മാ​ഞ്ചോ​ട് പാ​ല​ത്തി​ന്‍റെ പു​ന​ർ​നി​ർ​മാ​ണം ബാനറിൽ ഒ​തു​ങ്ങുന്നു
Monday, August 26, 2024 1:35 AM IST
ഇ​രി​ട്ടി: 2018ലെ ​പ്ര​ള​യ​ത്തി​ൽ ത​ക​ർ​ന്ന ആ​റ​ളം-അ​യ്യ​ൻ​കു​ന്ന് പ​ഞ്ചാ​യ​ത്തു​ക​ളെ ബ​ന്ധി​പ്പി​ക്കു​ന്ന മാ​ഞ്ചോ​ട് പാ​ല​ത്തി​ന്‍റെ നി​ർ​മാ​ണം ബാനറുക​ളി​ൽ മാ​ത്രം ഒ​തു​ങ്ങു​ന്നു. പാ​ലം ത​ക​ർ​ന്ന് ആ​റുവ​ർ​ഷം പി​ന്നി​ടു​മ്പോ​ഴും ര​ണ്ടു​ത​വ​ണ കോ​ടി​ക​ളു​ടെ ക​ണ​ക്കു​ക​ൾ മാ​ത്രം രേ​ഖ​പ്പെ​ടു​ത്തി​യ ബാനറുക​ൾ മാ​ത്ര​മാ​ണ് ഇ​വി​ടെ ഉ​യ​രു​ന്ന​ത്. ആ​റ​ളം-അ​യ്യ​ൻ​കു​ന്ന് പ​ഞ്ചാ​യ​ത്തു​ക​ളു​ടെ അ​തി​ർ​ത്തി​യാ​യ വെ​മ്പു​ഴ പു​ഴ​യ്ക്ക് കു​റു​കെ നി​ർ​മി​ച്ചി​രു​ന്ന പൈ​പ്പ് പാ​ലം 2018ലെ ​പ്ര​ള​യ​ത്തി​ൽ പൂ​ർ​ണ​മാ​യും ത​ക​രു​ക​യാ​യി​രു​ന്നു.

യാ​ത്രാ സൗ​ക​ര്യം ഉ​ൾ​പ്പെ​ടെ ആ​റ​ളം പ​ഞ്ചാ​യ​ത്തി​ലെ താ​മ​സ​ക്കാ​രാ​യ ജ​ന​ങ്ങ​ൾ​ക്കാ​ണ് ഈ ​പാ​ലം കൂ​ടു​ത​ലാ​യി ഉ​പ​യോ​ഗ​പ്പെ​ടു​ന്ന​ത്. സ്കൂ​ൾ, വി​ല്ലേ​ജ്, ബാ​ങ്ക്, ആ​രാ​ധ​നാ​ല​യം ഉ​ൾ​പ്പെ​ടെ ഈ ​പ്ര​ദേ​ശ​ത്തെ ജ​ങ്ങ​ൾ​ക്ക് അ​യ്യ​ൻ​കു​ന്ന് പ​ഞ്ചാ​യ​ത്തി​ലെ ക​രി​ക്കോ​ട്ട​ക്ക​രി​യി​യു​മാ​യി ബ​ന്ധ​പ്പെ​ടാ​ൻ ഈ ​പാല​മാ​യി​രു​ന്ന ഉ​പ​യോ​ഗി​ച്ചി​രു​ന്ന​ത്. പാ​ലം ത​ക​ർ​ന്ന​തോ​ടെ ആ​റുകി​ലോ​മീ​റ്റ​റി​ൽ അ​ധി​കം കൂ​ടു​ത​ൽ സ​ഞ്ച​രി​ച്ചു​വേ​ണം ഇ​വി​ട​ങ്ങ​ളി​ൽ എ​ത്താ​ൻ. ആ​റ​ളം പ്ര​ദേ​ശ​ത്തെ നി​ര​വ​ധി ക്ഷീ​ര​ക​ർ​ഷ​ക​രും പാ​ലം ത​ക​ർ​ന്ന​തോ​ടെ ദു​രി​ത​ത്തി​ലാ​യി​രി​ക്കു​കയാണ്. മ​ഴ​ക്കാ​ലത്ത് അ​യ്യ​ൻ​കു​ന്ന് പ​ഞ്ചാ​യ​ത്തി​ലെ ക്ഷീ​ര ക​ർ​ഷ​ക​സം​ഘ​ത്തി​ൽ എ​ത്താ​ൻ കി​ലോ​മീ​റ്റ​റു​ക​ൾ ചു​റ്റി സ​ഞ്ച​രി​ക്കേ​ണ്ട സാ​ഹ​ച​ര്യ​മാ​ണ്.

പാ​ലം ത​ക​ർ​ന്ന ശേ​ഷം ര​ണ്ടു​ത​വ​ണ പാ​ലം പു​ന​ർ​നി​ർ​മി​ക്കു​മെ​ന്നു ​കാ​ണി​ച്ച് ബാ​ന​റു​ക​ൾ ഉ​യ​ർ​ന്ന​ത​ല്ലാ​തെ ആ​റുവ​ർ​ഷ​ത്തി​ൽ യാ​തൊ​രു പു​രോ​ഗ​തി​യും സം​ഭ​വി​ച്ചി​ട്ടി​ല്ല. ആ​ദ്യ ബാ​ന​റി​ൽ ര​ണ്ടു​കോ​ടി രൂ​പ​യും ര​ണ്ടാ​മ​ത്തെ ത​വ​ണ മൂ​ന്ന​രക്കോ​ടി​യും ബാ​ന​റി​ൽ ഉ​യ​ർ​ന്നെ​ങ്കി​ലും പ്ര​ത്യ​ക്ഷ​പ്പെ​ട്ട കോ​ടി​ക​ൾ എ​വി​ടെ​പ്പോ​യെ​ന്ന് അ​റി​യി​ല്ലെ​ന്ന് നാ​ട്ടു​കാ​ർ പ​റ​യു​ന്നു.

പ്ര​ള​യ​ത്തി​ൽ ത​ക​ർ​ന്ന ചെ​റി​യ പാ​ലം പോ​ലും പു​ന​ർ​നി​ർ​മി​ക്കാ​ൻ ക​ഴി​യാ​ത്ത സ​ർ​ക്കാ​ർ പ​രാ​ജ​യ​മാ​ണെ​ന്ന് പ്ര​ദേ​ശ​വാ​സി​ക​ൾ കു​റ്റ​പ്പെ​ടു​ത്തു​ന്നു. മ​ഴ​ക്കാ​ലം ആ​രം​ഭി​ച്ച​തോ​ടെ വി​ദ്യാ​ർ​ഥി​ക​ൾ ഉ​ൾ​പ്പെ​ടെ താ​ത്കാ​ലി​ക​മാ​യി നി​ർ​മി​ച്ച മ​ര​പ്പാ​ല​ത്തി​ലൂ​ടെ​യാ​ണ് സ​ഞ്ച​രി​ക്കു​ന്ന​ത്. കു​ത്തി​യൊ​ഴു​കു​ന്ന പു​ഴയ്​ക്കു മു​ക​ളി​ലെ ദ്ര​വി​ച്ചു​തു​ട​ങ്ങി​യ പാ​ല​ത്തി​ലൂ​ടെ അ​പ​ക​ട​ക​രമാ​യാ​ണ് വി​ദ്യാ​ർ​ഥി​ക​ൾ ഉ​ൾ​പ്പെ​ടെ സ​ഞ്ച​രി​ക്കു​ന്ന​ത്. 30 രൂ​പ​ക്ക് സ​ഞ്ച​രി​ക്കേ​ണ്ട ദൂ​രം 130 രൂ​പ ചെ​ല​വ​ഴി​ച്ചാണ് സ​ഞ്ച​രി​ക്കുന്നതെന്ന് നാ​ട്ടു​കാ​ർ പറയുന്നു.


"മ​ല​യോ​ര ഹൈ​വേ​യി​ൽ വെ​മ്പു​ഴ പു​ഴ​യ്ക്കു കു​റു​കെ നി​ർ​മിക്കു​ന്ന വ​ലി​യ പാ​ല​ത്തി​ന് ഒ​രു​കോ​ടി​യിൽ അ​ധി​കം രൂ​പ​യാ​ണ് ചെല​വ് ക​ണ​ക്കാ​ക്കു​ന്ന​ത്. അ​തി​ന്‍റെ പ​കു​തി​മാ​ത്രം വ​ലി​പ്പം വ​രു​ന്ന പാ​ല​ത്തി​ന് 3.50 കോ​ടി രൂ​പ​അ​നു​വ​ദി​ച്ച​താ​യി കാ​ണി​ച്ച് ഫ്ല​ക്സ് വ​ച്ച​ത് എ​ന്തി​നു​വേ​ണ്ടി ആ​യി​രു​ന്നു. ഇ​തി​നു പി​ന്നി​ൽ വ​ൻ അ​ഴി​മ​തി​ക്ക് സാ​ധ്യ​ത ഉ​ണ്ടെ​ന്നാ​ണ് ഞ​ങ്ങ​ളു​ടെ സം​ശ​യം. മാ​ഞ്ചോ​ട് പാ​ല​ത്തി​ന്‍റെ നി​ർ​മാ​ണം ത​ട​സ​പ്പെ​ടു​ത്തു​ന്ന​തി​ന് പി​ന്നി​ൽ ഒ​രു ലോ​ബി​ത​ന്നെ പ്ര​വ​ർ​ത്തി​ക്കു​ന്ന​താ​യി സം​ശ​യി​ക്കു​ന്നു.’
-ജ​സ്റ്റി​ൻ ജോ​സ​ഫ് (പ്ര​ദേ​ശ​വാ​സി)

"മ​ഴ​ക്കാ​ലം ഒ​രു പ്ര​ദേ​ശ​ത്തെ ജ​ന​ങ്ങളെ മു​ഴു​വ​ൻ യാ​ത്രാ ദു​രി​ത​ത്തി​ലാ​ക്കു​ന്ന പാ​ലം ത​ക​ർ​ന്നി​ട്ട് ആ​റുവ​ർ​ഷം പി​ന്നി​ടു​മ്പോ​ഴും ഭ​ര​ണ​കൂ​ടം മ​ല​യോ​ര ജ​ന​ത​യോ​ട് കാ​ണി​ക്കു​ന്ന അ​വ​ഗ​ണ​ന​യു​ടെ ഉ​ദാ​ഹ​ര​ണ​മാ​ണ് മാ​ഞ്ചോ​ട് പാ​ലം. 2018ൽ ​മൂ​ന്നു പാ​ല​ങ്ങ​ൾ ത​ക​ർ​ന്ന​തി​ൽ ര​ണ്ട് പാ​ല​ങ്ങ​ളും പു​ന​ർ​നി​ർ​മി​ച്ചു. പാ​വ​പ്പെ​ട്ട ക​ർ​ഷ​ക​ർ മാ​ത്ര​മു​ള്ള മേ​ഖ​ല​യെ ഭ​ര​ണ​പ്ര​തി​പ​ക്ഷം ഇ​ല്ലാ​തെ അ​വ​ഗ​ണി​ച്ചു. സു​ര​ക്ഷി​ത​മാ​യ ഒ​രു ന​ട​പ്പാ​ലം പോ​ലും നി​ർമിച്ചു​ ന​ൽ​കാ​ൻ ക​ഴി​യാ​ത്തത് ഭ​ര​ണ സം​വി​ധാ​ന​ത്തി​ന്‍റെ പി​ടി​പ്പു​കേ​ടാ​ണ്.'
-എം. ​വി​ജ​യ​ൻ (പ്ര​ദേ​ശ​വാ​സി)