ചെമ്പന്തൊട്ടി: ചെറുപുഷ്പം യുപി സ്കൂളിൽ വിദ്യാരംഗം കലാസാഹിത്യവേദി, വിവിധ ക്ലബുകൾ, സജീവ് ജോസഫ് എംഎൽഎ നേതൃത്വം നൽകുന്ന ഭാഷ പരിപോഷണ പദ്ധതി ഭാഷാമൃതം എന്നിവയുടെ ഉദ്ഘാടനം നടന്നു. കോമഡി ഉത്സവം ഫെയിം ഫാ. ജിതിൻ വയലുങ്കൽ ഉദ്ഘാടനം നിർവഹിച്ചു.
മുഖ്യാധ്യാപിക ലൗലി എം. പോൾ അധ്യക്ഷത വഹിച്ചു. മദർ പിടിഎ പ്രസിഡന്റ് പ്രീമ സണ്ണി, വിദ്യാരംഗം കൺവീനർ സിസ്റ്റർ ഷിജി തോമസ് എന്നിവർ പ്രസംഗിച്ചു. വിവിധ ക്ലബുകളുടെ ആഭിമുഖ്യത്തിൽ വിദ്യാർഥികളുടെ കലാപരിപാടികളും ഫാ. ജിതിൻ വയലുങ്കൽ നേതൃത്വം നൽകിയ ഗാനമേളയും നടന്നു.