ആരോഗ്യമുള്ള ഭക്ഷണക്രമം അനിവാര്യം: മന്ത്രി പി. പ്രസാദ്
1463833
Friday, October 25, 2024 5:47 AM IST
പാലാ: അശാസ്ത്രീയമായ ഭക്ഷണരീതി ഉപേക്ഷിച്ച് ആരോഗ്യമുള്ള ഭക്ഷണക്രമത്തിലേക്ക് മാറാന് മലയാളികള്ക്ക് സാധിക്കണമെന്ന് മന്ത്രി പി. പ്രസാദ്. പാലായില് സെന്റ് തോമസ് പ്രസിനു സമീപം ആരംഭിച്ച കേരള ഗ്രോ ജില്ലാ സ്റ്റോറിന്റെ ഉദ്ഘാടനം നിര്വഹിച്ചു പ്രസംഗിക്കുകയായിരുന്നു മന്ത്രി.
പാലാ രൂപതയെന്നാല് കര്ഷക രൂപതയാണെന്നും കര്ഷകരുടെ മുന്നേറ്റ പ്രവര്ത്തനങ്ങളില് സര്ക്കാര് ഏജന്സികളുമായി സഹകരിക്കാന് രൂപത ആഗ്രഹിക്കുന്നതിന്റെ തെളിവാണ് പാലായിലെ കേരള ഗ്രോ സ്റ്റോറെന്നും ബിഷപ് മാര് ജോസഫ് കല്ലറങ്ങാട്ട് അഭിപ്രായപ്പെട്ടു.
മാണി സി. കാപ്പന് എംഎല്എ അധ്യക്ഷത വഹിച്ചു. കേരളാ ഗ്രോ ഉത്പന്നങ്ങളുടെ ആദ്യ വില്പന ജോസ് കെ. മാണി എംപി നിര്വഹിച്ചു. മുനിസിപ്പല് ചെയര്മാന് ഷാജു വി. തുരുത്തേൽ, ജില്ലാ പ്രിന്സിപ്പല് കൃഷി ഓഫീസര് ജോ ജോസ്, ആത്മ പ്രോജക്ട് ഡയറക്ടര് ഏബ്രഹാം സെബാസ്റ്റ്യന്,
പാലാ സോഷ്യല് വെല്ഫെയര് സൊസൈറ്റി പ്രസിഡന്റ് ഫാ. തോമസ് കിഴക്കേല്, റവ.ഡോ. ജോര്ജ് വര്ഗീസ് ഞാറക്കുന്നേല്, ഫാ. ജോസ് തറപ്പേല്, ഫാ. സൈറസ് വേലംപറമ്പില്, ഫാ. ജോസഫ് താഴത്തുവരിക്കയില്, ഫാ. ഇമ്മാനുവല് കാഞ്ഞിരത്തുങ്കല് എന്നിവര് പ്രസംഗിച്ചു.