പേരട്ട: കൂട്ടുപുഴ പേരട്ട ബസ്‌സ്റ്റാൻഡിന് സമീപം ജലജീവൻ മിഷന്‍റെ പൈപ്പ് ഇട്ട ഭാഗം റോഡ് അപകടത്തിലായ ഭാഗത്ത് നാട്ടുകാർ ചേമ്പ് നട്ടു പ്രധിഷേധിച്ചു. ദിനംപ്രതി നൂറ് കണക്കിന് പേരാണ് ഇതുവഴികടന്നുപോകുന്നത്. ബസ്‌സ്റ്റാൻഡിന് മുന്നിലായി ജലജീവ മിഷന്‍റെ പൈപ്പിടലിന്‍റെ ഭാഗമായി ടാറിംഗ് പൊളിച്ച് പൈപ്പിടുകയായിരുന്നു. പൈപ്പിട്ടശേഷം റോഡ് പൂർവസ്ഥിതിയിലാക്കിയിരുന്നെങ്കിലും ഉടൻതന്നെ ഈ ഭാഗം താഴേക്ക് അമർന്ന്കുഴി രൂപപ്പെട്ടു. റോഡുകൾ കുണ്ടുംകുഴിയുമായതിൽ പ്രതിഷേധിച്ചാണ് നാട്ടുകാർ കുഴിയിൽ ചേമ്പ് നട്ടത്.