വഴിമുട്ടിച്ച് ജ​ൽജീ​വ​ൻ മി​ഷ​ന്‍റെ ‌പൈ​പ്പി​ട​ൽ പ്രവൃത്തി‌
Friday, August 23, 2024 1:28 AM IST
പേ​ര​ട്ട: ഉ​ളി​ക്ക​ൽ പ​ഞ്ചാ​യ​ത്തി​ലെ പേ​ര​ട്ട വാ​ർ​ഡി​ൽ പേ​ര​ട്ട-മ​ട്ടി​ണി റോ​ഡി​ൽ ജ​നങ്ങ​ളു​ടെ വ​ഴിമു​ട്ടി​ച്ച് ജ​ൽ ജീ​വ​ൻ മി​ഷ​ന്‍റെ പൈ​പ്പി​ട​ൽ. പേ​ര​ട്ട-മ​ട്ടി​ണി ജി​ല്ലാ പ​ഞ്ചാ​യ​ത്തി​ന്‍റെ റോ​ഡി​ലാ​ണ് വാ​ട്ട​ർ അ​തോ​റി​റ്റി​യു​ടെ കെ​ടു​കാ​ര്യ​സ്ഥ​ത. കു​ത്ത​നെ ക​യ​റ്റ​വും വ​ള​വു​ക​ളു​മു​ള്ള റോ​ഡി​ൽ ഭൂ​പ്ര​കൃ​തി​യും മ​ഴ​യു​ടെ തീ​വ്ര​ത​യും ക​ണ​ക്കി​ലെ​ടു​ക്കാ​തെ വാ​ട്ട​ർ അ​തോ​റി​റ്റി ന​ട​ത്തി​യ അ​ശാ​സ്ത്രീ​യ നി​ർ​മാ​ണം റോ​ഡി​ന്‍റെ പ​ല​ഭാ​ഗ​ങ്ങ​ളും അ​പ​ക​ട​ത്തി​ലാ​യി​രി​ക്കു​ക​യാ​ണ്.

വെ​ള്ളം കു​ത്തി​യൊ​ഴു​കി റോ​ഡി​ന്‍റെ ഇ​രു​വ​ശ​വും സ്ഥാ​പി​ച്ചി​രു​ന്ന ജ​ൽജീ​വ​ൻ പൈ​പ്പി​ന് മു​ക​ളി​ലെ മ​ണ്ണ് ഒ​ഴു​കി​പോ​യി വ​ലി​യ ഗ​ർ​ത്ത​ങ്ങ​ൾ രൂ​പ​പ്പെ​ട്ടി​രി​ക്കു​ക​യാ​ണ്. വ​ലി​യ വാ​ഹ​ന​ങ്ങ​ൾ ക​ട​ന്നു​പോ​കു​ന്ന റോ​ഡ് അ​പ​ക​ട​ത്തി​ൽ ആ​യ​തോ​ടെ ഒ​രേ​സ​മ​യം ര​ണ്ട് വാ​ഹ​ന​ങ്ങ​ൾ​ക്ക് ക​ട​ന്നു​പോ​കാ​ൻ ക​ഴി​യാ​ത്ത സാ​ഹ​ച​ര്യ​മാ​ണ്.

വി​ദ്യാ​ർ​ഥി​ക​ള​ട​ക്കം സ​ഞ്ച​രി​ക്കു​ന്ന വ​ഴി​യി​ൽ കാ​ൽ​ന​ട യാ​ത്ര​പോ​ലും ദു​ർ​ഘ​ടം ആ​യി​രി​ക്കു​ക​യാ​ണ്. വെ​ള്ളം ഒ​ഴു​കി രൂ​പ​പ്പെ​ട്ട ഗ​ർ​ത്ത​ത്തി​ൽ വാ​ഹ​ന​ങ്ങ​ൾ വീ​ണ് യാ​ത്ര​ക്കാ​ർ അ​പ​ക​ട​ത്തി​ൽ​പെ​ടു​ന്ന​ത് നി​ത്യ​സം​ഭ​വമായി​രി​ക്കു​ക​യാ​ണ്.

പ്ര​ദേ​ശ​വാ​സി​ക​ളു​ടെ വാ​ക്ക് അ​വ​ഗ​ണി​ച്ചു

പൈ​പ്പി​ട​ലു​മാ​യി ബ​ന്ധ​പ്പെ​ട്ട് വാ​ർ​ഡം​ഗം ഉ​ൾ​പ്പെ​ടെ​യു​ള്ള നാ​ട്ടു​കാ​രു​ടെ വാ​ക്കു​ക​ൾ അ​വ​ഗ​ണി​ച്ചു​കൊ​ണ്ടാ​ണ് റോ​ഡി​ന്‍റെ ഇ​രു​വ​ശ​ത്തും ആ​ഴ​ത്തി​ൽ കു​ഴി​യെ​ടു​ത്താ​ണ് പൈ​പ്പു​ക​ൾ സ്ഥാ​പി​ച്ച​ത്. അ​തി​ശ​ക്ത​മാ​യ മ​ഴ ല​ഭി​ക്കു​ന്ന പ്ര​ദേ​ശമാ​യ​തു​കൊ​ണ്ട് റോ​ഡി​ന്‍റെ കു​ഴി​യെ​ടു​ത്ത ഭാ​ഗ​ങ്ങ​ൾ ഉ​ട​ൻ​ത​ന്നെ കോ​ൺ​ക്രീ​റ്റ് ചെ​യ്യ​ണ​മെ​ന്നും അ​ധി​കൃ​ത​രോ​ട് ആ​വ​ശ്യ​പ്പെ​ട്ടി​രു​ന്നു.


എ​ങ്കി​ലും വാ​ട്ട​ർ അ​തോ​റി​റ്റി​യു​ടെ അ​ലം​ഭാ​വം യാ​തൊ​രു പ്ര​വൃ​ത്തി​യും ന​ട​ക്കാ​തെ വ​ന്ന​തോ​ടെ പേ​ര​ട്ട-മ​ട്ടി​ണി റോ​ഡ് ഇ​രു​വ​ശ​ങ്ങ​ളി​ലേ​യും മ​ണ്ണ് ഒ​ഴു​കി​പ്പോ​യി ടാ​റിം​ഗ് മാ​ത്ര​മാ​ണ് ഇ​വി​ടെ അ​വ​ശേ​ഷി​ച്ചി​രി​ക്കു​ന്ന​ത്. ബ​ന്ധ​പ്പെ​ട്ട​വ​ർ​ക്ക് പ​രാ​തി ന​ൽ​കി​യി​ട്ടും ആ​ഴ്ച​ക​ളാ​യി യാ​തൊ​രു ന​ട​പ​ടി​യും സ്വീ​ക​രി​ച്ചി​ട്ടി​ല്ല. അ​നാ​സ്ഥ തു​ട​ർ​ന്നാ​ൽ ജ​ന​കീ​യ സ​മ​ര​പ​രി​പാ​ടി​ക​ളു​മാ​യി പ്ര​ശ്ന​ത്തെ നേ​രി​ടു​മെ​ന്ന് പ​ഞ്ചാ​യ​ത്തം​ഗം ബി​ജു വെ​ങ്ങ​ല​പ്പ​ള്ളി പ​റ​ഞ്ഞു.

കുറ്റക്കാർക്കെതിരേ നടപടി സ്വീകരിക്കണം

"ജ​ന​ങ്ങു​ടെ നി​ര​ന്ത​ര പ​രാ​തി​ക്ക് ഒ​ടു​വി​ൽ ഇ​ന്ന​ലെ മു​ത​ൽ ജെ​സി​ബി ഉ​പ​യോ​ഗി​ച്ച് കു​ഴി​ക​ൾ താ​ത്കാ​ലി​ക​മാ​യി മ​ണ്ണി​ട്ട് മൂ​ടി​ത്തു​ട​ങ്ങി​യെ​ങ്കി​ലും അ​ത് ശാ​ശ്വ​ത​പ​രി​ഹാ​ര​മ​ല്ല. മ​ഴ​പെ​യ്താ​ൽ വീ​ണ്ടും വ​ഴി പ​ഴ​യ​നി​ല​യി​ലേ​ക്ക് ആ​കു​ന്ന ഭീ​ഷ​ണി നി​ല​നി​ൽ​ക്കു​ക​യാ​ണ്.​ സം​ഭ​വ​ത്തി​ൽ അ​ന്വേ​ഷ​ണം ന​ട​ത്തി കു​റ്റ​ക്കാ​രാ​ണെ​ന്ന് കാ​ണു​ന്ന ഉ​ദ്യോ​ഗ​സ്ഥ​ർ​ക്കെതി​രെ ന​ട​പ​ടി സ്വീ​ക​രി​ക്ക​ണം.'

ബി​ജു വെ​ങ്ങ​ല​പ്പ​ള്ളി
(ഉ​ളി​ക്ക​ൽ പ​ഞ്ചാ​യ​ത്തംഗം).