ഇരിട്ടി: ആറളം ഫാമിലെ കൃഷിയിടങ്ങളിൽ ഒരിടവേളയ്ക്കു ശേഷം കാട്ടാന വീണ്ടും കൃഷി നശിപ്പിച്ചു. ഗോഡൗൺ ഭാഗത്ത് വേലി തകർത്ത് അകത്തുകയറിയ കാട്ടാന വ്യാപക നശിപ്പിച്ചു. ഗോഡൗണിനു എതിർ വശത്തെ നഴ്സറിയിൽ കയറിയ കാട്ടനകൾ പാകി മുളപ്പിച്ച ഫലവൃക്ഷ തൈകളും നശിപ്പിച്ചു. ആറളം ഫാമിൽ അവശേഷിക്കുന്ന ഒൻപത് ആനകളെക്കൂടി വനത്തിലേക്കു തുരത്തുന്ന പ്രവൃത്തി ഇന്നു ആരംഭിക്കുമെന്ന് ആർആർടി ഡെപ്യൂട്ടി റേഞ്ചർ ഷൈനി കുമാർ അറിയിച്ചു.