ഇരിട്ടി: ഇരട്ടി ബ്ലോക്ക് പഞ്ചായത്തും കശുവണ്ടി-കൊക്കോ വികസന ഡയറക്ടറേറ്റ് കൊച്ചിയും സംയുക്തമായി നടപ്പിലാക്കുന്ന കശുമാവ് പുതുകൃഷി പദ്ധതിയുടെ ഇരിട്ടി ബ്ലോക്ക്തല ഉദ്ഘാടനം നടത്തി. കരിക്കോട്ടക്കരിയിൽ നടന്ന പരിപാടിയിൽ ബ്ലോക്ക് പഞ്ചായത്ത് പ്രസിഡന്റ് കെ. വേലായുധൻ കശുമാവിൻ തൈ വിതരണം ചെയ്ത് ഉദ്ഘാടനം നിർവഹിച്ചു.
കശുവണ്ടി കൊക്കോ വികസന ഡയറക്ടറേറ്റ് ഫീൽഡ് ഓഫീസർ വിനീത് ലൂക്കോസ്, യംഗ് പ്രൊഫഷണൽ അനന്യ സൂസൻ എന്നിവർ പദ്ധതി വിശദീകരിച്ചു. 2024-25 സാമ്പത്തിക വർഷം ഇരിട്ടി ബ്ലോക്ക് പഞ്ചായത്തിന് കീഴിൽ 100 ഹെക്ടർ സ്ഥലത്താണ് കശുമാവ് പുതു കൃഷി പദ്ധതി നടപ്പിലാക്കുന്നത്. അത്യുത്പാദന ശേഷിയുള്ള വെങ്കുർള്ള സെവൻ എന്നയിനം കശുമാവിൽ തൈകൾ ആണ് പുതുകൃഷിക്കായി വിതരണം ചെയ്യുന്നത്.