സി.​ടി. സ​ജി​ത്തി​നെ ഡി​സി​സി സെ​ക്ര​ട്ട​റി സ്ഥാ​ന​ത്തുനി​ന്ന് മാ​റ്റി
Wednesday, September 11, 2024 1:45 AM IST
ത​ല​ശേ​രി: ത​ല​ശേ​രി ഇ​ന്ദി​രാ​ഗാ​ന്ധി സ​ഹ​ക​ര​ണ ആ​ശു​പ​ത്രി വി​വാ​ദ​ത്തി​ൽ ഡി​സി​സി സെ​ക്ര​ട്ട​റി​യും ആ​ശു​പ​ത്രി പ്ര​സി​ഡ​ന്‍റു​മാ​യി​രു​ന്ന കെ.​പി. സാ​ജു​വി​നെ​തി​രെ സ​ഹ​ക​ര​ണ ര​ജി​സ്ട്രാ​ർ​ക്ക് പ​രാ​തി ന​ൽ​കി​യ ഡി​സി​സി സെ​ക്ര​ട്ട​റി സി.​ടി. സ​ജി​ത്തി​നെ ഡി​സി​സി സെ​ക്ര​ട്ട​റി ഉ​ൾ​പ്പെ​ടെ പാ​ർ​ട്ടി​യു​മാ​യി ബ​ന്ധ​പ്പെ​ട്ട എ​ല്ലാ സ്ഥാ​ന​ങ്ങ​ളി​ൽ​നി​ന്നും ഒ​ഴി​വാ​ക്കി. സി.​ടി. സ​ജി​ത്ത് ആ​ശു​പ​ത്രി​ക്കെ​തി​രെ നി​ര​ന്ത​രം പ്ര​വ​ർ​ത്തി​ച്ച​താ​യി ക​ണ്ടെ​ത്തി​യ സാ​ഹ​ച​ര്യ​ത്തി​ലാ​ണ് ന​ട​പ​ടി​യെ​ന്ന് ഡി​സി​സി പ്ര​സി​ഡ​ന്‍റ് മാ​ർ​ട്ടി​ൻ ജോ​ർ​ജ് അ​റി​യി​ച്ചു.

ന‌​ട​പ​ടി​യൊ​ഴി​വാ​ക്കാ​ൻ ചി​ല കേ​ന്ദ്ര​ങ്ങ​ൾ പ​രി​ശ്ര​മം ന​ട​ത്തി വ​രി​ക​യാ​യി​രു​ന്നു. അ​തി​നി​ടെ ന​ട​പ​ടി വൈ​കു​ന്ന​തി​ൽ ഒ​രു വി​ഭാ​ഗം പ്ര​വ​ർ​ത്ത​ക​ർ പ്ര​തി​ഷേ​ധം ശ​ക്തി​പ്പെ​ടു​ത്തി​യ​തോ​ടെ​യാ​ണ് ഇ​ന്ന​ലെ വൈ​കു​ന്നേ​രം സ​ജി​ത്തി​നെ പാ​ർ​ട്ടി​യു​ടെ എ​ല്ലാ സ്ഥാ​ന​ങ്ങ​ളി​ൽ​നി​ന്നു മാ​റ്റി നി​ർ​ത്തി​ക്കൊ​ണ്ട് ഡി​സി​സി ന​ട​പ​ടി പ്ര​ഖ്യാ​പി​ച്ച​ത്.

ഇ​ന്ദി​രാ ഗാ​ന്ധി സ​ഹ​ക​ര​ണ ആ​ശു​പ​ത്രി​ക്കെ​തി​രെ​യു​ള്ള നീ​ക്ക​ങ്ങ​ൾ ചൂ​ണ്ടി​ക്കാ​ണി​ച്ച് ത​ല​ശേ​രി​യി​ലെ കോ​ൺ​ഗ്ര​സ് ഘ​ട​ക​ങ്ങ​ൾ ദീ​ർ​ഘ​കാ​ല​മാ​യി ന​ട​പ​ടി ആ​വ​ശ്യ​പ്പെ​ട്ടു​വ​രി​ക​യാ​യി​രു​ന്നു. സു​ധാ​ക​ര പ​ക്ഷ​ക്കാ​ര​നെ​ന്ന ബ​ല​ത്തി​ലാ​യി​രു​ന്നു ഇ​ത്ര​യും കാ​ലം പി​ടി​ച്ചു​നി​ന്ന​ത്. ഏ​റ്റ​വും ഒ​ടു​വി​ൽ സു​ധാ​ക​ര​നും കൈ​യൊ​ഴി​ഞ്ഞി​രു​ന്നു. അ​ടു​ത്തി​ട​യെ​യാ​യി​രു​ന്നു കെ.​പി. സാ​ജു​വി​വ​നെ​തി​രെ സ​ഹ​ക​ര​ണ ജോ​യി​ന്‍റ് ര​ജി​സ്ട്രാ​ർ​ക്ക് പ​രാ​തി ന​ൽ​കി​യ​ത്. സ​ജി​ത്തി​ന്‍റെ നേ​തൃ​ത്വ​ത്തി​ൽ നാ​ല് ഡ‍​യ​റ​ക്ട​ർ​മാ​ർ ചേ​ർ​ന്നാ​യി​രു​ന്നു പ​രാ​തി ന​ൽ​കി​യ​ത്.


സ​ർ​ദാ​ർ ച​ന്ദ്രോ​ത്ത് ട്ര​സ്റ്റി​ന്‍റെ പേ​രി​ൽ അ​ഴി​മ​തി​യാ​രോ​പ​ണ​ങ്ങ​ൾ നേ​രി​ടു​ന്ന സ​ജി​ത്ത് ആ​ശു​പ​ത്രി പ്ര​സി​ഡ​ന്‍റ് പ​ദ​വി​യി​ലെ​ത്താ​നാ​ണ് വി​മ​ത നീ​ക്കം ന​ട​ത്തി​യെ​ന്നും കോ​ൺ​ഗ്ര​സ് നേ​താ​ക്ക​ൾ ത​ന്നെ ആ​രോ​പി​ച്ചി​രു​ന്നു. ആ​ശു​പ​ത്രി​ക്കെ​തി​രേ ഹൈ​ക്കോ​ട​തി​യെ സ​മീ​പി​ച്ച സി​പി​എം പ്ര​വ​ർ​ത്ത​ക​ന് പി​ന്തു​ണ ന​ൽ​കി​യ​തും ഇ​ദ്ദേ​ഹ​മാ​ണെ​ന്ന് ആ​രോ​പ​ണ​മു​ണ്ട്.