പെരുമ്പടവ്: കർഷക കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ കർഷകദിനത്തിൽ പെരുമ്പടവ് ടൗണിൽ വയനാട്ടിൽ സംഭവിച്ച വൻദുരന്തത്തിൽ മരിച്ചവർക്ക് ആദരാഞ്ജലിയും, ജീവിച്ചിരിക്കുന്നവർക്ക് ഐക്യദാർഡ്യവും പ്രഖ്യാപിച്ചുകൊണ്ട് മെഴുകുതിരികത്തിച്ചു.
ജില്ലാ വൈസ് പ്രസിഡന്റ് എ.ജെ.തോമസ് ഉദ്ഘാടനം ചെയ്തു. കർഷക കോൺഗ്രസ് ജില്ലാ വൈസ് പ്രസിഡന്റ് എം.വി. ശിവദാസന്റെ അധ്യക്ഷത വഹിച്ചു. പയ്യന്നൂർ നിയോജക മണ്ഡലം പ്രസിഡന്റ് ജോസുകുട്ടി കട്ടത്തറ മുഖ്യ പ്രഭാഷണം നടത്തി. കെ.കെ രാമചന്ദ്രൻ, കരിപ്പാൽ സുരേന്ദ്രൻ, ടി.വി. നാരായണി, പി.ജയകുമാർ, പി.കെ.കുഞ്ഞിക്കണ്ണൻ, ജെയ്സൻ പൂത്തേട്ട് എന്നിവർ പ്രസംഗിച്ചു.