ചെറുപുഴ: കുളത്തിൽ വീണ കാട്ടുപന്നിയെ വെടിവച്ചു കൊന്നു കുഴിച്ചുമൂടി. ചെറുപുഴ പഞ്ചായത്തിലെ മീന്തുള്ളിയിലെ കണിയാംപറമ്പിൽ ജോസഫിന്റെ കുളത്തിലാണ് കാട്ടുപന്നി വീണത്. ജോസഫ് പഞ്ചായത്ത് അധികൃതരേയും ഫോറസ്റ്റ് അധികൃതരേയും വിവരമറിയിച്ചു.
ഫോറസ്റ്റ് ബീറ്റ് ഓഫീസർ എം.കെ. ജിജേഷ്, മിന്നു ടോമി എന്നിവർ സ്ഥലത്തെത്തി. തുടർന്ന് പഞ്ചായത്ത് പ്രസിഡന്റ് കെ.എഫ്. അലക്സാണ്ടറുടെ സാന്നിധ്യത്തിൽ തേർത്തല്ലിയിൽനിന്നുമെത്തിയ എംപാനൽ ഷൂട്ടർ ജോസഫ് കാട്ടുപന്നിയെ വെടിവച്ചുകൊല്ലുകയായിരുന്നു. ജെസിബി ഉപയോഗിച്ച് ആഴത്തിൽ കഴിയെടുത്ത് കാട്ടുപന്നിയുടെ വയറുകീറി ഡീസലൊഴിച്ചാണ് കുഴിച്ചുമൂടിയത്.