പയ്യന്നൂർ: കൺസ്ട്രക്ഷൻ കമ്പനിയുടെ സൈറ്റിൽനിന്ന് വയറിംഗ് കേബിളുകൾ മോഷ്ടിച്ചയാൾ അറസ്റ്റിൽ. അന്നൂർ പട്ടന്മാർകൊവ്വലിലെ സി.കെ. ജിതിൻ (38) എന്ന കുട്ടനെയാണ് പോലീസ് അറസ്റ്റ് ചെയ്തത്. വെള്ളിയാഴ്ച ഉച്ചയ്ക്ക് 11 നും 1.30നും ഇടയിലാണ് മോഷണം നടന്നത്.
പയ്യന്നൂർ എൽഐസി ജംഗ്ഷന് സമീപത്തെ ഗംഗോത്രി കൺസ്ട്രക്ഷൻ കമ്പനിയുടെ എച്ച്ബി ആർക്കെഡിന്‍റെ സൈറ്റിലാണ് മോഷണം. ഈ സൈറ്റിലെ സ്റ്റെയർകെയ്സ് റൂമിൽ സൂക്ഷിച്ചിരുന്ന അഞ്ച് ബോക്സ് വയറിംഗ് കേബിളുകളാണ് മോഷ്ടിച്ചത്. മോഷണം ശ്രദ്ധയിൽപെട്ടയുടൻ കമ്പനി സൂപ്പർവൈസർ പയ്യന്നൂർ മാവിച്ചേരിയിലെ സി.വി.ശ്രീകാന്ത് പയ്യന്നൂർ പോലീസിൽ നൽകിയ പരാതിയിൽ കേസെടുത്ത പോലീസ് നടത്തിയ അന്വേഷണത്തിലാണ് മണിക്കൂറുകൾക്കകം മോഷ്ടാവിനെ പിടികൂടിയത്. ഇയാളെ റിമാൻഡ് ചെയ്തു.