ഇന്റര് സ്കൂള് ചെസ് ടൂര്ണമെന്റ്
1463831
Friday, October 25, 2024 5:47 AM IST
കാഞ്ഞിരപ്പള്ളി: ആനക്കല്ല് സെന്റ് ആന്റണീസ് പബ്ലിക് സ്കൂളിന്റെ ആഭിമുഖ്യത്തില് സംഘടിപ്പിക്കുന്ന പത്താമത് ഓള് കേരള സ്റ്റുഡന്റ്സ് ഓപ്പണ് ചെസ് ടൂര്ണമെന്റ് നാളെ രാവിലെ ഒന്പതിന് സ്കൂള് ഓഡിറ്റോറിയത്തില് നടക്കും.
ഒന്നുമുതല് പന്ത്രണ്ടുവരെ ക്ലാസുകളിലെ കുട്ടികളെ മൂന്നു വിഭാഗങ്ങളായി തിരിച്ചാണു മത്സരങ്ങള് നടത്തുന്നത്. ഒന്നും രണ്ടും കാറ്റഗറിയില് ആദ്യത്തെ പതിനഞ്ച് സ്ഥാനങ്ങള് നേടുന്നവര്ക്ക് കാഷ് അവാര്ഡും ട്രോഫിയും മൂന്നാമത്തെ കാറ്റഗറിയില് ആദ്യത്തെ പത്ത് സ്ഥാനങ്ങള് നേടുന്നവര്ക്ക് കാഷ് അവാര്ഡും ട്രോഫിയും സമ്മാനിക്കും.
മാനേജര് റവ.ഡോ. ജോണ് പനച്ചിക്കല് ചെയര്മാനായും പ്രിന്സിപ്പല് ഫാ. ആന്റണി തോക്കനാട്ട് ജനറല് കണ്വീനറായും വൈസ് പ്രിന്സിപ്പല് ഫാ. ഷിജു കണ്ടപ്ലാക്കല് കണ്വീനറായും പ്രിന്സ് മാത്യു, മനോജ് ജോസ് എന്നിവര് കോ-ഓര്ഡിനേറ്റേഴ്സായും പ്രവര്ത്തിക്കുന്ന വിവിധ കമ്മിറ്റികള് ടൂര്ണമെന്റിനു നേതൃത്വം നല്കും.