്ങൾ തുടങ്ങിയവയുടെ പ്രതിനിധികളും പങ്കെടുക്കും.