ആ​റാ​ട്ട്ക​ട​വി​ൽ റ​വ​ന്യു ഉ​ദ്യോ​ഗ​സ്ഥ​രെ ക​ർ​ണാ​ട​ക വ​നം വ​കു​പ്പ് ത​ട​ഞ്ഞു
Friday, August 23, 2024 1:28 AM IST
ചെ​റു​പു​ഴ: ചെ​റു​പു​ഴ പ​ഞ്ചാ​യ​ത്തി​ലെ അ​ഞ്ചാം വാ​ർ​ഡി​ൽ ഉ​ൾ​പ്പെ​ടു​ന്ന ആ​റാ​ട്ട് ക​ട​വി​ൽ പ​രി​ശോ​ധ​ന ന​ട​ത്താ​നെ​ത്തി​യ കേ​ര​ള റ​വ​ന്യു ഉ​ദ്യോ​ഗ​സ്ഥ​രെ ക​ർ​ണാ​ട​ക വ​നം​വ​കു​പ്പു​ദ്യോ​ഗ​സ്ഥ​ർ ത​ട​ഞ്ഞു. കാ​ര്യ​ങ്കോ​ട് പു​ഴ​യ്ക്കും ക​ർ​ണാ​ട​ക വ​ന​ത്തി​നും ഇ​ട​യി​ലു​ള്ള സ്ഥ​ല​ത്തെ അ​തി​ർ​ത്തി പ​രി​ശോ​ധ​നി​ക്കാ​നെ​ത്തി​യ ഡ​പ്യൂ​ട്ടി ത​ഹ​സി​ൽ​ദാ​ർ ഉ​ൾ​പ്പെ​ടെ​യു​ള്ള ഉ​ദ്യോ​ഗ​സ്ഥ സം​ഘ​ത്തെ​യാ​ണ് ക​ർ​ണാ​ട​ക വ​നം​വ​കു​പ്പ് ത​ട​ഞ്ഞ​ത്.

ഇ​വി​ടെ താ​മ​സി​ക്കു​ന്ന പു​ളി​ങ്ങോം വി​ല്ലേ​ജി​ൽപ്പെ​ട്ട കു​ടും​ബ​ങ്ങ​ൾ​ക്ക് ക​ർ​ണാ​ട​ക വ​നം​വ​കു​പ്പ് കു​ടി​യി​റ​ങ്ങ​ണ​മെ​ന്ന് കാ​ണി​ച്ച് നോ​ട്ടീ​സ് ന​ൽ​കി​യി​രു​ന്നു. ഇ​തേ തു​ട​ർ​ന്നാ​ണ് സം​സ്ഥാ​ന റ​വ​ന്യു ഉ​ദ്യോ​ഗ​സ്ഥ​ർ അ​തി​ർ​ത്തി പ​രി​ശോ​ധ​ന ഉ​ൾ​പ്പ​ടെ​യു​ള്ള​വ​യ്ക്കാ​യി ഇ​ന്ന​ലെ രാ​വി​ലെ പ​തി​നൊ​ന്ന​ര​യോ​ടെ എ​ത്തി​യ​ത്.

പു​ളി​ങ്ങോം വി​ല്ലേ​ജി​ലെ പ​ഴ​യ ഭൂ​രേ​ഖ​ക​ളു​മാ​യി​ട്ടാ​യി​രു​ന്നു റ​വ​ന്യൂ സം​ഘം എ​ത്തി​യ​ത്. ഒ​രു മ​ണി​ക്കൂ​റോ​ളം അ​തി​ർ​ത്തി​യി​ലെ അ​ട​യാ​ള ക​ല്ലു​ക​ളും രേ​ഖ​ക​ളും നോ​ക്കി താ​ര​ത​മ്യ പ​രി​ശോ​ധ​ന ന​ട​ത്തി.


പ​രി​ശോ​ധ​ന ന​ട​ക്കു​ന്ന വി​വ​രം അ​റി​ഞ്ഞ് ക​ർ​ണാ​ട​ക വ​നം​വ​കു​പ്പ് ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തി പ​രി​ശോ​ധ​ന നി​ർ​ത്താ​ൻ നി​ർ​ദേ​ശി​ക്കു​ക​യാ​യി​രു​ന്നു. ത​ങ്ങ​ളു​ടെ സ്ഥ​ല​ത്ത് പ്ര​വേ​ശി​ക്ക​ണ​മെ​ങ്കി​ൽ ഡി​എ​ഫ്ഒ​യു​ടെ അ​നു​മ​തി വേ​ണ​മെ​ന്നും സം​യു​ക്ത പ​രി​ശോ​ധ​ന മാ​ത്ര​മേ അ​നു​വ​ദി​ക്കു​ക​യു​ള്ളൂ​വെ​ന്നു​മാ​യി​രു​ന്നു ക​ർ​ണാ​ട​ക വ​നം​വ​കു​പ്പു​ദ്യോ​ഗ​സ്ഥ​ർ അ​റി​യി​ച്ച​ത്.

തു​ട​ർ​ന്ന് അ​തി​ർ​ത്തി സം​ബ​ന്ധി​ച്ച് ഇ​രു​കൂ​ട്ട​രും ത​മ്മി​ൽ ച​ർ​ച്ച ന​ട​ന്നു. ഡപ്യൂ​ട്ടി താ​സീ​ൽ​ദാ​ർ എ​ച്ച്. സ​ഫി​യു​ദ്ദീ​ൻ, പ​യ്യ​ന്നൂ​ർ താ​ലൂ​ക്ക് സ​ർ​വേ​യ​ർ സ​തീ​ഷ് ജോ​യി, പു​ളി​ങ്ങോം വി​ല്ലേ​ജ് ഓ​ഫീ​സ​ർ കെ.​എ​സ്. വി​നോ​ദ്കു​മാ​ർ, സ​തീ​ഷ് ജോ​യി, എം. ​വി​ഷ്ണു, കെ.​ഇ. ഷ​റ​ഫു​ദ്ദീ​ൻ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് പ​രി​ശോ​ധ​ന​യ്ക്ക് എ​ത്തി​യ​ത്. പ​ഞ്ചാ​യ​ത്തം​ഗം സിബി എം. ​തോ​മ​സിന്‍റെ നേ​തൃ​ത്വ​ത്തി​ൽ നാ​ട്ടു​കാ​രും സ്ഥ​ല​ത്തെ​ത്തി​യി​രു​ന്നു.