കരിവെള്ളൂര്‍: കാലിക്കടവിലെ ആദ്യകാല ഓട്ടോ ഡ്രൈവറെതൂങ്ങിമരിച്ച നിലയിൽ കണ്ടെത്തി. ആണൂര്‍ കോയിത്തിടിലിന് സമീപത്തെ പി.പി.രാജനെയാണ് (59) വീടിന്‍റെ പിന്നിലുള്ള തൊഴുത്തിലെ കഴുക്കോലില്‍ തൂങ്ങിമരിച്ച നിലയില്‍ കണ്ടെത്തിയത്.
വ്യാഴാഴ്ച വൈകുന്നേരം 5.15 ഓടെയാണ് സംഭവം.പിലിക്കോട് കാര്‍ഷിക ഗവേഷണ കേന്ദ്രത്തിലെ ജീവനക്കാരനായിരുന്ന പരേതനായ അമ്പുവിന്‍റെയും പി.പി.കാര്‍ത്യായനിയുടെയും മകനാണ്. ഭാര്യ: സി.പി.പ്രേമ. മകന്‍: നിതിന്‍. മരുമകള്‍: ശ്രീലക്ഷ്മി. സഹോദരങ്ങള്‍: രവി, സുരേശന്‍, പ്രകാശന്‍, ശൈലജ.