പാലാ ഉപജില്ലാ സ്‌കൂള്‍ കലോത്സവം വിളക്കുമാടത്ത് ഇന്നുമുതൽ
1463838
Friday, October 25, 2024 5:47 AM IST
പാലാ: പാലാ ഉപജില്ലാ സ്‌കൂള്‍ കലോത്സവം ഇന്നു മുതല്‍ 30 വരെ വിളക്കുമാടം സെന്‍റ് ജോസഫ്‌സ് ഹയര്‍ സെക്കൻഡറി സ്‌കൂള്‍, സെന്‍റ് ത്രേസ്യാസ് യുപി സ്‌കൂള്‍ എന്നിവിടങ്ങളിലായി നടക്കും. കലോത്സവത്തിന് മുന്നോടിയായി ഇന്ന് 9.30ന് പൈകയില്‍നിന്ന് വിളബര ഘോഷയാത്ര നടത്തും.
രാവിലെ 10.30ന് വിളക്കുമാടം പള്ളി പാരിഷ് ഹാളില്‍ ചേരുന്ന സമ്മേളനത്തില്‍ ജോസ് കെ. മാണി എംപി ഉദ്ഘാടനം നിര്‍വഹിക്കും. മാണി സി. കാപ്പന്‍ എംഎല്‍എ അധ്യക്ഷത വഹിക്കും. എഇഒ ബി. ഷൈല, സ്‌കൂള്‍ മാനേജര്‍ ഫാ. ജോര്‍ജ് മണ്ണുക്കുശുമ്പില്‍, പഞ്ചായത്ത് പ്രസിഡന്‍റ സാജോ പൂവത്താനി, ജോബി സെബാസ്റ്റ്യന്‍,
ജില്ലാ പഞ്ചായത്തംഗം രാജേഷ് വാളിപ്ലാക്കല്‍, ബ്ലോക്ക് പഞ്ചായത്തംഗം ജോസ് ചെമ്പകശേരി, പഞ്ചായത്ത് മെംബര്‍ സോജന്‍ തൊടുകയില്‍ തുടങ്ങിയവര്‍ പ്രസംഗിക്കും. 30നു വൈകുന്നേരം 4.30ന് നടക്കുന്ന സമാപന സമ്മേളനം കെ. ഫ്രാന്‍സിസ് ജോര്‍ജ് എംപി ഉദ്ഘാടനം ചെയ്യും.