ചെറുപുഴ: വനിതാ ശിശു വികസന വകുപ്പിന്റെ 100 ദിന കർമ പരിപാടിയുടെ ഭാഗമായി ജില്ലാ സങ്കൽപ്പ് ഹബ്ബ് ഫോർ എംപവർമെന്റ് ഓഫ് വുമണിന്റെ ആഭിമുഖ്യത്തിൽ ജില്ലാ ദുരന്ത നിവാരണ അഥോറിറ്റിയുടെ സഹകരണത്തോടെ ദുരന്ത നിവാരണ പരിശീലന പരിപാടി സംഘടിപ്പിച്ചു. ചെറുപുഴ പഞ്ചായത്ത് ഹാളിൽ പഞ്ചായത്ത് പ്രസിഡന്റ് കെ.എഫ്. അലക്സാണ്ടർ ഉദ്ഘാടനം ചെയ്തു. സ്റ്റാൻഡിംഗ് കമ്മിറ്റി ചെയർമാൻ എം. ബാലകൃഷ്ണൻ അധ്യക്ഷത വഹിച്ചു.
പഞ്ചായത്ത് സെക്രട്ടറി ആർ. ജയപ്രകാശ്, വനിതാ ശിശുവികസന വകുപ്പ് ജില്ലാ മിഷൻ കോ-ഓർഡിനേറ്റർ ആര്യ സുകുമാരൻ, വനിത ശിശുവികസന വകുപ്പ് ജൻഡർ സ്പെഷ്യലിസ്റ്റ് അരുൺ കെ. തമ്പാൻ എന്നിവർ പ്രസംഗിച്ചു. പെരിങ്ങോം ഫയർ സ്റ്റേഷൻ സീനിയർ ഫയർ ആൻഡ് റെസ്ക്യൂ ഓഫീസർ കെ.സി. ഷെറിൻ ബാബു, ജോസഫ് എന്നിവർ ക്ലാസുകളെടുത്തു. ജനപ്രതിനിധികൾ, കുടുംശ്രീ ഭാരവാഹികൾ, അങ്കണവാടി വർക്കർമാർ, ജാഗ്രതാ സമിതി അംഗങ്ങൾ, തൊഴിലുറപ്പ് മേറ്റ്മാർ എന്നിവർ പങ്കെടുത്തു.