കരുവഞ്ചാൽ: നിർത്തിയിട്ട ഗുഡ്സ് വാഹനത്തിനു പിന്നിൽ കാറിടിച്ച് യുവാവിനു ഗുരുതരമായി പരിക്കേറ്റു. കെഎൽ 58 എഡി 2821 ഗുഡ്സ് വാഹനത്തിന്റെ ഡ്രൈവറും പൂമംഗലം സ്വദേശിയുമായ എം.വി. ലിജിനാണ് (32) ഗുരുതരമായി പരിക്കേറ്റത്. ഇന്നലെ ഉച്ചകഴിഞ്ഞ് മൂന്നിന് ചാണോക്കുണ്ടിലായിരുന്നു അപകടം.
കടകളിൽ വില്പനയ്ക്കായി സാധനങ്ങൾ വിതരണം ചെയ്യുന്ന ലിജിൻ റോഡരികിൽ വാഹനം നിർത്തി സാധനങ്ങൾ ഇറക്കവേ പിറകിൽ നിന്നും വന്ന കെഎൽ 59 എഎ 3366 ഇലക്ട്രിക് കാർ നിയന്ത്രണം വിട്ട് ഇടിക്കുകയായിരുന്നു. ഗുഡ്സ് വാഹനത്തിന്റെ പിറകിലെ ബോഡിക്കും കാറിനും ഇടയിൽ കുടുങ്ങിപ്പോയ ലിജിന്റെ കാലിനാണ് ഗുരുതരമായി പരിക്കേറ്റത്. ഇയാളെ അടിയന്തര ശസ്ത്രക്രിയക്ക് വിധേയനാക്കി.