ചെറുപുഴ: നിർത്തിയിട്ടിരുന്ന ബസിന് പിന്നിൽ കാറിടിച്ചു. ചെറുപുഴ കുണ്ടംതടത്തിൽ ഇന്നലെ ഉച്ചയ്ക്ക് ഒന്നോടെയായിരുന്നു അപകടം.
കുണ്ടംതടം ബസ് കാത്തിരിപ്പ് കേന്ദ്രത്തിനു മുന്നിൽ യാത്രക്കാരെ ഇറക്കാൻ നിർത്തിയിട്ട ബസിനു പിന്നിലാണു കർണാടക രജിസ്ട്രേഷനുള്ള കാറിടിച്ചു കയറിയത്. കാറിന്റെ മുൻ ഭാഗം ബസിനടിയിലായി. അപകടത്തിൽ ആർക്കും പരിക്കില്ല. കാറിന്റെ മുൻഭാഗം തകർന്നു.