കണ്ണൂർ: കണ്ണൂർ സർവകലാശാല നാഷനൽ സർവീസ് സ്‌കീം സെൽ, കെ ചിറ്റിലപ്പള്ളി ഫൗണ്ടേഷന്‍റെ സാമ്പത്തിക സഹകരണത്തോടെ നടപ്പിലാക്കുന്ന "ഒരു വർഷം കൊണ്ട് 50 സ്‌നേഹ വീടുകൾ' എന്ന പദ്ധതിയുടെ ഭാഗമായി നിർമിച്ച 10 സ്‌നേഹ ഭവനങ്ങളുടെ താക്കോൽ സമർപ്പണം മന്ത്രി ഡോ. ആർ. ബിന്ദു നിർവഹിച്ചു.
നാഷനൽ സർവീസ് സ്‌കീമിന്‍റെ വിവിധ യൂണിറ്റുകളാണ് വീടുകൾ നിർമിച്ചത്. യൂണിവേഴ്സി റ്റി ചെറുശേരി ഓഡിറ്റോറിയത്തിൽ നടന്ന ചടങ്ങിൽ മന്ത്രി കടന്നപ്പള്ളി രാമചന്ദ്രൻ അധ്യക്ഷനായിരുന്നു. ജില്ലാ പഞ്ചായത്ത് പ്രസിഡന്‍റ് പി.പി. ദിവ്യ, കണ്ണൂർ സർവകലാശാല വൈസ് ചാൻസലർ പ്രഫ. കെ.കെ. സാജു, ഡോ. എ.പി. സൂസമ്മ, എൻഎസ്എസ് സംസ്ഥാന ഓഫീസർ ഡോ. ആർ.എൻ. അൻസാർ തുടങ്ങിയവർ പ്രസംഗിച്ചു.