വന്യമൃഗശല്യം: വനംമന്ത്രിക്ക് നിവേദനം നൽകി
1464063
Saturday, October 26, 2024 5:58 AM IST
മുണ്ടക്കയം ഈസ്റ്റ്: ടിആർ ആൻഡ് ടി എസ്റ്റേറ്റിൽ വർഷങ്ങളായി തുടരുന്ന വന്യമൃഗശല്യത്തിന് പരിഹാരം കാണണമെന്ന് ആവശ്യപ്പെട്ട് ഐഎൻടിയുസി ഇടുക്കി ജില്ലാ ജനറൽ സെക്രട്ടറി ജോൺ പി. തോമസ് വനംമന്ത്രി എ.കെ. ശശീന്ദ്രന് നിവേദനം നൽകി.
നിലവിൽ കുപ്പക്കയം, ചെന്നാപ്പാറ, മതമ്പ, ഇഡികെ പ്രദേശങ്ങളിൽ കാട്ടാനശല്യത്തെത്തുടർന്ന് ജോലി ചെയ്യാൻപോലും പറ്റാത്ത സാഹചര്യമാണ്.
റബർമരങ്ങളും തൊഴിലാളി കുടുംബങ്ങളുടെ കൃഷികളും കാട്ടനാക്കൂട്ടം വ്യാപകമായി നശിപ്പിക്കുകയാണ്. വന്യമൃഗശല്യം മൂലം എസ്റ്റേറ്റിലെ സ്കൂളിന് അവധി കൊടുക്കേണ്ട സാഹചര്യം വരെയുണ്ടെന്നു നിവേദനത്തിൽ ചൂണ്ടി ക്കാട്ടി.