കണ്ണൂർ: സഹകരണ പെൻഷൻകാർക്ക് പെൻഷൻ പരിഷ്കരണം ഉടനടി നടപ്പിലാക്കണമെന്ന് കേരള പ്രൈമറി കോ-ഓപ്പറേറ്റീവ് സർവീസ് പെൻഷനേഴ്സ് അസോസിയേഷൻ സർക്കാരിനോട് ആവശ്യപ്പെട്ടു.
കണ്ണൂർ ഡിസിസി ഹാളിൽ ചേർന്ന കേരള പ്രൈമറി കോ-ഓപ്പറേറ്റീവ് സർവീസ് പെൻഷനേഴ്സ് അസോസിയേഷൻ ജില്ലാ കൺവൻഷൻ സംസ്ഥാന ഉപാധ്യക്ഷൻ വി.ആർ. ഭാസ്കരൻ ഉദ്ഘാടനം ചെയ്തു. ജില്ലാ പ്രസിഡന്‍റ് കെ. രവീന്ദ്രൻ അധ്യക്ഷത വഹിച്ചു. എൻ.കെ. രാമകൃഷ്ണൻ, പി.എം. ജോസ്, എം.എൻ. രവീന്ദ്രൻ, കെ. ഹരീന്ദ്രൻ, ശിവദാസൻ, പി.കെ. ജനാർദനൻ, ഉണ്ണിക്കൃഷ്ണൻ പയ്യന്നൂർ എന്നിവർ പ്രസംഗിച്ചു.