ADVERTISEMENT

ADVERTISEMENT

നഗരസഭ വിഷുക്കൈനീട്ടം നൽകി

ചാലക്കുടി: നഗരസഭ ഹരിത കർമ്മ സേനംഗങ്ങൾക്ക് വിഷു കൈനീട്ടം നൽകി സനീഷ് കുമാർ ജോസഫ് എംഎൽഎ ഉദ്ഘാടനം ചെയ്തു. ചെയർമാൻ ഷിബു വാലപ്പൻ അധ്യക്ഷനായി.

വൈസ് ചെയർപേഴ്സൺ സി ശ്രീദേവി,സ്ഥിരം സമിതി അധ്യക്ഷരായ ദിപു ദിനേശ്, പ്രീതി ബാബു, എം എം അനിൽകുമാർ, പ്രതിപക്ഷ നേതാവ് സി.എസ് സുരേഷ്,മുൻ ചെയർമാൻമാരായ വി.ഒ. പൈലപ്പൻ, എബി ജോർജ്ജ്,ആലീസ് ഷിബു, കൗൺസിലർ റോസി ലാസർ, ഹെൽത്ത് ഇൻസ്പെക്ടർ സുമിത സുനിൽകുമാർ, ആര്യ ഉണ്ണികൃഷ് ണൻ എന്നിവർ പ്രസംഗിച്ചു.

ADVERTISEMENT

കാറിടിച്ച് സൈക്കിൾ യാത്രികനായ ലോട്ടറി വില്പനത്തൊഴിലാളി മരിച്ചു

ചാലക്കുടി: ഇന്നോവ കാറിടിച്ച് സൈക്കിൾ യാത്രക്കാരൻ മരിച്ചു. ചാലക്കുടി കൂടപ്പുഴ പടിയുക്കാരൻ ചാക്കപ്പൻ മകൻ ജോണി (71) ആണ് മരിച്ചത്. തിങ്കളാഴ്ച രാത്രി 7.30 ന് പഴയ ദേശീയപാതയിൽ മഡോണയ്ക്കു സമീപമായിരുന്നു അപകടം. ലോട്ടറി വില്പന കഴിഞ്ഞു വീട്ടിലേക്ക് മടങ്ങുമ്പോൾ വേഗതയിലെത്തിയ കാർ ജോണിയെ ഇടിച്ചുവീഴ്ത്തിയശേഷം നിറുത്താതെ പോകുകയായിരുന്നു. പരിക്കേറ്റ് റോഡിൽ വീണുകിടന്ന ജോണിയെ എറെ നേരം കഴിഞ്ഞ് സെന്‍റ് ജെയിംസ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ബൈക്ക് യാത്രക്കാരെയാണ് ആദ്യം ഇന്നോവ കാർ ഇടിക്കേണ്ടിയിരുന്നത്. ബൈക്ക് യാത്രക്കാർ ഒഴിഞ്ഞുമാറിയതിനാൽ രക്ഷപ്പെട്ടു. ഇതിനു ശേഷം സൈക്കിളിൽ ഇടിച്ച് നിർത്താതെ പോയ കാറിനെ ബൈക്ക് യാത്രികർ പിന്തുടർന്നുവെങ്കിലും രക്ഷപ്പെട്ടു. കാറിന്‍റെ നമ്പർ ബൈക്ക് യാത്രികർ പോലീസിനു കൈമാറുകയും വാഹനഉടമയെ തിരിച്ചറിയുകയും ചെയ്തിട്ടുണ്ട്. ജോണി കോൺഗ്രസ് കൂടപ്പുഴ ബൂത്ത് പ്രസിഡന്‍റാണ്. സംസ്കാരം നടത്തി. ഭാര്യ: ലിസി. മകൻ: ഷെറിൻ.

വാഹനാപകടത്തിൽ പരിക്കേറ്റ വാദ്യകലാകാരൻ മരിച്ചു

പറപ്പൂർ: സെന്‍ററിൽ ടെംമ്പോ ട്രാവലറും ബൈക്കും കൂട്ടിയിടിച്ച് ഗുരുതരമായി പരിക്കേറ്റ് ചികിത്സയിലായിരുന്ന യുവാവ് മരിച്ചു. പറപ്പൂർ ഓട്ടുകമ്പനിക്കു സമീപം ചാലയ്ക്കൽ ഓമനയുടെയും കോഞ്ഞങ്ങത്ത് രാജന്‍റെയും മകനായ രവിജിത്ത്(30) ആണ് മെഡിക്കൽ കോളജിൽ ചികിത്സയിലിരിക്കെ മരിച്ചത്. രവിജിത്ത് വാദ്യകലാകാരനാണ്. ഏപ്രിൽ രണ്ടിന് രാത്രിയായിരുന്നു സംഭവം. അശ്രദ്ധമായി റോഡ് മുറിച്ചു കടക്കുന്നതിനിടെ രവിജിത്തിന്‍റെ ബൈക്കിൽ ഗുരുവായൂരിലേക്ക് പോവുകയായിരുന്ന ടെംമ്പോ ട്രാവലർ ഇടിക്കുകയായിരുന്നു. ഉടൻ തന്നെ പറപ്പൂർ ആക്ട്‌സ് പ്രവർത്തകർ രവിജിത്തിനെ സ്വകാര്യആശുപത്രിയിൽ എത്തിക്കുകയും പിന്നീട് വിദഗ്ധ ചികിത്സയ്ക്കായി മെഡിക്കൽ കോളജിലേക്ക് മാറ്റുകയും ചെയ്തു. എന്നാൽ ചികിത്സയിലിരിക്കെ രവിജിത്ത് മരണത്തിന് കീഴടങ്ങി. സംസ്കാരം നടത്തി.

ബൈക്ക് മറിഞ്ഞ് യുവാവ് മരിച്ചു

ഗുരുവായൂർ: ബൈക്ക് നിയന്ത്രണം വിട്ട് മറിഞ്ഞ് യുവാവ് മരിച്ചു. മുതുവട്ടൂർ ചെട്ട്യാലിക്കൽ ക്ഷേത്രത്തിനു സമീപം കൂവപാട്ടിൽ കൃഷ്ണൻകുട്ടിയുടേയും ജാനകിയുടേയും മകൻ സുബിൻ(കണ്ണൻ-45) ആണ് മരിച്ചത്. തിങ്കളാഴ്ച രാത്രി 11.45ഓടെ കോട്ടപ്പടി ഫോർട്ട് ഗേറ്റ് ബാറിനു സമീപമാണ് അപകടം. കുന്നംകുളം മങ്ങാടുള്ള ഭാര്യ വീട്ടിൽ നിന്ന് മുതുവട്ടൂരിലെ വീട്ടിലേക്ക് വരുന്നതിനിടെയാണ് അപകടം. ലൈഫ് കെയർ ആംബുലൻസ് പ്രവർത്തകർ കുന്നംകുളത്തെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. ഭാര്യ: സബിത. മകൾ: അശ്വനന്ദ.

ബൈക്കിടിച്ച് ചികിത്സയിലായിരുന്ന യുവാവ് മരിച്ചു

എരുമപ്പെട്ടി: എരുമപ്പെട്ടിയിൽ ബൈക്ക് ഇടിച്ച് പരിക്കേറ്റ് ചികിത്സയിൽ കഴിഞ്ഞിരുന്ന യുവാവ് മരിച്ചു. എരുമപ്പെട്ടി സീരകത്ത് വീട്ടിൽ അനീസ്(29) ആണ് മരിച്ചത്. ഞായറാഴ്ച വൈകുന്നേരം എരുമപ്പെട്ടി ഐശ്വര്യ കല്യാണമണ്ഡപത്തിനു സമീപമായിരുന്നു അപകടം. റോഡ് മുറിച്ചു കടക്കുന്നതിനിടയിൽ ബൈക്ക് ഇടിക്കുകയായിരുന്നു. തലയ്ക്ക് ഗുരുതരമായി പരിക്കേറ്റ അനീസിനെ എരുമപ്പെട്ടി ആക്ട്സ് പ്രവർത്തകർ തൃശൂർ മെഡിക്കൽ കോളജ് ആശുപത്രിയിൽ എത്തിച്ചിരുന്നു. ചികിത്സയിലിരിക്കെ ഇന്നലെ രാവിലെ മരിച്ചു.

വാടാനപ്പിള്ളി സ്വദേശി മക്കയിൽ മരിച്ചു

വാടാനപ്പള്ളി: ഉംറ നിർവഹിക്കാൻ മക്കയിലെത്തിയ വാടാനപ്പിള്ളി സ്വദേശി മരിച്ചു. രായംമരക്കാർ വീട്ടിൽ മുഹമ്മദ് (81) ആണ് മക്കയിൽ മരിച്ചത്. ഏഴിനാണ് ഉംറക്കായി എത്തിയത്. ഉംറ കഴിഞ്ഞ വെള്ളിയാഴ്ച ഹറമിൽ വച്ച് പക്ഷാഘാതം സംഭവിച്ചതിനെ തുടർന്ന് മക്കയിലെ കിംഗ് അബ്ദുൾ അസീസ് ആശുപത്രിയിൽ പ്രവേശിപ്പിച്ചിരുന്നു. ഭാര്യ: സുഹറ. മക്കൾ: ഷെമീർ മുഹമ്മദ്(ഷാർജ), സജനി.

വയോധികൻ കുഴഞ്ഞുവീണ് മരിച്ചു

എരുമപ്പെട്ടി: റോഡിൽ കുഴഞ്ഞുവീണ് വയോധികൻ മരിച്ചു. തിപ്പല്ലൂർ ശിവാർച്ചനം വീട്ടിൽ നന്ദകുമാർ (69) ആണ് മരിച്ചത്. ഇന്നലെ ഉച്ചയ്ക്ക് 12ഓടെയാണ് സംഭവം. തിപ്പല്ലൂരിൽ നിന്ന് എരുമപ്പെട്ടിയിലേക്ക് നടന്നു വരുന്നതിനിടയിൽ റോഡിൽ കുഴഞ്ഞുവീഴുകയായിരുന്നു. ഉടൻ തന്നെ എരുമപ്പെട്ടി ആക്ട്സ് പ്രവർത്തകർ വടക്കാഞ്ചേരി ജില്ലാ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. സംസ്കാരം ഇന്ന് രാവിലെ 11ന് ഐവർമഠത്തിൽ. ഭാര്യ: സുലോചന. മക്കൾ: സിനി, അമരീഷ്. മരുമകൻ: ശിവദാസൻ.

വാഹനാപകടത്തിൽ പരിക്കേറ്റ തൊഴിലാളി മരിച്ചു

വെള്ളാങ്കല്ലൂർ: പട്ടേപ്പാടം വാഹനാപകടത്തിൽ പരിക്കു പറ്റി ചികിത്സിയിലായിരുന്ന മരംമുറി തൊഴിലാളി മരിച്ചു. എടപ്പുള്ളി ചന്ദ്രൻ എന്ന് വിളിക്കുന്ന ലാൽ(43) ആണ് മരിച്ചത്. കഴിഞ്ഞ വെള്ളിയാഴ്ച വൈകീട്ട് പണി കഴിഞ്ഞ് വീട്ടിലേക്ക് ബൈക്കിൽ മടങ്ങവേ കുതിരത്തടം പള്ളിക്കു സമീപം വച്ച് മറ്റൊരു ബൈക്കുമായി കൂട്ടിയിടിക്കുകയായിരുന്നു. തൃശൂർ മെഡിക്കൽ കോളജിൽ വച്ചായിരുന്നു അന്ത്യം. സംസ്കാരം നടത്തി. അവിവാഹിതനാണ്. പിതാവ്: പരേതനായ വേലായുധൻ. മാതാവ്: പരേതയായ കാർത്ത്യായനി.

ഇൻകം ടാക്സ് ചെന്നൈ ജേതാക്കൾ

കയ്പമംഗലം: എടത്തിരുത്തി നവകിരൺ ആർട്സ് ആൻഡ് സ് പോ ർട്സ് ക്ലബ്ബിന്‍റെ അഖിലേന്ത്യ വോളിബോൾ ടൂർണമെന്‍റിൽ ഇൻകം ടാക്സ് ചെന്നൈ ജേതാക്കളായി. വാശിയേറിയ ഫൈനൽ മത്സരത്തിൽ എതിരില്ലാതെ മൂന്ന് സെറ്റുകൾക്ക് ഇന്ത്യൻ ആർമിയെയാണ് പരാജയപ്പെടുത്തിയത്. സി.പി. ട്രസ്റ്റ് ചെയർമാനും ഇന്ത്യ - ആഫ്രിക്ക ട്രേഡ് കമ്മീഷണറുമായ സി.പി. സാലിഹ് സമ്മാനദാനം നിർവഹിച്ചു. എടത്തിരുത്തി ഗ്രാമപഞ്ചായത്ത് പ്രസിഡന്‍റ് ടി.കെ. ചന്ദ്രബാബു അധ്യക്ഷനായി. ഇ.ടി. ടൈസൺ എംഎൽഎ മുഖ്യാതിഥിയായി. ക്ലബ് പ്രസിഡന്‍റ് പ്രശോഭിതൻ മുനപ്പിൽ, സെക്രട്ടറി പി.ആർ. ശ്രീനിവാസൻ, മുൻ വോളിബോൾ താരങ്ങളായ ഗോപിദാസ്, പ്രചോദ് പണിക്കശേരി, അൻവർ ഹുസൈൻ, ഷിറാസ് കാവുങ്ങൽ, ഉത്തമൻ തുടങ്ങിയവർ പങ്കെടുത്തു.

കോൺഗ്രസ് ഭരണസമിതികൾ തിരികെവരണം: ജോസഫ് ടാജറ്റ്

ചാലക്കുടി: തദ്ദേശസ്വയംഭരണ സ്ഥാപനങ്ങളിലേക്ക് നടക്കാൻ പോകുന്ന തെരഞ്ഞെടുപ്പുകളിൽ കോൺഗ്രസ് നേതൃത്വം നൽകുന്ന ഭരണസമിതി തിരികെ വരണമെന്നാണു നാട്ടിലെ ജനങ്ങൾ ആഗ്രഹിക്കുന്നതെന്ന് ജില്ലാ കോൺഗ്രസ് അധ്യക്ഷൻ അഡ്വ. ജോസഫ് ടാജറ്റ്. പരിയാരം ബ്ലോക്ക് കോൺഗ്രസ് നേതൃത്വയോഗം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. പിണറായി ഭരണത്തിൽ തദ്ദേശസ്വയംഭരണ സ്ഥാപനങ്ങളുടെ അധികാരങ്ങൾ വെട്ടിക്കുറച്ചു വികസനം താറുമാറാക്കിയ കാലമാണു കടന്നുപോയത്. എല്ലാ മേഖ ലകളിലും ജനങ്ങൾ പൊറുതിമുട്ടിക്കഴിയുമ്പോൾ അവരുടെ രക്ഷയ്ക്കായി എത്തേ ണ്ട ഉത്തരവാദിത്വം കോൺഗ്രസിനാണെന്നാണു ജനങ്ങൾ ചിന്തിക്കുന്നതെന്നും അതിനായി കോൺഗ്രസ് ഒറ്റക്കെട്ടായി പ്രവർത്തിക്കണമെന്നും ഡിസിസി പ്രസിഡന്‍റ് ഒാർമിപ്പിച്ചു. ചാലക്കുടി ബ്ലോക്ക് പ്രസിഡന്‍റ്് വി.ഒ. പൈലപ്പൻ അധ്യക്ഷത വഹിച്ചു. സനീഷ് കുമാർ ജോസഫ് എംഎൽഎ മുഖ്യപ്രഭാഷണം നടത്തി. രാജേന്ദ്രൻ അരങ്ങത്ത്, സുനിൽ അന്തിക്കാട്, ഷാജി കോടങ്കണ്ടത്ത്, എം.പി. വിൻസന്‍റ്്്, എം.ടി. ഡേവിസ്, സി.ജി. ബാലചന്ദ്രൻ, കെ. ജെയിംസ് പോൾ, പി.കെ. ഭാസി, പി.കെ. ജേക്കബ്, മേരി നളൻ, ഒ.എസ്. ചന്ദ്രൻ, സി. ശ്രീദേവി, കെ.പി. ജെയിംസ്, ജോണി പുല്ലൻ തുങ്ങിയവർ പ്രസംഗിച്ചു.

ലഹരിക്കെതിരേ ക്രൈസ്തവ യുവജനങ്ങള്‍ നടത്തുന്ന പ്രവര്‍ത്തനങ്ങള്‍ പ്രശംസനീയം: മന്ത്രി ആര്‍. ബിന്ദു

ഇരിങ്ങാലക്കുട: ലഹരി വിമുക്ത സമൂഹത്തിനായി ക്രൈസ്തവ യുവജനങ്ങള്‍ നടത്തുന്ന പ്രവര്‍ത്തനങ്ങള്‍ ഏറെ മാതൃകാപരവും പ്രശംസനീയവുമാണെന്ന് ഉന്നത വിദ്യാഭ്യാസ മന്ത്രി ഡോ. ആര്‍. ബിന്ദു അഭിപ്രായപ്പെട്ടു. ഇരിങ്ങാലക്കുട സെന്‍റ് തോമസ് കത്തീഡ്രലിലെ യുവജനസംഘടനകളുടെ നേതൃത്വത്തില്‍ ലഹരിക്കെതിരെ നടത്തുന്ന ബോധവത്കരണ പരിപാടികളുടെ ഭാഗമായി സംഘടിപ്പിച്ച ഇരു ചക്രവാഹന റാലി ഉദ്ഘാടനം ചെയ്തു പ്രസംഗിക്കുകയായിരുന്നു മന്ത്രി. ലഹരിയുടെ ഉപയോഗം കാന്‍സര്‍ രോഗത്തെപ്പോലെ മനുഷ്യനെയും സമൂഹത്തെയും മരണത്തിലേക്കു നയിക്കുകയാണ്. യുവജനങ്ങളുടെ മനസും മസ്തിഷ്കവും മരവിപ്പിച്ചും കര്‍മശേഷിയും ഊര്‍ജസ്വലതയും സര്‍ഗശേഷിയും കെടുത്തിക്കൊണ്ടും സാമൂഹ്യവിരുദ്ധ സ്വഭാവത്തിലേക്കു നയിക്കുയാണ്. ലഹരിയുടെ ഉപയോഗംവഴി സാമൂഹിക പ്രതിബന്ധതയില്ലാത്ത യുവജനങ്ങളായി മാറുന്നതായാണ് സമീപകാല സംഭവങ്ങള്‍ സൂചിപ്പിക്കുന്നത്. ഇതിനെ പ്രതിരോധിക്കേണ്ട സമയം അതിക്രമിച്ചുവെന്നും അതിനായി ലഹരിക്കെതിരെ ഒറ്റക്കെട്ടായി നാം ഉണര്‍ന്നു പ്രവര്‍ത്തിക്കണമെന്നും മന്ത്രി കൂട്ടിചേര്‍ത്തു. നഗരസഭ ചെയര്‍പേഴ്‌സണ്‍ മേരിക്കുട്ടി ജോയ് അധ്യക്ഷത വഹിച്ചു. ഇന്നസെന്‍റ് സോണറ്റ് മുഖ്യാതിഥിയായിരുന്നു. കത്തീഡ്രല്‍ അസി. വികാരി ഫാ. ഓസ്റ്റിന്‍ പാറക്കല്‍ എന്നിവര്‍ പ്രസംഗി ച്ചു. ഇരിങ്ങാലക്കുട നഗരസഭ ഓഫീസിനു മുന്നില്‍ നിന്നും ആരംഭിച്ച ഇരുചക്ര വാഹനറാലി ബസ് സ്റ്റാൻഡ്, ഠാണ ജംഗ്ഷന്‍ വഴി കത്തീഡ്രല്‍ അങ്കണത്തില്‍ സമാപിച്ചു.

രണ്ടു കുടുംബങ്ങള്‍ക്കുകൂടി കാരുണ്യഭവനങ്ങള്‍ നിര്‍മിച്ചുനല്‍കി മൂന്നുമുറി ഇടവക

കോടാലി: മൂന്നുമുറി സെന്‍റ്് ജോണ്‍ ദി ബാപ്റ്റിസ്റ്റ് ഇടവകയുടെ നേതൃത്വത്തില്‍ ഒമ്പതുങ്ങലില്‍ പണികഴിപ്പിച്ച രണ്ടു കാരുണ്യ ഭവനങ്ങളുടെ വെഞ്ചരിപ്പു കര്‍മവും താക്കോല്‍ദാനവും ഇടവക വികാരി ഫാ. ജോര്‍ജ് വേഴപ്പറമ്പില്‍ നിര്‍വഹിച്ചു. ദേവാലയം പുതുക്കി നിര്‍മിച്ചപ്പോള്‍ നിര്‍ധന കുടുംബങ്ങള്‍ക്കു കാരുണ്യ ഭവനങ്ങള്‍ പണിതുകൊടുക്കണമെന്ന വലിയ ആശയത്തിന്‍റെ തുടര്‍ച്ചയായി നിര്‍മിച്ചതാണ് ഒമ്പതുങ്ങലിലെ കാരുണ്യ ഭവനങ്ങള്‍. നേരത്തെ ഈ പദ്ധതി പ്രകാരം ഏതാനും വീടുകള്‍ നിര്‍മിച്ചു നല്‍കിയിരുന്നു. അസി. വികാരി ഫാ. ജയ്‌സണ്‍ ചൊവ്വല്ലൂര്‍, കാരുണ്യഭവനങ്ങള്‍ക്കായി സ്ഥലം നല്‍കിയ ഗ്രേസി ജോര്‍ജ് ആലപ്പാടന്‍, ഗ്രാമപഞ്ചായത്തംഗങ്ങളായ സുമേഷ് മൂത്തമ്പാടന്‍, ഷൈനി ബാബു, കാരുണ്യ ഭവന നിര്‍മാണകമ്മിറ്റി ജനറല്‍ കണ്‍വീനര്‍ ജോണ്‍സണ്‍ മാമ്പ്രക്കാരന്‍, സെക്രട്ടറി ജോണ്‍സണ്‍ വിതയത്തില്‍, ട്രഷറര്‍ ആന്‍റോ ആട്ടോക്കാരന്‍, നൈജോ ആന്‍റോ എന്നിവര്‍ പ്രസംഗിച്ചു. കമ്മിറ്റി അംഗങ്ങളായ ബെന്നി വെള്ളച്ചാലില്‍, സേവിയര്‍ കരുമാലിക്കല്‍, ജിമ്മി പൊയ്യക്കാരന്‍, കൈക്കാരന്മാരായ ബിജു തെക്കന്‍, ജോഷി മഞ്ഞളി, ജോണ്‍ ചേനത്തുപറമ്പില്‍ എന്നിവര്‍ നേതൃത്വം നല്‍കി.

ചാലക്കുടി പ്രസ്ക്ലബ് സ്മൃതിസംഗമം നടത്തി

ചാലക്കുടി: പ്രസ് ക്ലബ് സ്മൃതി സംഗമവും പുരസ്കാര വിതരണവും നടത്തി. ഗവ.ചീഫ് വിപ്പ് പ്രഫ. എൻ. ജയരാജ് ഉദ്ഘാടനം ചെയ് തു. പ്രാദേശിക പത്രപ്രവർത്ത കർക്കു ക്ഷേമനിധി ഏർപ്പെടുത്താനുള്ള ബില്ല് നിയമസഭയിൽ കൊണ്ടുവരുമെന്ന് അദ്ദേഹം പറഞ്ഞു. പ്രസ് ക്ലബ് പ്രസിഡന്‍റ്് പി.കെ. സിദ്ദിഖ് അധ്യക്ഷത വഹിച്ചു. ബെന്നി ബഹനാൻ എംപി, സനീഷ്കുമാർ ജോസഫ് എംഎൽഎ എന്നി വർ മുഖ്യാതിഥികളായി. നഗരസഭ ചെയർമാൻ ഷിബു വാലപ്പൻ ചികിത്സാസഹായവും ബ്ലോക്ക് പഞ്ചായത്ത് പ്രസിഡന്‍റ് വേണു കണ്ഠരുമഠത്തിൽ വിദ്യാഭ്യാസ അവാർഡും നൽകി. മൺ മറഞ്ഞ പ്രസ് ക്ലബ് അംഗങ്ങളെ സി.കെ. പോൾ അനുസ്മരിച്ചു. നഗരസഭ പ്രതിപക്ഷ നേതാവ് സി.എസ്. സുരേഷ്, ഫാ. വർഗീസ് പാത്താടൻ, നഗരസഭാംഗം വി.ജെ. ജോജി, പ്രസ് ക്ലബ് സെക്രട്ടറി കെ.വി. ജയൻ, ജോ യിന്‍റ് സെക്രട്ടറി ഐ.ഐ. അബ്ദുൾ മജീദ് എന്നിവർ പ്രസംഗിച്ചു. മികച്ച സാമൂഹിക പ്രവർത്തകനുള്ള കെ.കെ. ചന്ദ്രസേനൻ പുര സ്കാരം പരിസ്ഥിതി പ്രവർത്തകൻ എസ്.പി. രവിക്കും എ.പി. തോമസ് ദൃശ്യ പ്രതിഭ പുരസ്കാരം സുനി നീലത്തിനും ജില്ലയിലെ മികച്ച പ്രാദേശിക പത്രപ്രവർത്തകനുള്ള പി.എൻ. കൃഷ്ണൻ നായർ പുരസ്കാരം ഇ.പി. രാജീവിനും സമ്മാനിച്ചു. അഖില കേരള ഫോട്ടോഗ്രഫി മത്സരത്തിൽ പ്രോത്സാഹന സമ്മാനം വിനോദ് അത്തോളി, സുരേഷ് കിഴുത്താനി, അനൂപ് കൃഷ് ണ എന്നിവർ ഏറ്റുവാങ്ങി.

മച്ചാട് പള്ളിയിൽ രോഗീബന്ധു സംഗമം സംഘടിപ്പിച്ചു

പുന്നംപറമ്പ്: മച്ചാട് പള്ളിയിൽ രോഗീബന്ധു സംഗമം സംഘടിപ്പിച്ചു. മച്ചാട് സെന്‍റ് ആന്‍റണീസ് ഇടവകാതിർത്തിയിലെ മുഴുവൻ കിടപ്പുരോഗികളെയും മറ്റുരോഗികളെയും അവരുടെ ബന്ധുക്കളെയും ഉൾപ്പെടുത്തിയാണ് രോഗീബന്ധു സംഗമംസംഘടിപ്പിച്ചത്. പിയാത്ത പെയിൻ ആന്‌ഡ് പാലിയേറ്റീവ് സംഘടനയുടെ നേതൃത്വത്തിലാണ് പരിപാടി സംഘടിപ്പിച്ചത്. ഇടവക വികാരി ഫാ. ആന്‍റോ ഒല്ലൂക്കാരന്‍റെ മുഖ്യ കാർമികത്വത്തിൽ ദിവ്യബലിയും അനുബന്ധപ്രാർഥനകളുംനടന്നു. സ്നേഹവിരുന്നുമുണ്ടായി. ചടങ്ങുകൾക്ക് മദർ സിസ്റ്റർ സെലസ്റ്റി, ഡെന്നി തോമസ്, വി.ടി. ജിനോ, യാക്കോബ് പുത്തൂർ, ബീന ജോൺസൻ, സിബി സജി തുടങ്ങിയവർ നേതൃത്വംനൽകി.

ഗവ. സ്‌കൂളിന്‍റെ സ്ഥലം കൈയേറി; കോടതി തടഞ്ഞു

ചാവക്കാട്: കൊച്ചന്നൂര്‍ ഗവ. സ്‌കൂളിന്‍റെ കളിസ്ഥലം കൈയേറി റോഡ് വെട്ടാനുള്ള സ്വകാര്യ വ്യക്തിയുടെ ശ്രമം കോടതി തടഞ്ഞു. സ്‌കൂള്‍ കളിസ്ഥലം അന്താരാഷ്ട്ര നിലവാരത്തിലേക്ക് ഉയര്‍ത്തുന്നതിന്‍റെ ഭാഗമായി നവീകരിക്കാനായി എന്‍.കെ. അക്ബര്‍ എംഎല്‍എ 31 ലക്ഷം രൂപ അനുവദിച്ച് ചുറ്റുമതില്‍ നിര്‍മാണം ആരംഭിച്ചു. നിര്‍മാണം തുടങ്ങിയതോടെ സ്വകാര്യവ്യക്തി സ്‌കൂള്‍ ഗ്രൗണ്ടിന്‍റെ കിഴക്കുവശംചേര്‍ന്ന് 10 അടി വീതിയിലുള്ള റോഡ്, പഞ്ചായത്ത് റോഡിലേക്ക് ഉണ്ടെന്നും ഇതു തനിക്കവകാശപ്പെട്ടതാണെന്നും സ്‌കൂള്‍ അധികൃതര്‍ മതില്‍കെട്ടി ഗതാഗതം തടയുകയാണെന്നും ആരോപിച്ചു. കലക്ടര്‍, ജില്ലാ വിദ്യാഭ്യാസ ഓഫീസര്‍ എന്നിവരെ എതിര്‍കക്ഷികളാക്കി ഗതാഗതം തടസപ്പെടുത്തരുത് എന്ന ഉത്തരവിനായി ചാവക്കാട് മുന്‍സിഫ് കോടതിയില്‍ ഇഞ്ചക്ഷന്‍ ഹര്‍ജിയുംനല്‍കി. ഇതേ തുടര്‍ന്ന് നിര്‍മാണം നിര്‍ത്തിവച്ചു. പിന്നീട് സര്‍ക്കാര്‍ കോടതിയില്‍ നല്‍കിയ ഹര്‍ജി പരിഗണിച്ച്, മുമ്പ് സ്ഥലംപരിശോധിച്ച് റിപ്പോര്‍ട്ട് നല്‍കിയ അഡ്വക്കേറ്റ് കമ്മീഷൻ വീണ്ടും സ്ഥലംപരിശോധിച്ചു. അഡ്വക്കേറ്റ് കമ്മീഷൻ കോടതിയില്‍ ഫയല്‍ചെയ്ത റിപ്പോര്‍ട്ടില്‌ സ്‌കൂള്‍ ഗ്രൗണ്ടിലൂടെയുള്ള വഴി, ഹര്‍ജിക്കാരന്‍ കേസ് കൊടുക്കുന്നതിനു തൊട്ടുമുമ്പ് കൃത്രിമമായി നിര്‍മിച്ചതാണെന്നും വഴി ചെന്നെത്തുന്നത് സ്വകാര്യ റോഡിലേക്കാണെന്നും ഹര്‍ജിക്കാരന്‍ സര്‍ക്കാര്‍ ഭൂമി കൈയേറി റോഡ് നിര്‍മിച്ചതാണെന്നും അറിയിച്ചു. വാദം അംഗീകരിച്ച കോടതി ഹര്‍ജിക്കാരന് അനുകൂലമായി നേരത്തെനല്‍കിയ താല്‍ക്കാലിക സ്റ്റേ ഉത്തരവ് തള്ളി മതിൽ നിർമിക്കാൻ അനുമതിനൽകി. അഡീഷണല്‍ ഗവ.പ്ലീഡര്‍ അഡ്വ.കെ.ആര്‍. രജിത് കുമാര്‍, അഡ്വ.കെ.കെ. സിന്ധു എന്നിവര്‍ ഹാജരായി.

മദ്യലഹരിയിൽ കാർ യാത്രികരുടെ അതിക്രമം

പാലിയേക്കര: ടോൾപ്ലാസയിൽ കാർ നിർത്തിയിട്ട് സംഘർഷമുണ്ടാക്കിയ യാത്രികരുടെ പേരിൽ കേസെടുത്തു. ഞായറാഴ്ച പുലർച്ചെ 1.30നായിരുന്നു സംഭവം. ടോൾപ്ലാസയിലെത്തിയ കാർ, ടോൾബൂത്ത് കടന്നതിനുശേഷം ട്രാക്കിൽ നിർത്തിയിട്ട് ജീവനക്കാരെ അസഭ്യംപറയുകയും കൈയേറ്റംചെയ്യാൻ ശ്രമിക്കുകയുമായിരുന്നു. കാർയാത്രക്കാർ മദ്യലഹരിയിലായിരുന്നുവെന്ന് പോലീസ് പറഞ്ഞു. ടോൾപ്ലാസയിലെ ട്രാക്കുകളിൽ കാർ മാറ്റിമാറ്റിയിട്ട് ഇവർ പ്രശ്നമുണ്ടാക്കുന്നത് തുടർന്നു. ചോദ്യംചെയ്യാൻ ശ്രമിച്ച ജീവനക്കാരെ കാറിന്‍റെ ജാക്കിലിവർ ഉപയോഗിച്ച് ആക്രമിക്കാൻ ശ്രമിച്ചതായും പോലീസ് പറഞ്ഞു. ഇതിനിടെ ടോൾ അധികൃതർ അറിയിച്ചതിനെ തുടർന്ന് പോലീസ് സ്ഥലത്തെത്തിയതോടെ ഇവർ കാറുമായി കടന്നു. സംഭവത്തിന്‍റെ സിസിടിവി ദൃശ്യങ്ങൾ സഹിതം ടോൾപ്ലാസ അധികൃതർ പുതുക്കാട് പോലീസിൽ പരാതിനൽകി. ഇതേതുടർന്ന് വാഹനനമ്പർ ഉപയോഗിച്ച് ഉടമയുമായി ബന്ധപ്പെടുകയും ഞായറാഴ്ച സ്റ്റേഷനിൽ ഹാജരാകാൻ നിർദേശിക്കുകയും ചെയ്തു. എന്നാൽ കാർ യാത്രികർ പോലീസ് അക്രമത്തെ തുടർന്ന് ആശുപത്രിയിൽ ചികിത്സ തേടിയെന്നും അറിയുന്നു.

ലോറിയുടമകളുടെ പ്രതിഷേധം; ടോൾബൂത്ത് തുറന്ന് വാഹനങ്ങൾ വിട്ടു

പാലിയേക്കര: ടോൾപ്ലാസയിൽ ലോറിയുടമകളുടെ പ്രതിഷേധം. ഇന്നലെ ഉച്ചയോടെയായിരുന്നു സംഭവം. പാലിയേക്കരയിലെ ടോൾപിരിവ് അവസാനിപ്പിക്കണമെന്ന് ആവശ്യപ്പെട്ട് തൃശൂർ ജില്ല ലോറി ഓണേഴ്സ് അസോസിയേഷന്‍റെ നേതൃത്വത്തിൽ നടത്തിയ പ്രതിഷേധമാണ് സംഘർഷത്തിൽ കലാശിച്ചത്. ദേശീയപാതയിൽ പ്രതിഷേധവുമായെത്തിയ ലോറിയുടമകൾ ടോൾബൂത്തുകളിൽ കയറി ബാരിക്കേഡുകൾതുറന്ന് വാഹനങ്ങൾ കടത്തിവിടുകയായിരുന്നു. വിഷു അവധിയെ തുടർന്ന് ടോൾപ്ലാസയിൽ വലിയ വാഹനത്തിരക്കുള്ള സമയമായിരുന്നു ഇത്. ടോൾപ്ലാസ അധികൃതർ വിവരമറിയിച്ചതിനെ തുടർന്ന് പുതുക്കാട് പോലീസ് സ്ഥലത്തെത്തി. പ്രതിഷേധക്കാരെ ടോൾബൂത്തുകളിൽനിന്ന് നീക്കുകയും രണ്ടുപേരെ കൊണ്ടുപോവുകയുംചെയ്തു. രണ്ടുപേർ ഓടിരക്ഷപ്പെട്ടു.

പുത്തൻകോവിലകം കടവ് പാലം തകർന്നു

അന്തിക്കാട്: പുത്തൻകോവിലകം കടവ് റോഡുമായി അന്തിക്കാട് കോൾപാടശേഖരത്തെ ബന്ധിപ്പിക്കുന്ന പ്രധാന പാലം തകർന്നുവീണു. ഇന്നലെ ഉച്ചയോടെയാണ് അപകടം. ഏറെകാലങ്ങളായി ഈ പാലത്തിന്‍റെ ഏതാനും സ്ലാബുകളുടെ അടിഭാഗം തകർന്നതുമൂലം മേൽഭാഗം ഇടിഞ്ഞ നിലയിലായിരുന്നു. കഴിഞ്ഞ കോൾപ്പാടശേഖരത്തിലെ വിളവെടുപ്പുമായി ബന്ധപ്പെട്ട നിരവധി വാഹനങ്ങൾ കടന്നുപോയതോടെ പാലം വീണ്ടും രൂക്ഷമായ തകർച്ചാഭീഷണിയിലായിരുന്നു. വാഹനം കടന്നുപോയി നിമിഷങ്ങൾക്കുള്ളിലാണ് പാലം തകർന്നത്. രണ്ട് സ്ലാബ് തകർന്ന് കനാലിലേക്കുവീണ നിലയിലാണ്. ബാക്കിയുള്ള ഒരു സ്ലാബിലൂടെ ഇരുചക്ര വാഹനങ്ങളും മറ്റും കടന്നുപോകുന്നുണ്ട്. ഇത് അപകടത്തിന് കാരണമായേക്കുമെന്ന് ഭീതിയും ഉയർന്നിട്ടുണ്ട്. പാലം തകർച്ചാഭീഷണി നേരിടുന്ന വിവരം നിരവധിതവണ മാധ്യമങ്ങൾ റിപ്പോർട്ട് ചെയ്തിരുന്നുവെങ്കിലും അടിയന്തര ഇടപെടൽ നടത്താൻ കെഎൽഡിസിയോ മറ്റ് അധികൃതരോ തയാറായില്ലെന്ന് കർഷകർ പറയുന്നു. റീ ബിൽഡ് കേരളയിൽവച്ച് പാലം നിർമിക്കുന്നതിനുള്ള ശ്രമങ്ങൾ നടക്കുന്നുണ്ടെങ്കിലും കാര്യങ്ങൾക്ക് വേഗതയില്ലെന്ന ആക്ഷേപം വ്യാപകമാണ്.

ചുഴലിക്കാറ്റും കനത്ത മഴയും: കുന്നംകുളത്ത് വ്യാപക നാശനഷ്ടം

കുന്നംകുളം: കാട്ടകാമ്പാല്‍ ഗ്രാമപഞ്ചായത്ത് പ്രദേശത്ത് ഇന്നലെ പുലര്‍ച്ചയോടെ വീശിയടിച്ച ചുഴലിക്കാറ്റും കനത്തമഴയും വ്യാപകമായ നാശനഷ്ടങ്ങളുണ്ടാക്കി. പെങ്ങാമുക്ക്, കരിച്ചാല്‍, കാഞ്ഞിരത്തിങ്കല്‍, ആനപ്പറമ്പ് കാട്ടകാമ്പാല്‍, പലാട്ടുമുറി, നടുമുറി, ചിറയ്ക്കല്‍, സ്രായിക്കടവ്, ചിറയന്‍കാട്, രാമപുരം എന്നിവിടങ്ങളില്‍ മരംപൊട്ടി വീണ് വീടുകള്‍ക്കും ചിറയ്ക്കല്‍ സെന്‍ററിലെ ട്രാന്‍സ്ഫോര്‍മറിനും കേടുപാടുകൾ സംഭവിച്ചു. അറുപതില്‍പരം കെഎസ്ഇബി പോസ്റ്റുകള്‍ക്കും വൈദ്യുതി ലൈനുകള്‍ക്കും നാശനഷ്ടങ്ങളുണ്ടായി. എ.സി. മൊയ്തീന്‍ എംഎല്‍എ, എസ്‌സി എസ്ടി കമ്മീഷന്‍ അംഗം ടി.കെ. വാസു, ത്രിതല പഞ്ചായത്ത് പ്രതിനിധികള്‍ തുടങ്ങിയവര്‍ ദുരന്തബാധിത സ്ഥലങ്ങള്‍ സന്ദര്‍ശിച്ചു. വിവിധ വകുപ്പുകളുടെ ഏകോപനം ഉറപ്പുവരുത്താനുള്ള നിര്‍ദേശങ്ങള്‍ നല്‍കിയതായി എംഎല്‍എ അറിയിച്ചു. ദുരന്തപ്രതികരണനിധിയില്‍നിന്നു അടിയന്തര സഹായം ദുരന്തബാധിതര്‍ക്ക് അനുവദിക്കണമെന്ന് റവന്യുമന്ത്രിയോടും ജില്ല കളക്ടറോടും എംഎല്‍എ ആവശ്യപ്പെട്ടു. തഹസില്‍ദാരുടെ നേതൃത്വത്തില്‍ നാശനഷ്ടങ്ങളുടെ കണക്ക് ശേഖരിക്കുന്നു. കെഎസ്ഇബി ജീവനക്കാര്‍ വൈദ്യുതബന്ധം പുനസ്ഥാപിക്കുന്നതിനുള്ള പരിശ്രമത്തിലാണ്.

ഗുരുവായൂരിലെ ഹൈടെക് ഗോശാല സമർപ്പണം ഇന്ന്

ഗുരുവായൂർ: ദേവസ്വത്തിന്‍റെ ഹൈടെക് ഗോശാല ഇന്നു സമർപ്പിക്കും. കിഴക്കേനടയിൽ പഴയ ദേവസ്വം ഓഫീസിനോട് ചേർന്ന് 18 സെന്‍റ് സ്ഥലത്ത് നാലുനിലകളിലായി 10,000 ചതുരശ്ര അടിയിൽ ആറുകോടിയോളം ചെലവിലാണ് ഗോശാല നിർമിച്ചിട്ടുള്ളത്. തമിഴ്നാട് പുതുക്കോട്ടയിലെ മാണിക്കം ട്രസ്റ്റിന്‍റെ സമർപ്പമാണിത്. 60 പശുക്കളേയും ട്രസ്റ്റ് നൽകുന്നുണ്ട്. ആദ്യനില അണ്ടർഗ്രൗണ്ടിലാണ്. ഇവിടെ സീവറേജ് ട്രീറ്റ്മെന്‍റ് പ്ലാന്‍റാണ്. ആദ്യനിലയിലും രണ്ടാംനിലയിലും പശുക്കൾക്ക് നിൽക്കുന്നതിനുള്ള സംവിധാനമാണ്. ഏറ്റവും മുകളിലെ നിലയിൽ പശുവിന് തീറ്റ, മരുന്നുകൾ എന്നിവ സൂക്ഷിക്കുന്നതിനുള്ള സ്ഥലം, ലിഫ്റ്റുകൾ, റാമ്പ് എന്നിവയുണ്ട്. ഓട്ടോമാറ്റിക് കുടിവെള്ള സംവിധാനം, മിൽക്ക് പ്രൊസസിംഗ് യൂണിറ്റ് എന്നിവയും ഒരുക്കിയിട്ടുണ്ട്. പശുവിന് ചൂട് ഏൽക്കാതിരിക്കുന്നതിന് ഫാൻ, വെള്ളം കൊണ്ടുള്ള ശീതീകരണസംവിധാനം എന്നിവയുമുണ്ട്. ഗോപൂജ മണ്ഡപവും ഇവിടെയുണ്ട്. 18ന് ഗോശാലയുടെ ഒൗദ്യോഗിക സമർപ്പണം മന്ത്രി നിർവഹിക്കും.

അറവുമാലിന്യ പ്ലാന്‍റ്: തളി ഗ്രാമവാസികൾ രാത്രിസമരം നടത്തി

എരുമപ്പെട്ടി: അതിജീവനത്തിനായി രാത്രിസമരംനടത്തി വരവൂർ തളി ഗ്രാമവാസികൾ. തങ്ങളുടെ ജീവിതം ദുരിതമാക്കുന്ന അറവുമാലിന്യ പ്ലാന്‍റിനെതിരേ രാത്രിയിൽ നടത്തിയ പ്രക്ഷോഭത്തിൽ ഗ്രാമം ഒന്നായിഅണിചേർന്നു. സ്ത്രീകളും കുട്ടികളും വയോധികരും ഉൾപ്പടെ ആയിരത്തോളംപേർ പങ്കെടുത്തു. കോഴി അവശിഷ്ടങ്ങൾ ഉൾപ്പടെയുള്ള അറവുമാലിന്യങ്ങൾ സംഭരിച്ച് പൊടിച്ച് പൗഡറാക്കുന്ന വലിയ പ്ലാന്‍റാണ് തളി നടുവട്ടത്ത് പ്രവർത്തനം ആരംഭിച്ചത്. കഴിഞ്ഞ വെള്ളിയാഴ്ച രാത്രി ട്രയൽ റൺ നടത്തിയപ്പോൾ പ്ലാന്‍റിൽനിന്ന് അതിരൂക്ഷമായ ദുർഗന്ധം ഉയർന്നിരുന്നു. തുടർന്ന് പ്രദേശത്ത് സ്ത്രീകളും കുട്ടികളും ഉൾപ്പടെയുള്ള നാട്ടുകാർ പ്രതിഷേധവുമായി തടിച്ചുകൂടി. ഇതിനിടയിൽ സ്ഥലത്തെത്തിയ എരുമപ്പെട്ടി പോലീസ് ലാത്തിചാർജ് നടത്തുകയും സ്ത്രീകളും കുട്ടികളും ഉൾപ്പടെ നിരവധിപേർക്ക് പരിക്കേൽക്കുകയുംചെയ്തു. കൂടാതെ മുപ്പതോളംപേർക്കെതിരെ പോലീസ് കേസെടുക്കുകയുംചെയ്തു. പ്ലാന്‍റിലെ ജീവനക്കാരെ കൊണ്ടുപോവുകയായിരുന്ന പോലീസ് വാഹനം തടഞ്ഞുവെന്ന് ആരോപിച്ചാണ് ലാത്തിചാർജ് നടത്തിയത്. എന്നാൽ ഇൻസ്പെക്ടറോട് പരാതിപറയാൻ പോലീസ് വാഹനത്തിനടുത്തുചെന്ന വീട്ടമ്മമാരെ പോലീസ് മുന്നറിയിപ്പില്ലാതെ ആക്രമിക്കുകയായിരുന്നുവെന്ന് നാട്ടുകാർപറയുന്നു. അകാരണമായ പോലീസ് നടപടിക്കെതിരേയും ദുർഗന്ധംവമിക്കുന്ന പ്ലാന്‍റിന്‍റെ പ്രവർത്തനംതടയണമെന്ന് ആവശ്യപ്പെട്ടുമാണ് ഇന്നലെരാത്രിയിൽ വൻ പ്രതിഷേധംനടന്നത്. കോടതിയിൽ കേസ് നിലനിൽക്കുമ്പോൾ പ്ലാന്‍റിന് പ്രവർത്തിക്കാൻ ലൈസൻസ് നൽകിയ വരവൂർ പഞ്ചായത്തിനെതിരേയും പ്രതിഷേധമുയർന്നു. സമരത്തെ നേരിടാൻ വൻ പോലീസ് സന്നാഹം ഒരുക്കിയിരുന്നെങ്കിലും സമരം സമാധാനപരമായിരുന്നു. അതേസമയം ശക്തമായ തുടർസമരങ്ങളുമായി മുന്നോട്ടുപോകാനാണ് തീരുമാനമെന്ന് സമരസമിതി നേതാക്കൾ അറിയിച്ചു. ആക്ഷൻ കൗൺസിൽ നേതാക്കളായ സി.യു. അബൂബക്കർ, പരീദ്, കെ.എസ് മുഹമ്മദ്, വിപിൻ കൂടിയേടത്ത്, സുഭാഷ്, കെ.എം ഹനീഫ, ഫാസിൽ, അനിത, ഫാത്തിമ്മ, കോച്ചിയമ്മ, അസ്ഹർ എന്നിവർ നേതൃത്വംനൽകി.

വിശ്വാസം വിളിച്ചോതി കനകമല കുരിശുമുടി മഹാതീര്‍ഥാടനം

കൊടകര: അചഞ്ചലമായ വിശ്വാസം വിളിച്ചോതി കനകമല മഹാതീര്‍ഥാടനത്തില്‍ പങ്കുചേര്‍ന്ന് അനേകര്‍ കുരിശുമല ചവിട്ടി. 86-ാമത് കനകമല നോമ്പുകാല തീര്‍ഥാടനത്തിന്‍റെ ഭാഗമായി ഇന്നലെ വൈകീട്ട് നടന്ന മഹാതീര്‍ഥാടനം ഇരിങ്ങാലക്കുട രൂപത മെത്രാന്‍ മാര്‍ പോളി കണ്ണൂക്കാടന്‍ ഉദ്ഘാടനം ചെയ്തു. വികാരി ജനറാൾ‍ മോണ്‍. വില്‍സണ്‍ ഈരത്തറ അധ്യക്ഷത വഹിച്ചു. വികാരി ജനറാൾ‍ മോണ്‍. ജോസ് മാളിയേക്കല്‍ അനുഗ്രഹ പ്രഭാഷണം നടത്തി. കൊടകര ഫൊറോന വികാരി ഫാ. ജെയ്‌സണ്‍ കരിപ്പായി, കനകമല തീര്‍ഥാടന കേന്ദ്രം റെക്ടര്‍ ഫാ. മനോജ് മേക്കാടത്ത്, അസിസ്റ്റന്‍റ് വികാരി ഫാ. റൈസണ്‍ തട്ടില്‍, ജനറല്‍ കണ്‍വീനര്‍ തോമസ് കുറ്റിക്കാടന്‍, കൈക്കാരന്‍ ജോജു ചുള്ളി, പിആര്‍ഒ ഷോജന്‍ ഡി. വിതയത്തില്‍, കേന്ദ്ര സമിതി പ്രസിഡന്‍റ് ജോയി കുയിലാടന്‍, സിസ്റ്റര്‍ ലിസ മരിയ എന്നിവര്‍ പ്രസംഗിച്ചു. തുടര്‍ന്ന് കുരിശുമുടിയിലേക്ക് നടന്ന പ്രാര്‍ഥനയാത്രക്ക് ബിഷപ് മാര്‍ പോളി കണ്ണൂക്കാടന്‍ നേതൃത്വം നല്‍കി. നിരവധി വിശ്വാസികള്‍ വിശ്വാസികള്‍ പ്രാര്‍ഥനയാത്രയില്‍ അണിനിരന്നു. വൈകീട്ട് ഏഴിന് കുരിശുമുടി തീര്‍ഥകേന്ദ്രത്തില്‍ നടന്ന ദിവ്യബലിക്ക് മാര്‍ പോളി കണ്ണൂക്കാടന്‍ മുഖ്യ കാര്‍മികനായി. അടിവാരം പള്ളിയിലെ ദിവ്യബലിക്ക് മോണ്‍. വില്‍സണ്‍ ഈരത്തറ കാര്‍മികത്വം വഹിച്ചു. കൈക്കാരന്മാരായ ജോസ് വെട്ടുമണിക്കല്‍, ജോസ് കറുകുറ്റിക്കാരന്‍, ജോയി കളത്തിങ്കല്‍, കണ്‍വീനര്‍മാര്‍, യൂണിറ്റ് പ്രസിഡന്‍റുമാര്‍ എന്നിവര്‍ നേതൃത്വം നല്‍കി.

ആന്പല്ലൂരിൽ വില്ലൻ സർവീസ് റോഡ്; ഇഴഞ്ഞിഴഞ്ഞ് കലുങ്ക് നിർമാണം

ആന്പല്ലൂർ: അടിപ്പാത നിർമാണമാണ് ആന്പല്ലൂരിലും വാഹനങ്ങൾക്കു വില്ലൻ. അവധിക്കാലത്തെ തിരക്കുകൂടിയായപ്പോൾ വാഹയാത്ര ഇഴയുകയാണ്. അടിപ്പാതയുടെ ബോക്സ് നിർമാണം പൂത്തിയായെങ്കിലും സർവീസ് റോഡിന്‍റെ കലുങ്ക് നിർമാണം ഇഴയുന്നതാണു പ്രശ്നം. അടിപ്പാത നിർമിക്കുന്നയിടത്തെ റോഡിന്‍റെ സ്ഥിതിയും മോശമാണ്. വരന്തരപ്പിള്ളി, കല്ലൂർ ഭാഗങ്ങളിൽ നിന്നെത്തുന്ന വാഹനങ്ങളും സർവീസ് റോഡിലേക്ക് എത്തുന്നതോടെ കുരുക്കു മുറുകും. പല സമയത്തും തൃശൂർ ഭാഗത്തേക്കുള്ള പാതയിലെ തിരക്ക് പുതുക്കാട് വരെയാണ് നീളാറുള്ളത്. ചെറിയ അപകടങ്ങളുണ്ടായാൽ നിര പിന്നെയും നീളും. അടിപ്പാത നിർമാണം ആരംഭിക്കുന്നതിനു മുൻപേയാണ് സർവീസ് റോഡ് പൊളിച്ചത്. പലയിടത്തും റോഡിൽ മണ്‍കൂനകളായി. ഡ്രെയിനേജുകൾ പൂർത്തിയാക്കാത്തതുമൂലം മഴവെള്ളം ഒഴുകിപ്പോകാൻ കഴിയാത്ത അവസ്ഥയിലാണ്. ദിനവും ആയിരക്കണക്കിന് വാഹനങ്ങൾ കടന്നുപോകുന്ന ടോൾ പാതയിൽ ദേശീയപാത അഥോറിറ്റിയും ടോൾ കരാർ കന്പനിയും നടത്തുന്ന നവീകരണ പ്രഹസനങ്ങൾക്ക് ഇരയാകുകയാണു യാത്രക്കാർ.

ചിറങ്ങരയിൽ പ്രതിസന്ധി രൂക്ഷം പ്രായോഗിക ബുദ്ധിമുട്ട് കണ്ടില്ലെന്നു നടിച്ചു, നാലുപാടും പ്രതിസന്ധി

കൊരട്ടി: ദേശീയപാത 544ൽ വാളയാർ- അങ്കമാലി മേഖലയിൽ 12 അടിപ്പാതകളുടെ നിർമാണം ഒരേ സമയം ആരംഭിച്ചതുമൂലമുള്ള പ്രതിസന്ധിക്ക് അയവില്ല. നിലവിലുള്ള ഡിവൈൻ അടിപ്പാതയും മുരിങ്ങൂർ, കൊരട്ടി, ചിറങ്ങര ജംഗ്ഷനുകളിലെ നിർദിഷ്ട അടിപ്പാതകളുമടക്കം ആറു കിലോമീറ്ററിനുള്ളിൽ നാല് അടിപ്പാതകൾക്ക് പകരം എലവേറ്റഡ് ഹൈവേ എന്ന ആശയം ജനം മുന്നോട്ടുവച്ചിരുന്നു. ഇതു തള്ളിയ എൻഎച്ച്എഐ ഒരേസമയം മൂന്നിടങ്ങളിലും അടിപ്പാത നിർമിക്കാനിറങ്ങിയതാണ് പ്രതിസന്ധി രൂക്ഷമാക്കിയത്. സർവീസ് റോഡിലൂടെ വാഹനങ്ങൾ കടത്തിവിട്ടതോടെ കുരുക്ക് അതികഠിനമായി. മുരിങ്ങൂർമുതൽ പൊങ്ങംവരെ പൂർണമായി സർവീസ് റോഡ് നിർമിച്ചശേഷം മാത്രമേ അടിപ്പാതയ്ക്കായി പ്രധാന പാത പൊളിക്കാവൂ എന്ന നിർദേശംതള്ളി നിർദിഷ്ട ഇടങ്ങളിൽമാത്രം ബദൽ പാതയൊരുക്കി വാഹനങ്ങൾ കടത്തിവിട്ടതാണു മാസങ്ങളായി നേരിടുന്ന കുരുക്കിന്‍റെ പ്രധാന കാരണം. അഞ്ചര കിലോമീറ്ററിനുള്ളിൽ മൂന്ന് അടിപ്പാതകൾ നിർമിക്കുന്പോഴുണ്ടാകുന്ന ബുദ്ധിമുട്ട് മുൻകൂട്ടി കാണാൻ കഴിയാതെപോയി. പുതുതായി നിർമിച്ച ഡ്രെയിനേജുകൾ പലവട്ടം പൊളിച്ചുപണിതു. ചിറങ്ങരയിലെ അടിപ്പാതയുടെ ബേസ്മെന്‍റ് പണിക്കായി കെട്ടിയ കന്പികൾ അഴിച്ചുമാറ്റി വീണ്ടും കെട്ടേണ്ടിവന്നു. മുരിങ്ങൂരിലും ചിറങ്ങരയിലും അടിപ്പാത നിർമാണം പൂർത്തിയായതിനു ശേഷം മാത്രം കൊരട്ടിയിൽ നിർമാണ പ്രവൃത്തികൾക്കായി പ്രധാനപാത പൊളിച്ചാൽ മതിയെന്ന വാദം ശക്തമാണ്. കൂടാതെ മൂന്നു സ്പാനുകൾ എന്നത് കൂടുതൽ സ്പാനുകളിലുള്ള പാലമാക്കി പുനഃക്രമീകരിക്കണം എന്ന ആവശ്യവും നാട്ടുകാർ ഉന്നയിക്കുന്നുണ്ട്. വൈദ്യുതി തൂണുകൾക്കായി റോഡിന്‍റെ ഘടനയിലും മാറ്റംവരുത്തുന്നത് ഭാവിയിൽ പ്രശ്നമാകും. ഇരു ഭാഗത്തുള്ള ഡ്രെയിനേജുകൾക്കു പുറമെ രണ്ടു മീറ്റർ വീതമുള്ള യൂട്ടിലിറ്റി കോറിഡോർ അനിവാര്യമാണ്. ഗതാഗതക്കുരുക്ക് ഒഴിവാക്കാൻ ടോൾ പിരിവു നിർത്തമെന്ന ആവശ്യവും ശക്തമാണ്.

ദേശീയപാതയിലെ കുരുക്കിന് ഉടൻ പരിഹാരമില്ല

തൃശൂർ: അടിപ്പാത നിർമാണം ആരംഭിച്ചതിനുശേഷം ദേശീയപാതയിൽ രാപ്പകലില്ലാതെ കുരുക്കു തുടരുകയാണ്. കഴിഞ്ഞ ദിവസങ്ങളിൽ 15 കിലോമീറ്ററോളം വാഹനങ്ങൾ പെട്ടുകിടന്നു. ദേശീയപാതയ്ക്കു സമാന്തരമായ ചെറു വഴികളിലും വാഹനത്തിരക്കുമൂലം വീർപ്പുമുട്ടി. ചിറങ്ങരയിൽ വാഹനങ്ങൾക്ക് കടന്നുപോകാനുള്ള മതിയായ സ്ഥലമില്ലാത്തതാണു പ്രതിസന്ധിക്കിടയാക്കുന്നത്. ചിറങ്ങരയിൽനിന്നു വാഹനങ്ങളുടെ നിര ചാലക്കുടിവരെ നീണ്ടതോടെ വൻ പ്രതിഷേധത്തിനും ഇടയാക്കി. ഇതിനു പുറമേ, തൃശൂർ കുറ്റിപ്പുറം പാതയിൽ ഉൾപ്പെടുന്ന പുഴയ്ക്കലും വൻ തിരക്കാണ് അനുഭവപ്പെട്ടത്. വിഷുവിനോടനുബന്ധിച്ചുള്ള അവധികൂടിയെത്തിയതോടെ പുഴയ്ക്കൽ കടക്കാൻ മണിക്കൂറുകൾ കാത്തിരിക്കണം. സമയ നഷ്ടത്തിനൊപ്പം ഇന്ധന നഷ്ടവും സാന്പത്തിക നഷ്ടവും സഹിക്കേണ്ട ഗതികേടിലാണു യാത്രക്കാർ. മഴ ശക്തമായാൽ സ്ഥിതി കൂടുതൽ രൂക്ഷമാകും. അടിപ്പാതകളുടെ അനുബന്ധ ഭിത്തികൾ പലയിടത്തും പൊളിച്ചിട്ടുണ്ട്. മഴപെയ്താൽ ഈ ഭാഗങ്ങൾ ഇടിയാനും സാധ്യതയുണ്ട്. കൊട"കരകയറ്റം' കഠിനം! പതിവു കുരുക്ക് പേരാന്പ്രമുതൽ പെരിങ്ങാംകുളം വരെ കൊടകര: പേരാന്പ്ര പള്ളി ജംഗ്ഷനിൽ അടിപ്പാതയുടെ നിർമാണമാണു കൊടകരയെ കുരുക്കിലാക്കുന്നത്. രാവിലെയും വൈകുന്നേരവും കുരുക്കു രൂക്ഷമാണ്. ചരക്കുലോറികൾ സർവീസ് റോഡിലൂടെ ഒറ്റവരിയായി പോകുന്നതാണ് പ്രതിസന്ധി. പേരാന്പ്രമുതൽ കൊടകര പെരിങ്ങാംകുളംവരെ വാഹനങ്ങളുടെ നീണ്ട നിരയാണ്. അപ്പോളോ പടി മുതൽ പെട്രോൾ പന്പുവരെയുള്ള ഭാഗങ്ങളിൽ പ്രധാനപാതയിൽ പ്രവേശനമില്ലാത്തതിനാൽ സർവീസ് റോഡാണ് ആശ്രയം. ബസുകൾ യാത്രക്കാരെ ഇറക്കാൻ നിർത്തിയാൽ കുരുക്കും രൂക്ഷമാകും. അവധിക്കാലത്തെ വാഹനപ്പെരുക്കവും മറ്റൊരു കാരണമാണ്. എന്നാൽ, മറ്റിടങ്ങളെ അപേക്ഷിച്ചു കൊടകരയിൽ കുരുക്കുകുറവാണെന്നു നാട്ടുകാർ പറഞ്ഞു. സർവീസ് റോഡുകൾ, കാനകൾ എന്നിവയുടെ നിർമാണം പൂർത്തിയാക്കി പ്രധാനപാതയിൽ ഗതാഗതം കേന്ദ്രീകരിച്ചതാണു സഹായമായത്. അടിപ്പാതയുടെ ഒരുഭാഗത്തിന്‍റെ കോണ്‍ക്രീറ്റിംഗ് രണ്ടുമാസംമുന്പ് പൂർത്തിയായി. വടക്കുഭാഗത്തേക്കുള്ള പാതയിലാണ് പണി നടക്കാനുള്ളത്. മറുവശത്ത് ഒരാഴ്ചയ്ക്കകം കോണ്‍ക്രീറ്റിംഗ് പൂർത്തിയാകും. അടിപ്പാതയ്ക്ക് ഇരുഭാഗത്തുമുള്ള പ്രധാനപാതകളെ സർവീസ് റോഡിൽനിന്നു വേർതിരിക്കാനുള്ള സംരക്ഷണഭിത്തിയുടെ ചാലുകീറുന്ന പണികളും പുരോഗമിക്കുന്നു. നിർമാണത്തിൽ തടസമുണ്ടായില്ലെങ്കിൽ ഈവർഷം അവസാനം അടിപ്പാത യാഥാർഥ്യമാകും.

മണലിപ്പുഴയിൽ മരിച്ചനിലയിൽ

തൃക്കൂർ: മണലിപ്പുഴയിൽ വയോധികനെ മരിച്ചനിലയിൽ കണ്ടെത്തി. തൃക്കൂർ കോനിക്കര സ്വദേശി തെക്കുംപീടിക കൊച്ചാപ്പു മകൻ ജോർജ്(64) ആണ് മരിച്ചത്. തൃക്കൂർ പാലത്തിനു താഴെ രാവിലെ മീൻ പിടിക്കാൻ എത്തിയവരാണ് മൃതദേഹം കണ്ടെത്തിയത്. പിന്നീട് പോലീസിൽ വിവരമറിയിക്കുകയായിരുന്നു. പുതുക്കാട് പോലീസും നാട്ടുകാരും ചേർന്ന് മൃതദേഹം പുറത്തെടുത്തു. ഓർമക്കുറവുള്ള ജോർജ് പുഴയിൽ വീണതാകാമെന്നാണ് പ്രാഥമിക നിഗമനം. സംസ്കാരം നടത്തി. മാതാവ്: മേരി. സഹോദരങ്ങൾ: ജോസഫ്, ജോൺസൻ, അൽഫോൻസ.

മത്സ്യബന്ധനത്തിനിടെ തൊഴിലാളി മരിച്ചു

ചാവക്കാട്: മത്സ്യബന്ധനത്തിനിടെ ഹൃദയാഘാതം അനുഭവപ്പെട്ട മത്സ്യത്തൊഴിലാളി ആശുപത്രിയിൽ മരിച്ചു. കടപ്പുറം കുറിയൻ പുരക്കൽ മുഹമ്മദ് അബ്ദുൽ ഖാദർ മകൻ ഷാഫി(51)യാണ് ഇന്നലെ മരിച്ചത്. കൂട്ടായി സ്വദേശിയുടെ ജീലാനി വള്ളത്തിലെ തൊഴിലാളിയായിരുന്നു. മത്സ്യബന്ധനത്തിനിടെ ശനിയാഴ്ച വൈകീട്ട് മന്ദലാംകുന്ന് ആഴക്കടലിൽ വച്ചാണ് നെഞ്ചുവേദന അനുഭവപ്പെട്ടത്. ചെറുവള്ളത്തിൽ കരയിൽ എത്തിച്ച് സ്വകാര്യ ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല. ഭാര്യ: ഫാത്തിമ. മക്കൾ: ഫൈസൽ, ഫാസില.

നാടാകെ വിഷു ഒരുക്കങ്ങളിലേക്ക്

തൃശൂർ: നാളെ വിഷു. നാടാകെ വിഷു ഒരുക്കങ്ങളുടെ തിരക്കിലാണ്. ഇന്ന് ഞായറാഴ്ചയാണെങ്കിലും വിഷുത്തലേന്നായതിനാൽ കച്ചവടസ്ഥാപനങ്ങളെല്ലാം തുറക്കും. വിഷുത്തലേന്ന് കച്ചവടം പൊടിപൊടിക്കുമെന്ന പ്രതീക്ഷയിലാണ് വ്യാപാരികൾ. പടക്കക്കടകളിൽ തിരക്ക് നേരത്തേ തുടങ്ങി. മുൻവർഷങ്ങളെ അപേക്ഷിച്ച് ഇത്തവണ വലിയ വിലക്കൂടുതൽ പടക്കങ്ങൾക്കില്ല. വിഷുസദ്യ ഒരുക്കാനുള്ള പച്ചക്കറികൾ വാങ്ങാൻ ആളുകൾ ഇന്ന് കൂടുതലായി എത്തുമെന്നാണ് ശക്തൻ നഗറിലെ പച്ചക്കറി വ്യാപാരികൾ ഉൾപ്പടെയുള്ളവർ പ്രതീക്ഷിക്കുന്നത്. പച്ചക്കറി വിലയിലും വലിയ കുതിപ്പ് ഇത്തവണയില്ല. പലയിടത്തും റെഡിമെയ്ഡ് വിഷുസദ്യകൾ വിഭവസമൃദ്ധമായ കറികളും പപ്പടവും പായസങ്ങളുമടക്കം വിതരണം ചെയ്യുന്നുണ്ട്. ഇത്തരം സദ്യകൾക്ക് വലിയ ഡിമാന്‍റാണ് ഇത്തവണ. കണിക്കൊന്നപ്പൂക്കൾ ഇന്നു പുലർച്ചെയോടെ വിഷുവിപണിയിലെത്തും. ഇന്നലെ വൈകുന്നേരത്തോടെ പൂത്തുലഞ്ഞു നിൽക്കുന്ന കൊന്നമരങ്ങളിൽനിന്ന് കൊന്നപ്പൂക്കൾ പറിച്ചെടുക്കാനുള്ള തിക്കും തിരക്കുമായിരുന്നു പലയിടത്തും. വിഷുവിന് പുതുവസ്ത്രങ്ങൾ വാങ്ങാൻ തുണിക്കടകളിലും തിരക്കനുഭവപ്പെടുന്നുണ്ട്.ഓണത്തിന്‍റെ ഉത്രാടപ്പാച്ചിൽ പോലെ ഇന്ന് വിഷുത്തലേന്നുള്ള പാച്ചിലിന്‍റെ ദിവസമാണ്. ഗുരുവായൂരിൽ വിഷുക്കണി ദർശനം പുലർച്ചെ 2.45 മുതൽ ഗുരുവായൂര്‍: ക്ഷേത്രത്തില്‍ വിഷുക്കണി ദര്‍ശനവും വിഷു വിളക്കും നാളെ നടക്കും. പുലര്‍ച്ചെ 2.45 മുതല്‍ 3.45 വരെയാണ് വിഷുക്കണി ദർശനം. മേല്‍ശാന്തി കാവപ്രമാറത്ത് അച്യുതൻ നമ്പൂതിരി പുലര്‍ച്ചെ രണ്ടിന് മുറിയില്‍ കണികണ്ടതിനുശേഷം തീര്‍ഥക്കുളത്തില്‍ കുളിച്ചെത്തി ശ്രീലക വാതില്‍ തുറന്ന് ഗുരുവായൂരപ്പനെ കണികാണിക്കും. തുടര്‍ന്നാണ് ഭക്തര്‍ക്ക് വിഷുക്കണി ദര്‍ശനം. ഇന്നു രാത്രി അത്താഴപ്പൂജക്ക് ശേഷം കീഴ്ശാന്തി നമ്പൂതിരിമാര്‍ ചേര്‍ന്ന് ക്ഷേത്ര മുഖമണ്ഡപത്തില്‍ കണി ഒരുക്കും. ഓട്ടുരുളിയില്‍ ഉണക്കലരി, പുതുവസ്ത്രം, ഗ്രന്ഥം, സ്വര്‍ണം, വാല്‍ക്കണ്ണാടി, കണിക്കൊന്ന, വെള്ളരി, ചക്ക, മാങ്ങ, പഴങ്ങള്‍, നാളികേരം എന്നിവയാണ് കണിക്കോപ്പുകൾ. നമസ്കാര മണ്ഡപത്തിലും കണി ഒരുക്കും. ഇത് ഭക്തർക്ക് കണികാണുന്നതിന് കൂടുതൽ സൗകര്യമാണ്. പുലര്‍ച്ചെ 2.15ന് മുഖമണ്ഡപത്തിലെ വിളക്കുകള്‍ തെളിയിക്കും. നാളികേരമുറിയില്‍ നെയ് വിളക്ക് തെളിയിച്ചശേഷം മേല്‍ശാന്തി ഗുരവായൂരപ്പനെ കണികാണിക്കും. തുടര്‍ന്ന് ഗുരുവായൂരപ്പന്‍റെ തങ്ക തിടമ്പ് സ്വര്‍ണ സിംഹാസനത്തില്‍ ആലവട്ടം, വെഞ്ചാമരം എന്നിവകൊണ്ട് അലങ്കരിച്ചുവയ്ക്കും. സിംഹാസനത്തിന് താഴെയായി ഓട്ടുരുളിയില്‍ ഒരുക്കിയ കണിക്കോപ്പുകളും വയ്ക്കും. തുടര്‍ന്നാണ് ഭക്തര്‍ക്ക് കണി ദര്‍ശനം. വിഷുപ്പുലരിയില്‍ കണ്ണനെ കണികണ്ട് അനുഗ്രഹം നേടാന്‍ ആയിരങ്ങളാണ് ഗുരുവായൂരിലെത്തുക. വർഷങ്ങളായി വിഷു ദിനത്തിൽ ചുറ്റുവിളക്ക് ലണ്ടനിലെ വ്യവസായിയായ തെക്കുമുറി ഹരിദാസിന്‍റെ വകയാണ്. ഹരിദസിന്‍റെ മരണശേഷവും അദ്ദേഹത്തിന്‍റെ വീട്ടുകാരാണ് വിളക്ക് നടത്തുന്നത്. ക്ഷേത്രത്തിൽ രാവിലെയും വൈകീട്ടും മേളത്തോടെയുള്ള കാഴ്ച ശീവേലിയും രാത്രി വിളക്കെഴുന്നെള്ളിപ്പുമാണ്. സന്ധ്യക്ക് തായമ്പകയും ഉണ്ടാവും. സ്വന്തം ലേഖകൻ

വിശ്വദീപ്തി തട്ടിപ്പ്: ഭരണസമിതിക്കെതിരേ ജീവനക്കാർ രംഗത്ത്

തൃശൂർ: വിശ്വദീപ്തി മൾട്ടി സ്റ്റേറ്റ് അഗ്രി കോ-ഓപറേറ്റീവ് സൊസൈറ്റി ലിമിറ്റഡിലെ നിക്ഷേപ തട്ടിപ്പിൽ പരാതിയുമായി ജീവനക്കാർ രംഗത്ത്. കേസിൽ ഭരണസമിതി അംഗങ്ങൾക്കു പകരം നിക്ഷേപകരെ ചേർത്തിയ തങ്ങളുടെ പേരിലാണ് പോലീസ് കേസ് രജിസ്റ്റർ ചെയ്തതെന്നും ഇത് ഒഴിവാക്കണമെന്നും ജീവനക്കാർ പറഞ്ഞു. മികച്ച ശന്പളവും ആനുകൂല്യങ്ങളും വാഗ്ദാനംചെയ്താണ് തങ്ങളെ ജോലിക്കു കയറിയത്. എന്നാൽ കഴിഞ്ഞ അഞ്ചു മാസത്തോളമായി ശന്പളംപോലും ലഭിച്ചിട്ടില്ല. ഇതിനിടെ നിക്ഷേപകർ പരാതികളുമായി വന്നപ്പോൾ, അതിനു ഉത്തരംപറയേണ്ടത് മാനേജ്മെന്‍റ് ആണെന്നും മറ്റുള്ളവർ പ്രതികരിക്കേണ്ടതില്ലെന്നും ബുദ്ധിമുട്ടുള്ളവർക്ക് പിരിഞ്ഞുപോകാമെന്നുമാണു ഭരണസമിതി അറിയിച്ചതെന്നും അവർ പറഞ്ഞു. നിലവിൽ കാർഷിക മേഖലയെ മുൻനിർത്തിയാണ് നിക്ഷേപങ്ങൾ സ്വീകരിച്ചത്. ഇതിനുപുറമെ കൊച്ചിയിൽ വലിയ കെട്ടിടസമുച്ചയം കാണിച്ചും അത് സൊസൈറ്റിയുടേതാണെന്ന് പറഞ്ഞും ഭരണസമിതി കബളിപ്പിക്കുകയായിരുന്നു. എന്നാൽ ഇതൊന്നും ഉൾക്കൊള്ളാൻ തയാറാകാതെ നിക്ഷേപകർ കോർ കമ്മിറ്റി ചേർന്ന് ജീവനക്കാരെ കേസുകളിൽ കുടുക്കുകയാണ്. അതേസമയം കേസുകളിൽപ്പെടാതെ ഭരണസമിതി സ്വതന്ത്രമായി നടക്കുകയാണ്. നിലവിൽ ഒരു ജീവനക്കാരിയെയാണ് റിമാൻഡ് ചെയ്തിരിക്കുന്നത്. നിക്ഷേപകർ തങ്ങളുടെ പേരിലല്ല, 11 അംഗ ഭരണസമിതിയുടെ പേരിലാകണം പരാതികൾ നൽകേണ്ടതെന്നും അവർ പറഞ്ഞു. പത്രസമ്മേളനത്തിൽ മുൻജീവനക്കാരായ ഫെബി ജോബി, വി. സ്വപ്‍ന, ജീവനക്കാരായ അബി ഫ്രാൻസിസ്, പി.ജെ. ജോഫി എന്നിവർ പങ്കെടുത്തു.

ഇന്ന് ഓശാന ഞായർ

തൃശൂർ: ക്രൈസ്തവരുടെ വലിയ നോന്പിലെ വലിയ ആഴ്ചയാചരണത്തിന് ഇന്ന് ഓശാനത്തിരുനാളോടെ തുടക്കം. യേശു‌ക്രിസ്തു ജറുസലേം ദേവാലയത്തിലേക്ക് കഴുതക്കുട്ടിയുടെ പുറത്ത് എഴുന്നള്ളിയപ്പോൾ വഴിയിൽ വസ്ത്രം വിരിച്ചും ഒലിവിലക്കന്പുകൾ വീശി ഓശാന‌പാടിയും ജനം വരവേറ്റതിന്‍റെ ഒാർമയാണ് ഒാശാനത്തിരുനാൾ. "കർത്താവേ, ഞങ്ങളെ രക്ഷിക്കണമേ'എന്നാണ് ഒാശാന എന്ന വാക്കിനർഥം. കേരള സഭയിൽ കുരുത്തോല പെരുന്നാൾ എന്നും ഒാശാന തിരുനാൾ അറിയപ്പെടുന്നുണ്ട്. കുരുത്തോല പ്രദക്ഷിണം എല്ലാ ദേവാലയങ്ങളിലും ഉണ്ടെങ്കിലും ചിലയിടങ്ങളിൽ മാത്രമാണ് ടാബ്ലോയും ദൃശ്യാവിഷ്കാരങ്ങളും അരങ്ങേറുക. വീടുകളിൽ ഉണ്ടാക്കുന്ന കൊഴുക്കട്ടയും പീച്ചംപൊടിയും ആണ് ഒാശാനതിരുനാളിന്‍റെ മുഖ്യപലഹാരം. അതുകൊണ്ടുതന്നെ കൊഴുക്കട്ട പെരുന്നാൾ എന്നും വിളിക്കാറുണ്ട്. വിശുദ്ധ വാരത്തിലെ ദിനങ്ങളെല്ലാം പ്രാർഥനയുടെയും ധ്യാനത്തിന്‍റെയും ഒരുക്കത്തിന്‍റെയും ദിനങ്ങളാണ്. ആണ്ടുകുന്പസാരവും ഈ ദിനങ്ങളിലെ പ്രത്യേകതയാണ്. വ്യാഴാഴ്ചയാണ് യേശുക്രിസ്തു വിശുദ്ധ കുർബാന സ്ഥാപിച്ച പെസഹ തിരുനാൾ. യേശുദേവൻ തന്‍റെ ശിഷ്യരുടെ പാദങ്ങൾ കഴുകി ചുംബിച്ചതിന്‍റെ ഒാർമയാചരണം കൂടിയാണിത്. പെസഹ എന്ന വാക്കിന്‍റെ അർഥം "കടന്നുപോകൽ' എന്നാണ്. പിറ്റേന്നാണ് യേശുക്രിസ്തുവിന്‍റെ കുരിശുമരണത്തിന്‍റെ സ്മരണയാചരിക്കുന്ന ദുഃഖവെള്ളി. 20 നാണു "തിരുനാളുകളുടെ തിരുനാൾ'എന്നറിയപ്പെടുന്ന ഈസ്റ്റർ.

ജബൽപുരിലെ ആക്രമണം: യൂത്ത് കോൺഗ്രസ് മാർച്ചിനുനേരേ ജലപീരങ്കി

തൃശൂർ: ജബൽപുരിൽ മലയാളി ക്രൈസ്തവ വൈദികരെ ആക്രമിച്ച സംഭവത്തിനെതിരേ യൂത്ത് കോൺഗ്രസ് കേന്ദ്രമന്ത്രി സുരേഷ് ഗോപിയുടെ ഓഫീസിലേക്കു നടത്തിയ പ്രതിഷേധമാർച്ചിനുനേരേ ജലപീരങ്കി പ്രയോഗിച്ച് പോലീസ്. മതന്യൂനപക്ഷങ്ങളെയും കേന്ദ്രസർക്കാരിനെ വിമർശിക്കുന്നവരെയും സംഘപരിവാർ സംഘടനകൾ ഭയപ്പെടുത്തി നിശബ്ദരാക്കുകയാണെന്നു പ്രതിഷേധമാർച്ച് ഉദ്ഘാടനം ചെയ്ത കെപിസിസി സെക്രട്ടറി എ. പ്രസാദ് പറഞ്ഞു. ക്രിസ്ത്യൻ സമുദായത്തിനെതിരായ ഓർഗനൈസറിലെ ലേഖനം വഖഫ് ബില്ലിനു ശേഷമുള്ള സർക്കാരിന്‍റെ അജൻഡയാണു കാണിക്കുന്നത്. സ്വന്തം ലോക്സഭാ മണ്ഡലത്തിലെ ഒരു വൈദികനെ സംഘപരിവാറുകാർ ക്രൂരമായി മർദിച്ചിട്ടും പ്രതികരിക്കാത്ത കേന്ദ്രമന്ത്രി ചോദ്യം ചോദിക്കുന്ന മാധ്യമപ്രവർത്തകരെ ഭീഷണിപ്പെടുത്തുകയാണെന്ന് പ്രസാദ് കുറ്റപ്പെടുത്തി. നിയോജകമണ്ഡലം പ്രസിഡന്‍റ് കെ. സുമേഷ് അധ്യക്ഷനായി. യൂത്ത് കോൺഗ്രസ് അഖിലേന്ത്യാ സെക്രട്ടറി വൈശാഖ് നാരായണസ്വാമി, സംസ്ഥാന വൈസ് പ്രസിഡന്‍റ് അഡ്വ. ഒ.ജെ. ജെനീഷ്, സംസ്ഥാന സെക്രട്ടറി നിഖിൽ ജി. കൃഷ്ണൻ തുടങ്ങിയവർ പ്രസംഗിച്ചു.

കനകമല കുരിശുമുടി മഹാതീര്‍ഥാടനം ഇന്ന്

കൊടകര: 86-ാമത് കനകമല കുരിശുമുടി നോമ്പുകാല തീര്‍ഥാടനത്തിന്‍റെ ഭാഗമായുള്ള മഹാതീര്‍ഥാടനം ഇന്ന് നടക്കും. വൈകുന്നേരം അഞ്ചിന് അടിവാരം ദേവാലയാങ്കണത്തില്‍ മഹാതീര്‍ഥാടനത്തിന്‍റെ ഭാഗമായി നടക്കുന്ന പൊതുസമ്മേളനം ഇരിങ്ങാലക്കുട രൂപത ബിഷപ് മാര്‍ പോളി കണ്ണൂക്കാടന്‍ ഉദ്ഘാടനം ചെയ്യും. വികാരി ജനറാള്‍ മോണ്‍. വില്‍സന്‍ ഈരത്തറ അധ്യക്ഷത വഹിക്കും. കൊടകര ഫൊറോന വികാരി ഫാ.ജെയസന്‍ കരിപ്പായി, റെക്ടര്‍ ഫാ. മനോജ് മേക്കാടത്ത് തുടങ്ങിയവര്‍ പങ്കെടുക്കും. തുടര്‍ന്ന് ബിഷപ്പിന്‍റെ നേതൃത്വത്തില്‍ നിരവധി വിശ്വാസികളുടെ അകമ്പടിയോടെ കുരിശുമുടിയിലേക്ക് പ്രാര്‍ഥനയാത്ര നടക്കും. രാത്രി ഏഴിന് കുരിശുമുടിയില്‍ നടക്കുന്ന ദിവ്യബലിക്കും തിരുക്കര്‍മങ്ങള്‍ക്കും ബിഷപ് മാര്‍ പോളി കണ്ണൂക്കാടന്‍ മുഖ്യകാര്‍മികത്വം വഹിക്കും. ക്രൈസ്തവ വിശ്വാസികള്‍ വിശുദ്ധ വാരമായി ഈ മാസം 13 മുതല്‍ 20 വരെയുള്ള ദിവസങ്ങളില്‍ ദിവസങ്ങളില്‍ കനകമല കുരിശുമുടി കയറാന്‍ കേരളത്തിന്‍റെ വിവിധ ഭാഗങ്ങളില്‍ നിന്നായി ആയിരങ്ങളാണ് എത്താറുള്ളത്. ഈ ദിവസങ്ങളില്‍ രാത്രി 12 വരെ വിശ്വാസികള്‍ക്ക് മലകയറാനുള്ള സൗകര്യം ഏര്‍പ്പെടുത്തിയിട്ടുള്ളതായി പിആര്‍ഒ ഷോജന്‍ ഡി. വിതയത്തില്‍ അറിയിച്ചു. വഴിവിളക്ക്, കുടിവെള്ളം, ഫസ്റ്റ് എയ്ഡ്, ആംബുലന്‍സ് സേവനം, വാഹന പാര്‍ക്കിംഗ് തുടങ്ങിയ സൗകര്യങ്ങളാണ് ഏര്‍പ്പെടുത്തിയിട്ടുള്ളത്. 27ന് നടക്കുന്ന വിശ്വാസ പ്രഖ്യാപന തിരുനാളോടുകൂടി കനകമല തീര്‍ഥാടനം സമാപിക്കും.

ആരോഗ്യ പരിശോധന കേന്ദ്രം സുരേഷ് ഗോപി ഉദ്ഘാടനം ചെയ്യും

തൃശൂർ: കല്യാണ്‍ സിൽക്സ് ചെയർമാനും മാനേജിംഗ് ഡയറക്ടറുമായ ടി.എസ്. പട്ടാഭിരാമന്‍റെ പത്നിയുടെ സ്മരണയ്ക്കായി രൂപീകരിച്ചിട്ടുള്ള ജാനകി പട്ടാഭിരാമൻ സ്മൃതി ട്രസ്റ്റിന്‍റെ സൗജന്യ ആരോഗ്യ പരിശോധനാ കേന്ദ്രം ഇന്ന് വൈകീട്ട് 3.30 ന് കേന്ദ്രമന്ത്രി സുരേഷ്ഗോപി ഉദ്ഘാടനം ചെയ്യും. മന്ത്രി കെ. രാജൻ, മേയർ എം.കെ. വർഗീസ്, പി. ബാലചന്ദ്രൻ എംഎൽഎ, കല്യാണ്‍ ജ്വല്ലേഴ്സ് എംഡി ടി.എസ്. കല്യാണരാമൻ തുടങ്ങിയവർ പങ്കെടുക്കുമെന്നും മാനേജിംഗ് ട്രസ്റ്റി ടി.എസ്. പട്ടാഭിരാമൻ അറിയിച്ചു. കല്യാണ്‍ ഗ്രൂപ്പ് സാരഥി ടി.കെ. സീതാരാമയ്യരുടേയും പത്നി എച്ച്.കെ. നാരായണിയമ്മാളുടേയും സ്മരണയ്ക്കായി പുഷ്പഗിരിയിൽ നിർമിച്ചിട്ടുള്ള കെട്ടിടത്തിൽ പ്രവർത്തിക്കുന്ന കേന്ദ്രം പ്രാരംഭഘട്ടത്തിൽ ആഴ്ചയിൽ രണ്ടുദിവസം പ്രവർത്തിക്കും. സൗജന്യ ചികിത്സയ്ക്കു പുറമേ സാന്പത്തികമായി പിന്നോക്കംനിൽക്കുന്ന മഞ്ഞ, റോസ് കാർഡ് ഉടമകൾക്ക് മരുന്നുകളും സൗജന്യമായി നൽകും.

ഭാഷാപ്രതിഭാ പുരസ്കാര സമർപ്പണം നടത്തി

തൃശൂർ: മലയാള അധ്യാപക ഫെഡറേഷന്‍റെ ആഭിമുഖ്യത്തിൽ സംഘടിപ്പിച്ച ഭാഷാപ്രതിഭാ പുരസ്കാര സമർപ്പണം മന്ത്രി കെ. രാജൻ ഉദ്ഘാടനംചെയ്തു. ജില്ലയിലെ മലയാളം പഠിക്കുന്നവരിൽ വിവിധമേഖലകളിൽ പ്രാഗത്ഭ്യം തെളിയിച്ച വിദ്യാർഥികൾക്കാണ് പുരസ്കാരം സമ്മാനിച്ചത്. ഫെഡറേഷൻ സംസ്ഥാന പ്രസിഡന്‍റ് സി.ബി. ജിഷ അധ്യക്ഷത വഹിച്ചു. സംസ്ഥാന സെക്രട്ടറി പി.കെ. ഫിലിപ്പ്, മലയാള ഐക്യവേദി സംസ്ഥാന സെക്രട്ടറി ഹരികുമാർ, സി.വി. സ്വപ്ന, ടി.ജെ. ലെയ്സണ്‍, ജയകുമാർ പാറപ്പുറത്ത്, വി.യു. ശ്രീകാന്ത് തുടങ്ങിയവർ പ്രസംഗിച്ചു. ചടങ്ങിൽ മലയാളം പഠിക്കുന്നവർക്ക് സ്കോളർഷിപ് ഏർപ്പെടുത്തി പ്രോത്സാഹനം നൽകണമെന്ന് ആവശ്യപ്പെട്ട് വിദ്യർഥികൾ മന്ത്രിക്ക് നിവേദനം സമർപ്പിച്ചു. സംവാദവും ഉണ്ടായിരുന്നു.

കൃഷിനശിപ്പിക്കുന്ന 17 പന്നികളെ വെടിവച്ചുകൊന്നു

അവണൂര്‍: ഗ്രാമപഞ്ചായത്തിലെ ജനവാസമേഖലയില്‍ കൃഷിനശിപ്പിക്കുന്ന കാട്ടുപന്നികളെ അംഗീകൃത ഷൂട്ടര്‍ സംഘം വെടിവച്ചു കൊന്നു. 20 അംഗ വേട്ടസംഘം ഇന്നലെ പുലര്‍ച്ചെ മുതല്‍ വൈകീട്ട് 6.30വരെ നടത്തിയ വേട്ടയില്‍ 17 പന്നികളെയാണു വെടിവച്ചുകൊന്നത്. ആറു വേട്ടപ്പട്ടികളുമായാണു സംഘം എത്തിയത്. ചത്ത പന്നികളെ തങ്ങാല്ലൂരിലെ ഒഴിഞ്ഞ പറമ്പില്‍ സംസ്കരിച്ചു.

ഡോ. ബി.ആർ. അംബേദ്കർ സമ്മാൻ അഭിയാൻ സംസ്ഥാനതല ശില്പശാല

തൃശൂർ: ഭരണഘടന ശില്പി ബാബാ സാഹേബ് അംബേദ്കർ പാർലമെന്‍റിൽ എത്താതിരിക്കാൻ കുടില തന്ത്രങ്ങൾ മെനഞ്ഞത് നെഹ്റുവും കമ്യൂണിസ്റ്റുകളും ആയിരുന്നുവെന്നും ഭരണഘടനയോടു നീതി പുലർത്താത്തത് കോൺഗ്രസ് ആണെന്നും കർണാടക മുൻ വിദ്യാഭ്യാസമന്ത്രി എൻ. മഹേഷ്. നമോ ഭവനിൽ നടന്ന ഡോ. ബി.ആർ. അംബേദ്കർ സമ്മാൻ അഭിയാൻ സംസ്ഥാനതല ശില്പശാലയിൽ മുഖ്യപ്രഭാഷണം നടത്തുകയായിരുന്നു അദ്ദേഹം. ഭരണഘടന ശില്പിയുടെ പേരിൽ ഒരൊറ്റ സ്മാരകംപോലും സ്ഥാപിക്കാതിരുന്നവരാണ് ബിജെപിയെ ഭരണഘടന പഠിപ്പിക്കാൻ ശ്രമിക്കുന്നതെന്നും അദ്ദേഹം കുറ്റപ്പെടുത്തി. ബിജെപി മുൻ സംസ്ഥാന അധ്യക്ഷൻ കെ. സുരേന്ദ്രൻ ഉദ്ഘാടനം നിർവഹിച്ചു. എസ്‌സി മോർച്ച സംസ്ഥാന പ്രസിഡന്‍റ് ഷാജുമോൻ വട്ടേക്കാട്, മുൻ സംസ്ഥാന സെക്രട്ടറി പന്തളം പ്രതാപൻ, അനന്തപത്മനാഭൻ എന്നിവർ പ്രസംഗിച്ചു.

ലഹരിവിമുക്തി ചികിത്സാകേന്ദ്രവും ലഹരിക്കെതിരേയുള്ള വിമോചനസമരവും

തൃശൂർ: ജില്ലാ സഹകരണ ആശുപത്രിയിൽ ലഹരിവിമുക്തി ചികിത്സാകേന്ദ്രവും ലഹരിക്കെതിരേയുള്ള വിമോചനസമരവും കേരള ആരോഗ്യ സർവകലാശാല വൈസ് ചാൻസലർ ഡോ. മോഹനൻ കുന്നുമ്മൽ ഉദ്ഘാടനം ചെയ്തു. ആശുപത്രി പ്രസിഡന്‍റ് ടി.കെ. പൊറിഞ്ചു, വൈസ് പ്രസിഡന്‍റ് ഇ. സത്യഭാമ, ഡയറക്ടർ പി.ബി. മൊയ്തു, മെഡിക്കൽ സൂപ്രണ്ട് ഡോ.കെ. രാമദാസ്, ഡോ. വിപിൻ ജോർജ്, ഡോ. നിധിൻ മുരളി, ഡോ. ഗീതു രാമദാസ്, ഡോ. ഹണി ചാക്കോ എന്നിവർ പ്രസംഗിച്ചു.

വരവൂർ അറവുമാലിന്യ പ്ലാന്‍റിനെതിരേ പ്രതിഷേധം ; നാട്ടുകാരും പോലീസും തമ്മിൽ സംഘർഷം

എരുമപ്പെട്ടി: വരവൂർ തളിയിലെ അറവുമാലിന്യ പ്ലാന്‍റിനെതിരേ കഴിഞ്ഞദിവസം രാത്രിയിൽ നടന്ന പ്രതിഷേധം നാട്ടുകാരും പോലീസുമായുള്ള സംഘർഷത്തിൽ കലാശിച്ചു. പോലീസ് ലാത്തിവീശി. പോലീസ് അകാരണമായി മർദിച്ചതിൽ പ്രതിഷേധിച്ച് സ്ത്രീകളും കുട്ടികളും ഉൾപ്പടെയുള്ളവർ പോലീസ് വാഹനത്തിനുമുന്നിൽ കുത്തിയിരിപ്പുനടത്തി. തളി നടുവട്ടത്ത് പ്രവർത്തനമാരംഭിച്ച അറവുമാലിന്യ സംഭരണ പ്ലാന്‍റിനെതിരേ ആക്ഷൻ കൗൺസിലിന്‍റെ നേതൃത്വത്തിൽ സമരം നടക്കുന്നുണ്ട്. ഇന്നലെ രാത്രിയിൽ രൂക്ഷമായ ദുർഗന്ധം അനുഭവപ്പെട്ടതിനെ തുടർന്നാണ് പരിസരവാസികളായ വനിതകളും കുട്ടികളും ഉൾപ്പടെയുള്ളവർ പ്രതിഷേധവുമായി പ്രദേശത്ത് സംഘടിച്ചത്. പ്ലാന്‍റിലേക്ക് അറവുമാലിന്യവുമായിവരുന്ന വാഹനം തടയുകയെന്ന ലക്ഷ്യത്തോടെ നാട്ടുകാർ റോഡിൽ നിലയുറപ്പിച്ചു. ഇതിനിടയിൽ എരുമപ്പെട്ടി ഇൻസ്പെക്ടർ അശ്വനിയുടെ നേതൃത്വത്തിൽ പോലീസ് സ്ഥലത്തെത്തി. വീട്ടമ്മമാർ പോലീസുമായി സംസാരിക്കാൻ ശ്രമിച്ചപ്പോഴാണ് സംഘർഷമുണ്ടായത്. പരാതി ഉന്നയിക്കാനെത്തിയ നാട്ടുകാരെ പോലീസ് വാഹനം തടഞ്ഞുവെന്ന് ആരോപിച്ച് അകാരണമായി മർദിക്കുകയായിരുന്നുവെന്ന് നാട്ടുകാർ പറയുന്നു. ലാത്തികൊണ്ടുള്ള അടിയും കുത്തുമേറ്റ് സ്ത്രീകളും സമരസമിതി നേതാക്കളും ഉൾപ്പടെ നിരവധിപേർക്ക് പരിക്കുപറ്റി. പ്രകോപിതരായ നാട്ടുകാർ പോലീസ് വാഹനം തടയുകയും പോലീസുമായി രൂക്ഷമായ വാക്കേറ്റവും ഉന്തും തള്ളും നടന്നു. പിന്നീട് സമരസമിതി നേതാക്കൾ ഇടപ്പെട്ടാണ് രംഗം ശാന്തമാക്കിയത്. പോലീസ് അകാരണമായി പ്രകോപനം സൃഷ്ടിക്കുകയായിരുന്നുവെന്ന് സമരസമിതി നേതാക്കൾ ആരോപിച്ചു. ഏകപക്ഷീയമായ പോലീസ് നടപടിക്കെതിരെ ഉന്നത ഉദ്യോഗസ്ഥർക്കും ഇൻസ്പെക്ടർ അശ്വനിക്കെതിരേ പോലീസ് കംപ്ലയിന്‍റ് അഥോറിറ്റിക്കും പരാതിനൽകുമെന്നും പ്രതിഷേധപരിപാടികൾ സംഘടിപ്പിക്കുമെന്നും നേതാക്കൾ പറഞ്ഞു.

അനധികൃതമായി മാലിന്യം കുഴിച്ചുമൂടി: കോൺഗ്രസ് പ്രതിഷേധം

ഒല്ലൂർ: പുതിയ ഒല്ലൂർ സോണൽ ഓഫിസ് കെട്ടിടം വ്യാഴാഴ്ച ഉദ്ഘാടനം ചെയ്യാനിരിക്കെ കോർപറേഷനിലെയും സമീപപ്രദേശങ്ങളിലെയും മാലിന്യം അനധികൃതമായി ഒല്ലൂർ സോണൽ ഓഫീസിനു സമീപം കുഴിച്ചുമൂടിയതിനെതിരെ കോൺഗ്രസ് പ്രവർത്തകർ പ്രതിഷേധിച്ചു. കോൺഗ്രസിന്‍റെ പ്രതിഷേധത്തെ തുടർന്ന് സോണൽ ഓഫീസ് കോമ്പൗണ്ട് പരിസരവും സമീപത്തെ തണ്ണീർത്തടവും മാലിന്യം ഉപയോഗിച്ച് നികത്തുന്നത് തടഞ്ഞു. പ്രതിഷേധത്തെ തുടർന്ന് കോർപറേഷന്‍റെ നേതൃത്വതിൽ പ്ലാസ്റ്റിക് മാലിന്യങ്ങൾ നീക്കംചെയ്തു. കോൺഗ്രസ് നേതാക്കളായ അഡ്വ. ഷാജി കോടങ്കണ്ടത്ത്, സജീവൻ കുരിയച്ചിറ, ശശി പോട്ടയിൽ, ആനന്ദ് മൊയലൻ, സന്ദീപ് സഹദേവൻ, രാജീവ് മങ്ങാട്ട് എന്നിവർ നേതൃത്വംനൽകി.

കത്തോലിക്ക കോൺഗ്രസ് പ്രവർത്തകർ സന്ദർശിച്ചു

കുട്ടനെല്ലൂർ: മധ്യപ്രദേശിലെ ജബൽപുരിൽ ഹിന്ദുത്വ തീവ്രവാദികളുടെ അക്രമത്തിനിരയായ ഫാ. ഡേവിസ് ജോർജ് തേറാട്ടിലിന്‍റെ സഹോദരൻ ജോബിയുടെ വീട് കത്തോലിക്ക കോൺഗ്രസ് പ്രവർത്തകർ സന്ദർശിച്ചു. പടവരാട് സെന്‍റ് തോമസ് പള്ളിയിലെ കത്തോലിക്കാ കോൺഗ്രസ് പ്രവർത്തകരാണ് സന്ദർശനംനടത്തി പിന്തുണ വാഗ്ദാനംചെയ്തത്. വികാരി ഫാ. സെബി ചിറ്റിലപ്പിള്ളി, കൈക്കാരൻ ജോഷി പൊട്ടക്കൽ, കത്തോലിക്ക കോൺഗ്രസ് പ്രസിഡന്‍റ് ഡെന്നി കണ്ടനാടൻ, വൈസ് പ്രസിഡന്‍റ് ജോയ് ചെമ്മണ്ട, സെക്രട്ടറി ടോണി എടത്തുരുത്തിക്കാരൻ, രൂപത കൗൺസിൽ അംഗം പ്രഫ.വി.എ. വർഗീസ് എന്നിവർ സംഘത്തിലുണ്ടായിരുന്നു.

ഓട്ടോറിക്ഷയിൽ ഗുഡ്സ് വണ്ടിയിടിച്ച് ഗ്യാസ് ചോർന്നതു പരിഭ്രാന്തിക്കിടയാക്കി

എരുമപ്പെട്ടി: കടങ്ങോട് മുക്കിലപീടികയ്ക്ക് സമീപം ഓട്ടോറിക്ഷയിൽ ഗുഡ്സ് വണ്ടിയിടിച്ച് അപകടം. ഓട്ടോറിക്ഷയിൽനിന്ന് ഗ്യാസ് ചോർന്നത് പരിഭ്രാന്തിക്കിടയാക്കി. കുന്നംകുളത്തുനിന്ന് ഫയർഫോഴ്സെത്തി ഗ്യാസ് ചോർച്ച തടഞ്ഞു. ഇന്നലെ ഉച്ചയോടെ മുക്കിലപീടിക കയറ്റത്തിലാണ് അപകടമുണ്ടായത്. പഴഞ്ഞി അയിനൂരിൽനിന്ന് എരുമപ്പെട്ടിയിലേക്ക് വരുകയായിരുന്ന സിഎൻജി ഓട്ടോറിക്ഷയിൽ എതിർദിശയിൽനിന്നുവന്ന ഗുഡ്സ് വാഹനമിടിക്കുകയായിരുന്നു. ഗുഡ്സ് വാഹനം ദിശമാറി സഞ്ചരിച്ചാണ് അപകടമുണ്ടായത്. അപകടത്തിൽ ഓട്ടോറിക്ഷ ഡ്രൈവർ അയിനൂർ കിഴക്കൂട്ട് വീട്ടിൽ ജയന്(49) പരിക്കേറ്റു. ഇയാളെ എരുമപ്പെട്ടി ആക്ട്സ് പ്രവർത്തകർ കുന്നംകുളം സ്വകാര്യാശുപത്രിയിൽ പ്രവേശിപ്പിച്ചു. അപകടത്തെത്തുടർന്ന് ഓട്ടോറിക്ഷയിൽനിന്ന് ഇന്ധനമായ സിഎൻജി ഗ്യാസ് ചോർന്നത് പരിഭ്രാന്തിപരത്തി. കുന്നംകുളത്തുനിന്ന് ഫയർഫോഴ്സും എരുമപ്പെട്ടി പോലീസും സ്ഥലത്തെത്തി. പരസ്പരം കുരുങ്ങിക്കിടന്നിരുന്ന വാഹനങ്ങൾ തള്ളിമാറ്റി. തുടർന്ന് ഫയർഫോഴ്സ് ഗ്യാസ് ചോർച്ചയടച്ചു. ഫയർ ആൻഡ് റെസ്ക്യൂ ഓഫീസർമാരായ വി. കണ്ണദാസ്, പി. പവിത്രൻ, എസ്. വിബിൻ, എം. റഫീക്ക്, ഗോഡ്സൺ ആൽബർട്ട്, വിഷ്ണുദാസ്, പോലീസ് ഓഫീസർമാരായ അജി പനയ്ക്കൽ, അഭിലാഷ് എന്നിവർ രക്ഷാപ്രവർത്തനത്തിന് നേതൃത്വംനൽകി.

ട്രാഫിക് പോലീസില്ല; കാഞ്ഞാണിയിൽ ഗതാഗതക്കുരുക്ക് രൂക്ഷം

കാഞ്ഞാണി: തൃശൂർ - വാടാനപ്പള്ളി സംസ്ഥാനപാത കടന്നുപോകുന്ന കാഞ്ഞാണിയിൽ ഗതാഗതക്കുരുക്ക് രൂക്ഷം. ഇവിടെ ട്രാഫിക് നിയന്ത്രിച്ചിരുന്ന ഹോംഗാർഡിനെ മാറ്റിയതാണ് പ്രശ്നം രൂക്ഷമാക്കിയത്. രാവിലെയും വൈകീട്ടും പലപ്പോഴും വാഹനങ്ങളുടെ നീണ്ടനിര കിലോമീറ്ററുകളോളം വരും. ഇതുമൂലം ജോലിക്ക് പോകുന്നവരാണ് കൂടുതൽ ദുരിതംനേരിടുന്നത്. ആംബുലൻസുകളും ഗതാഗതക്കുരുക്കിൽ പെടുന്നതും പതിവാണ്. ട്രാഫിക് പോലീസില്ലാത്തതിനാൽ ബസ് ജീവനക്കാർ ഗതാഗതനിയന്ത്രണം ഏറ്റെടുക്കുന്ന അവസ്ഥയുമുണ്ട്. അന്തിക്കാട് - പെരിങ്ങോട്ടുകര റോഡും ഏനാമാവ് - ഗുരുവായൂർ റോഡും ഒത്തുചേരുന്നതാണ് കാഞ്ഞാണി സെന്‍റർ. കാഞ്ഞാണി ജംഗ്ഷനിൽ ഹോം ഗാർഡിനെയും ആവശ്യമുള്ള പോലീസിനെയും വിന്യസിച്ച് ഗതാഗതക്കുരുക്ക് ഒഴിവാക്കാനുള്ള നടപടി സ്വീകരിക്കണമെന്ന് മണലൂർ മണ്ഡലം കോൺഗ്രസ് പ്രസിഡന്‍റ് എം.വി. അരുൺ ആവശ്യപ്പെട്ടു.

മുപ്പിട്ടു ഞായർ തിരുനാൾ ഇന്ന് ആഘോഷിക്കും

പാലയൂർ: മാർ തോമ മേജർ ആർക്കിഎപ്പിസ്കോപ്പൽ തീർഥകേന്ദ്രത്തിൽ മാർ തോമാശ്ലീഹായുടെ മുപ്പിട്ടു ഞായർ തിരുനാളും ഓശാന ഞായറും ഇന്ന് സംയുക്തമായി ആഘോഷിക്കും. ഇന്നലെനടന്ന തിരുകർമങ്ങൾക്കും തിരുസ്വരൂപം എഴുന്നള്ളിച്ചുവയ്ക്കലിനും ആർച്ച്പ്രിസ്റ്റ് റവ.ഡോ. ഡേവിസ് കണ്ണമ്പുഴ, ഫാ. ക്ലിന്‍റ് പാണേങ്ങാടൻ എന്നിവർ കാർ മികരായിരുന്നു. ഇന്നുരാവിലെ 6.30ന് തളിയക്കുളം കപ്പേളയിൽ കുരുത്തോല വെഞ്ചരിപ്പ് വിതരണം, പള്ളിയിലേക്ക് പ്രദക്ഷിണം തുടർന്ന് ആഘോഷമായ ദിവ്യബലി. 8.30ന് നേർച്ചക്കഞ്ഞി വിതരണം, കുട്ടികളുടെ ചോറൂണ്. 10ന് വിശുദ്ധ കുർബാന. ഉച്ചകഴിഞ്ഞ് മൂന്നിന് തളിയക്കുളം കപ്പേളയിൽ സമൂഹമാമോദീസ, ദിവ്യബലി, പ്രദക്ഷിണം. 5.30ന് വിശുദ്ധ കുർബന.

ക്ഷേത്ര നടപ്പുരയിൽ വീഡിയോ ചിത്രീകരണം: ജസ്ന സലീമിനെതിരേ കേസ്

ഗുരുവായൂർ: ഹൈക്കോടതി ഉത്തരവുലംഘിച്ച് കിഴക്കേനടപ്പുരയിൽനിന്ന് വീഡിയോ ചിത്രീകരിച്ച് പ്രചരിപ്പിച്ചതിന് കൊയിലാണ്ടി സ്വദേശി ജസ്ന സലീമിനെതിരെ ഗുരുവായൂർ ടെമ്പിൾ പോലീസ് കേസെടുത്തു. ഗുരുവായൂർ ദേവസ്വം ഡെപ്യൂട്ടി അഡ്മിനിസ്ട്രേറ്റർ രാധിക ശശികുമാർ നൽകിയ പരാതിയിലാണ് കേസ്. പ്രകോപനം ഉണ്ടാക്കി കലാപം സൃഷ്ടിക്കാനുള്ള ശ്രമം, വീഡിയോ പ്രചരിപ്പിച്ചതിന്, ഹൈക്കോടതി ഉത്തരവ് ലംഘനം, ആചാരലംഘനം എന്നിവയ്ക്കാണ് കേസെടുത്തത്. കിഴക്കേനടയിലെ ദീപസ്തംഭത്തിന് സമീപത്തെ ഇ ഭണ്ഡാരത്തിലുള്ള കൃഷ്ണവിഗ്രഹത്തിൽ മാലയിടുന്ന വീഡിയോ എടുത്ത് പ്രചരിപ്പിച്ചതായാണ് കേസ്. നേരത്തെ ജസ്ന സലീം അഷ്ടമിരോഹിണി ദിവസം ക്ഷേത്രപരിസരത്ത് കേക്ക് മുറിച്ചതും വിവാദമായിരുന്നു. ഈ സംഭവം ഹൈക്കോടതിയിൽ എത്തിയതിനെത്തുടർന്ന് ക്ഷേത്രനടപ്പന്തലിൽ വിഡിയോ ചിത്രീകരണത്തിന് നിയന്ത്രണമേർപ്പെടുത്തി. ഗുരുവായൂർ എസിപി ടി.എസ്. സിനോജിന്‍റെ നിർദേശപ്രകാരം ടെമ്പിൾ എസ്ഐ പ്രീത ബാബുവാണ് കേസെടുത്തത്.

വൈദികർക്കു മർദനം‌: കോടന്നൂർ ഇടവക പ്രതിഷേധിച്ചു

കോടന്നൂർ: ജബൽപുരിൽ വൈദികർക്കു മർദനമേറ്റ സംഭവത്തിൽ കോടന്നൂർ സെന്‍റ് ആന്‍റണീസ് പള്ളി പൊതുയോഗവും പ്രതിനിധി യോഗവും പ്രതിഷേധിച്ചു. ഒറീസയിലെ ബെർഹാംപൂർ രൂപതയിലെ ലൂർദ് മാത പള്ളിയിൽ പോലീസ് പ്രവേശിച്ചു വികാരിയച്ചനെയും സഹവികാരിയെയും മർദിച്ചതിൽ കോടന്നൂർ പള്ളി വികാരി ഫാ. ആന്‍റണി ആലുക്ക പ്രതിഷേധിച്ചു. പ്രമേയം അവതരിപ്പിച്ചു. കത്തോലികർക്കുനേരെയുള്ള ആക്രമണങ്ങളിൽ പ്രതിഷേധിച്ചു നടത്തുകൈക്കാരൻ സന്തോഷ് മാടവന, പ്രതിനിധി യോഗം സെക്രട്ടറി ഷിബി ജോസഫ്, കേന്ദ്ര സമിതി കൺവീനർ ആന്‍റണി തറയിൽ, ജൂബിലി കൺവീനർ സിജോ മാസ്റ്റർ എന്നിവർ പ്രസംഗിച്ചു.

കത്തോലിക്ക കോൺഗ്രസ് പ്രതിഷേധിച്ചു

പറപ്പൂർ: ക്രൈസ്തവ സഭയ്ക്കും ക്രൈസ്തവവിശ്വാസത്തിനുമെതിരേ നടക്കുന്ന ആക്രമണങ്ങൾക്കെതിരേ പറപ്പൂർ സെന്‍റ് ജോൺ നെപുംസ്യാൻ ഫെറോന ദേവാലയത്തിലെ കത്തോലിക്ക കോൺഗ്രസ് സംഘടന പ്രതിഷേധിച്ചു. ജബൽപുരിൽ വൈദികനുനേരെയുണ്ടായ ആക്രമണം ഇന്ത്യയിലെ ഭരണഘടന ഉറപ്പുനൽകുന്ന മതസ്വാതന്ത്ര്യത്തെ ഇല്ലാതാക്കുന്ന നടപടിയാണെന്ന് പ്രതിഷേധസംഗമം ഉദ്ഘാടനംചെയ്ത് വികാരി ഫാ. സെബി പുത്തൂർ പറഞ്ഞു. അസി. വികാരി ക്രിസ്റ്റോ മഞ്ഞളി, ട്രസ്റ്റിമാരായ പി.ആർ. ജോസഫ്, ഫ്രാൻസിസ് നീലങ്കാവിൽ, സി.വി. ഇനാശു, പി.വി. ജോസ്, കത്തോലിക്ക കോൺഗ്രസ് പ്രസിഡന്‍റ് പി.ഡി. ടോണി എന്നിവർ സംസാരിച്ചു.

പറവട്ടാനി വിമലനാഥ ഇടവകയിൽ ലഹരിക്കെതിരേ പ്രതിജ്ഞയും സന്ദേശവും

പറവട്ടാനി: വിമലനാഥ ഇടവകയിലെ ഭക്തസംഘടന എകോപന സമിതിയുടെ നേതൃത്വത്തിൽ ലഹരിക്കെതിരേ പ്രതിജ്ഞയും സന്ദേശവും റവ. ഡോ. റോയി മൂക്കൻ ഉദ്ഘാടനം ചെയ്തു. എകോപന സമിതി പ്രസിഡന്‍റും കത്തോലിക്ക കോൺഗ്രസ് പ്രസിഡന്‍റുമായ സി.ജെ. ജെയിംസ് അധ്യക്ഷത വഹിച്ചു. ഡെപ്യൂട്ടി മേയർ എം.എൽ. റോസി, ട്രസ്റ്റി ഡോ. ജോസഫ് ജേക്കബ്, ഷാജു കോട്ടപറമ്പിൽ, കേന്ദ്ര സമിതി പ്രസിഡന്‍റ് സേവ്യർ കണ്ണനായ്ക്കൽ, പാസ്റ്റർ കൗൺസിൽ അംഗം വിൻസെന്‍റ് നെല്ലിശേരി, എൽസി പോൾ, കെ.എൽ. ജോഷി, ആന്‍റണി കൊഴുക്കുള്ളി, ജോജോ ചേർപ്പ് ക്കാരൻ, പി.സി. കുരിയപ്പൻ, ജെസി പടവൻ എന്നിവർ നേതൃത്വം നൽകി. തൃശൂർ അതിരൂപത കത്തോലിക്ക കോൺഗ്രസ് യൂത്ത് കൗൺസിലർ സെബാസ്റ്റ്യൻ നടയ്ക്കലാൻ നന്ദി പറഞ്ഞു.

മായന്നൂർകാവ് താലപ്പൊലി ഇന്ന്: ആവേശത്തിൽ ദേശങ്ങൾ

ചേലക്കര: മായന്നൂർ ശ്രീകുറുമ്പ ഭഗവതിക്ഷേത്രത്തിലെ തിരുവുത്സവ താലപ്പൊലി ഇന്ന് ആഘോഷിക്കും. മായന്നൂർ, കൊണ്ടാഴി എന്നീ ദേശങ്ങളാണ് താലപ്പൊലി മഹോത്സവത്തിന്‍റെ സംഘാടകർ. കൊണ്ടാഴി ദേശത്തിനായി കോലമേന്തുന്ന ചെറുപ്പളശേരി അനന്തപത്മനാഭനുൾപ്പെടെ അഞ്ചു ഗജവീരന്മാർ എഴുന്നള്ളത്തിനായി അണിനിരക്കും. കുനിശേരി അനിയന്‌‌ മാരാർ പഞ്ചവാദ്യത്തിന് പ്രമാണംവഹിക്കും. ഉച്ചയ്ക്ക് രണ്ടുമണിക്ക് തൃത്തംതളി ക്ഷേത്രത്തിൽനിന്നു എഴുന്നള്ളത്ത് ആരംഭിക്കും. വൈകിട്ട് ആറിന് കൂട്ടി എഴുന്നള്ളിപ്പിനെ തുടർന്ന് പഞ്ചവാദ്യവും മേളവും നടക്കും. രാത്രി 8.30ന് വെടിക്കെട്ട്. ഇന്നലെ ആനച്ചമയ പ്രദർശനംനടന്നു. ഒരുക്കങ്ങൾ വിലയിരുത്തി മായന്നൂർ: ശ്രീകുറുന്പക്കാവ് താലപ്പെലി ആഘോഷം ഇന്ന്. ആഘോഷത്തിന്‍റെ അവസാനഘട്ട ഒരുക്കങ്ങൾ യു.ആർ. പ്രദീപ് എംഎൽഎയുടെ നേതൃത്വത്തിൽ വിലയിരുത്തി. യോഗത്തില്‌ കൊണ്ടാഴി ഗ്രാമപഞ്ചായത്ത് പ്രസിഡന്‍റ് കെ. ശശിധരൻ, പഴയന്നൂർ ബ്ലോക്ക് പഞ്ചായത്ത് വൈസ് പ്രസിഡന്‍റ് പി. പ്രശാന്തി, കുന്നംകുളം അസിസ്റ്റന്‍റ് കമ്മീഷണർ ഓഫ് പോലീസ് സി.ആർ. സന്തോഷ്, തലപ്പിള്ളി തഹസിൽദാർ എം.ആർ. രാജേഷ്, മായന്നൂർ താലപ്പൊലി ദേശക്കമ്മിറ്റി സെക്രട്ടറി വിമൽകുമാർ, കൊണ്ടാഴി താലപ്പൊലി ദേശക്കമ്മിറ്റി പ്രസിഡന്‍റ് എം.പി. മുളീധരൻ, ക്ഷേത്ര ഉപദേശകസമിതി പ്രസിഡന്‍റ് നാരായണൻ സംസാരിച്ചു.

ക്ഷേത്രത്തിന്‍റെ ഭണ്ഡാരംതകർത്ത് മോഷണം; മോഷ്ടാവിന്‍റെ ദൃശ്യങ്ങൾ സിസിടിവി കാമറയിൽ

വാടാനപ്പിള്ളി: നടുവിൽക്കരയിൽ ക്ഷേത്രഭണ്ഡാരത്തിന്‍റെ പൂട്ടുപൊളിച്ച് മോഷണം. തെക്കേ റേഷൻകടയ്ക്ക് കിഴക്ക് പുഴയോരത്തെ വന്നേരി കുടുംബക്ഷേത്രത്തിലായിരുന്നു കഴിഞ്ഞദിവസം രാത്രി മോഷണംനടന്നത്. മതിൽച്ചാടി അകത്തുകയറിയ മോഷ്ടാവ് ക്ഷേത്രത്തിലെ രണ്ട് ഭണ്ഡാരങ്ങളാണ് പൊളിച്ച് പണംകവർന്നത്. മോഷ്ടാവ് വരുന്നതും മതിൽ ചാടുന്നതും പണംകവർന്ന് പോകുന്നതും സമീപത്തു സ്ഥാപിച്ചിരുന്ന സിസിടിവി കാമറയിൽ പതിഞ്ഞിട്ടുണ്ട്. മുമ്പും പലതവണ മോഷണം നടന്നിരുന്നു. ഇതോടെയാണ് മോഷ്ടാവിനെ കണ്ടെത്താൻ ക്ഷേത്രത്തിന് സമീപം സിസിടിവി കാമറ സ്ഥാപിച്ചത്. വാടാനപ്പിള്ളി പോലീസിൽ പരാതിനൽകി.

ചേതനയിൽ ദ്വിദിനക്യാന്പ് സമാപിച്ചു

തൃശൂർ: ചിയ്യാരത്തുള്ള ചേതന കോളജിൽ എൻഎസ്എസ് ദ്വിദിന ക്യാമ്പ് സമാപിച്ചു. വൈസ് പ്രിൻസിപ്പൽ വി. രന്യ ഉദ്ഘാടനം ചെയ്തു. പ്രോഗ്രാം ഓഫീസർ വി.പി. അമൃത, അഡ്മിനിസ്ട്രേറ്റർ ടോണി, ഫിലിം ഡിപ്പാർട്ട്മെന്‍റ് ഹെഡ് സൂര്യ സോമൻ, ഗ്രാഫിക് ഡിസൈൻ ആൻഡ് അനിമേഷൻ ഹെഡ് കെ.എം. ആതിര എന്നിവർ പങ്കെടുത്തു. ഡോൺ ഡൊമിനിക് (മതിലകം ആർജിഎസ്എ ബ്ലോക്ക് കോ-ഓഡിനേറ്റർ), അഡ്വ. ഡെസ്‌സ്റ്റിൻ ജോ എന്നിവർ ക്ലാസെടുത്തു.

സാഗരതീരം ക്ലീൻ; നീക്കിയത് 1300 കിലോ മാലിന്യം

ചാവക്കാട്: ശുചിത്വസാഗരം സുന്ദരതീരം ഏകദിന പ്ലാസ്റ്റിക് നിർമാർജന യജ്ഞത്തിന്‍റെ ഭാഗമായി ചാവക്കാട് നഗരസഭയിലെ ബ്ലാങ്ങാട് ബീച്ച്, പുത്തൻകടപ്പുറം, ചെങ്കോട്ട ബീച്ച് എന്നീ മൂന്ന് ബീച്ചുകളിലെ മാലിന്യം നീക്കി. ബ്ലാങ്ങാട് ബീച്ചിൽ എൻ.കെ. അക്ബർ എംഎൽഎ ഉദ്ഘാടനം ചെയ്തു. നഗരസഭ ചെയർപേഴ്സൺ ഷീജ പ്രശാന്ത് അധ്യക്ഷതവഹിച്ചു. പുത്തൻ കടപ്പുറം ബീച്ചിൽ നഗരസഭ വൈസ് ചെയർമാൻ കെ.കെ. മുബാറക്ക് ഉദ്ഘാടനംചെയ്തു. ചെങ്കോട്ടയിൽ നഗരസഭ ആരോഗ്യ സ്റ്റാന്‌ഡിംഗ്കമ്മിറ്റി ചെയർപേഴ്സൺ ബുഷറ ലത്തീഫ് ഉദ്ഘാടനംചെയ്തു. ഫിഷറീസ്‌ വകുപ്പിന്‍റെ നേതൃത്വത്തിൽ മൂന്നിടത്തുനടന്ന ശുചീകരണത്തിന് ഫിഷറീസ് ഉദ്യോഗസ്ഥർ, ജനപ്രതിനിധികൾ, ഹരിതകർമസേന, കുടുംബശ്രീ, മുനിസിപ്പൽ ജീവനക്കാർ, കോസ്റ്റൽ പോലീസ്, മത്സ്യത്തൊഴിലാളികൾ, നാട്ടുകാർ തുടങ്ങിയവർ പങ്കാളികളായി.

അങ്കണവാടിയിൽ വിഷു ആഘോഷം

അരിമ്പൂർ: ക്യാപ്റ്റൻ ലക്ഷ്മി അങ്കണവാടിയിൽ വിഷു ആഘോഷങ്ങൾ നടത്തി. പഞ്ചായത്ത് പ്രസിഡന്‍റ് സ്മിത അജയകുമാർ ഉദ്ഘാടനം ചെയ്തു. വൈസ് പ്രസിഡന്‍റ് സി.ജി. സജീഷ് അധ്യക്ഷതവഹിച്ചു. കുട്ടികൾക്കായി വിഷുക്കണിയും വിഷുക്കൈനീട്ടവും വിഷുക്കട്ടയും ഒരുക്കി. അന്തിക്കാട് ബ്ലോക്ക് പഞ്ചായത്ത് പ്രസിഡന്‍റ് കെ.കെ. ശശിധരൻ, ടി.കെ. രാമകൃഷ്ണൻ, വി.കെ. ഉണ്ണികൃഷ്ണൻ തുടങ്ങിയവർ മുഖ്യാതിഥികളായി. വാർഡ് മെമ്പറും അങ്കണവാടി വർക്കറുമായ സലിജ സന്തോഷ്, ഹെൽപ്പർ സീന, കോ-ഓര്‌ഡിനേറ്റർ കെ.കെ. സുകുമാരൻ, വയോജന ക്ലബ് സെക്രട്ടറി ലില്ലി റാഫേൽ, പ്രസിഡന്‍റ് സുകുമാരൻ കടുവാതുക്കൽ, കെ.ആർ. ബാബുരാജ്, സരോജിനി നാരായണൻ, ഷൈജു കുട്ടപ്പൻ, സന്ധ്യ കണ്ണൻ തുടങ്ങിയവർ പങ്കെടുത്തു.

പറക്കോട്ടുകാവ് താലപ്പൊലി; വെടിക്കെട്ടിന്‍റെ അനുമതിക്കായി ഹൈക്കോടതിയിലേക്ക്

തിരുവില്വാമല: പറക്കോട്ടുകാവ് താലപ്പൊലിയോടനുബന്ധിച്ചുള്ള വെടിക്കെട്ടിന് ജില്ലാ ഭരണകൂടം അനുമതി നിഷേധിച്ചതിനെ തുടർന്ന് അനുമതിക്കായി ദേശക്കമ്മിറ്റികൾ ഹൈക്കോടതിയെ സമീപിക്കാൻ തീരുമാനിച്ചതായി കോ-ഓര്‌ഡിനേഷൻ കമ്മിറ്റി ഭാരവാഹികൾ അറിയിച്ചു.

കരയാംപറമ്പ് മുതൽ ചാലക്കുടിവരെ ഇരുദിശകളിലും അഴിയാക്കുരുക്ക്

കൊരട്ടി: ദേശീയപാത ഇന്നലെ പുലർച്ചെ മുതൽ രാവിലെ 11 വരെ അക്ഷരാഥത്തിൽ ദുരിതപാതയായി മാറി. ചിറങ്ങരയിലും മുരിങ്ങൂരിലും പ്രധാനപാത കൊട്ടിയടച്ച് അടിപ്പാത നിർമാണം ആരംഭിച്ചതു മുതൽ പ്രദേശവാസികൾ മുതൽ ദീർഘദൂര യാത്രികർ വരെ നേരിടുന്നതു നരകയാതനയാണ്. ഇന്നലെ കരയാംപറമ്പ് മുതൽ ചാലക്കുടി പാലം വരെ ഇരുദിശകളിലും രൂപപ്പെട്ടതു മണിക്കൂറുകളോളം നീണ്ട ഗതാഗതക്കുരുക്കാണ്. രണ്ടാം ശനിയാഴ്ചയായ ഇന്നലെ മുതലുള്ള അവധികളും വിഷുവും വിശുദ്ധവാരവും സ്കൂൾ അവധികളും മൂലം ദേശീയ പാതയിൽ പതിവിലേറെ വാഹനങ്ങളുണ്ടായിരുന്നു. ഗതാഗതക്കുരുക്ക് രൂക്ഷമാകുമ്പോൾ നിയന്ത്രിക്കാനും വഴിതിരിച്ചുവിടാനും യാതൊരു സന്നാഹവും ഉണ്ടായിരുന്നില്ല. ഫ്ലാഗ്‌ മാൻമാരെ വിവിധ ഇടങ്ങളിൽ ചുമതലപ്പെടുത്തുമെന്നും അവശ്യഘട്ടത്തിൽ പോലീസിന്‍റെ സഹായം ഉറപ്പുവരുത്തുമെന്നും അധികൃതർ പറഞ്ഞിരുന്നെങ്കിലും പാഴ്‌വാക്കായി. വിവിധ കോണുകളിൽനിന്നും സാമൂഹ്യ മാധ്യമങ്ങളിലൂടെയും പ്രതിഷേധം കടുത്തതോടെ മാത്രമാണു പ്രധാന കവലകളിലെല്ലാം പോലീസും ഫ്ലാഗ് മാന്മാരും എത്തി ഗതാഗതനിയന്ത്രണം ഏറ്റെടുത്തത്. രാവിലെ പതിനൊ ന്നോടെ മാത്രമാണ് ചാലക്കുടി ഭാഗത്തേക്കുള്ള ഗതാഗതം നിയന്ത്രണ വിധേയമായത്. അങ്കമാലി ഭാഗത്തേക്കുള്ള പാതയിൽ തടസം തുടർന്നു‌കൊണ്ടേയിരുന്നു. ചെറുവാഹനങ്ങൾ പോലീസ് ഇടപെട്ട് വഴി തിരിച്ചുവിട്ടതു ഒരു പരിധി വരെ കുരുക്കിന് അയവുവരുത്തി. എന്നാൽ ദിശാബോർഡുകൾ സ്ഥാപിക്കുന്നതിൽ സംഭവിച്ച വീഴ്ചമൂലം മറുവഴി തേടിയവർ ലക്ഷ്യസ്ഥാനത്തേക്കുള്ള ദിക്ക് അറിയാതെ കഷ്ടപ്പെട്ടു. ചിറങ്ങരയിലും മുരിങ്ങൂരിലും അടിപ്പാത നിർമാണം പൂർത്തിയായശേഷം മാത്രമേ കൊരട്ടിയിലെ നിർമാണത്തിനായി പ്രധാന‌പാത അടയ്ക്കാവൂ എന്ന ശക്തമായ ആവശ്യം ഉയരുന്നുണ്ട്. കൊരട്ടിയും കൂടി നിർമാണങ്ങൾക്കായി കൊട്ടിയടച്ചാൽ നിയന്ത്രണാതീതമാകും എന്നതാണു യാഥാർഥ്യം. മുന്നൊരുക്കങ്ങളില്ലാത്ത നിർമാണ പ്രവൃത്തികൾമൂലം ദുരിതത്തിലാകുന്നത് സാധാരണ ജനങ്ങളാണ്. എന്നാൽ ജനപ്രതിനിധികളുടെ ഭാഗത്തുനിന്നോ രാഷ്ട്രീയ പാർട്ടി സംവിധാനങ്ങളിൽ നിന്നോ ഇതിന് പരിഹാരം കാണാൻ ഇടപെടലുണ്ടാകുന്നില്ല എന്ന ഗുരുതരമായ ആക്ഷേപമാണ് ജനങ്ങൾക്കുള്ളത്. ഗതാഗതക്കുരുക്കിൽ‌പെട്ട് മണിക്കൂറുകളോളം വലയുന്ന യാത്രികരിൽനിന്നും ടോൾ പിരിക്കുന്ന നടപടി വിരോധാഭാസമാണെന്നും താത്കാലികമായി ടോൾ നിർത്തിവയ്ക്കണമെന്നും ജനങ്ങൾക്കിടയിൽ ആവശ്യം ശക്തമാണ്. ഈ പുഴയും കടന്ന്... കൊരട്ടി: ചിറങ്ങര ജംഗ്ഷനിൽ കാൽനട യാത്രികർക്കു ദേശീയപാതക്ക് കുറുകെ കടക്കാൻ ഇനി അര കിലോമീറ്ററെങ്കിലും താണ്ടണം. തിരുമുടിക്കുന്ന് റോഡിലുള്ളവർക്ക് റെയിൽവേ മേൽപ്പാലം ഭാഗത്തേക്കും അതുപോലെ തിരിച്ചും സഞ്ചരിക്കണമെങ്കിൽ ഇതാണ് സ്ഥിതി. അടിപ്പാതക്ക് ഇരുഭാഗവും പ്രി-കാസ്റ്റ് കോൺക്രീറ്റ് റീറ്റെയിൻ വാൾ സ്ഥാപിക്കുന്നതിനായി നാലുഭാഗത്തും കുഴിയെടുത്തതാണ് ഇതിന് കാരണം. ഒരു ഭാഗം കുഴിയെടുത്ത് ഇവ സ്ഥാപിച്ചശേഷം മറുഭാഗം പൊളിക്കാവൂ എന്ന നാട്ടുകാരുടെ നിർദേശം മുഖവിലക്കെടുക്കാതെ‌യാണ് കരാർ കമ്പനിയുടെ നടപടി. പ്രതിഷേധം ശക്തമായതോടെ കഴിഞ്ഞ ദിവസം നിർമിച്ച അടിപ്പാതയുടെ ബേസ്മെന്‍റിൽ ക്യൂറിംഗിനായി നിറച്ചിട്ട വെള്ളത്തിനു മുകളിൽ പലകയിട്ട് നടപ്പാത ഒരുക്കിയിരിക്കുകയാണ് കരാർ കമ്പനി ജീവനക്കാർ. അടിപ്പാതയുടെ പാർശ്വഭിത്തികളും മുകളിലെ സ്ലാബും കോൺക്രീറ്റ് ചെയ്യുമ്പോൾ ഏതു‌വഴി സഞ്ചരിക്കുമെന്നറിയാതെ ആശയക്കുഴപ്പത്തിലാണ് നാട്ടുകാർ.

ഇരിങ്ങാലക്കുട റെയില്‍വേ സ്റ്റേഷൻ വികസനം; സര്‍വകക്ഷി പ്രതിഷേധസംഗമം നടത്തി

ഇരിങ്ങാലക്കുട: ജില്ലയിലെ രണ്ടാമത്തെ സ്റ്റേഷനായി ഇരിങ്ങാലക്കുട റെയില്‍വേ സ്റ്റേഷനെ ഉയര്‍ത്തണമെന്നും എന്നാല്‍ മാത്രമേ വികസനം സാധ്യമാകൂയെന്നും ബിഷപ് മാര്‍ പോളി കണ്ണൂക്കാടന്‍. ഇരിങ്ങാലക്കുട റെയില്‍വേ സ്റ്റേഷൻ വികസനം യാഥാര്‍ഥ്യമാക്കാന്‍ റെയില്‍വേ പാസഞ്ചേഴ്‌സ് അസോസിയേഷന്‍റെ നേതൃത്വത്തില്‍ നടന്ന സര്‍വകക്ഷി പ്രതിഷേധസംഗമത്തില്‍ പ്രസംഗിക്കുകയായിരുന്നു ബിഷപ്. കടലോരം മുതല്‍ മലയോരം വരെയുള്ള ജനങ്ങളാണ് ദീര്‍ഘദൂര യാത്രക്ക് ഇരിങ്ങാലക്കുട റെയില്‍വേ സ്റ്റേഷനെ ആശ്രയിക്കുന്നത്. മറ്റു സ്റ്റേഷനുകളെ താരതമ്യപ്പെടുത്തുമ്പോള്‍ അവഗണിക്കപ്പെട്ട സ്റ്റേഷനായി ഇരിങ്ങാലക്കുട മാറുകയാണ്. വികസനം കൊണ്ടുവരുന്നതിലൂടെ ഈ സ്റ്റഷനെ ആശ്രയിക്കുന്ന ജനങ്ങളോടു നീതിപുലര്‍ത്താന്‍ കേന്ദ്ര സംസ്ഥാന സര്‍ക്കാരുകള്‍ക്കു സാധിക്കണമെന്നും ബിഷപ് കൂട്ടിച്ചേര്‍ത്തു. കല്ലേറ്റുംകര പരിസരത്തുനടന്ന പ്രതിഷേധ‌സംഗമം ആളൂര്‍ പഞ്ചായത്ത് പ്രസിഡന്‍റ് കെ.ആര്‍. ജോജോ ഉദ്ഘാടനം ചെയ്തു. അസോസിയേഷന്‍ പ്രസിഡന്‍റ് ഷാജു ജോസഫ് അധ്യക്ഷത വഹിച്ചു. മുന്‍ മന്ത്രി വി.എസ്. സുനില്‍കുമാര്‍ എന്നിവര്‍ മുഖ്യപ്രഭാഷണം നടത്തി. വിവിധകക്ഷി നേതാക്കളായ റോയ് കളത്തിങ്കല്‍, ടി.സി. അര്‍ജുനന്‍, വിപിന്‍ പാറമേക്കാട്ടില്‍, ഐ.എന്‍. ബാബു, സെക്രട്ടറി പി.സി. സുഭാഷ് എന്നിവര്‍ പ്രസംഗിച്ചു. അമൃത് പദ്ധതിയില്‍ ഇരിങ്ങാലക്കുട സ്റ്റേഷന്‍ ഉള്‍പ്പെടുത്തുക, കോവിഡ് കാലത്ത് നിർത്തലാക്കിയ ട്രെയിനുകളുടെ സ്റ്റോപ്പുകള്‍ പുനഃസ്ഥാപിക്കുക, സ്റ്റേഷന്‍റെ അടിസ്ഥാന സൗകര്യങ്ങള്‍ വികസിപ്പിക്കുക തുടങ്ങിയ ആവശ്യങ്ങള്‍ ഉന്നയിച്ചാണ് സമരം നടത്തുന്നത്.

സര്‍ക്കിള്‍ സഹകരണ യൂണിയനുകളുടെ സഹകരണ എക്‌സ്‌പോ 2025

ഇരിങ്ങാലക്കുട: മുകുന്ദപുരം, കൊടുങ്ങല്ലൂര്‍ സര്‍ക്കിള്‍ സഹകരണ യൂണിയനുകളുടെ നേതൃത്വത്തില്‍ സഹകരണ എക്‌സ്‌പോ 2025 ന്‍റെ ഭാഗമായി വിളംബര ജാഥ സംഘടിപ്പിച്ചു. ഇരിങ്ങാലക്കുട കുട്ടംകുളം മൈതാനത്തുനിന്ന് ആരംഭിച്ച് പൂതംകുളം മൈതാനത്ത് അവസാനിച്ചു. സംസ്ഥാന സഹകരണ യൂണിയന്‍ ഭരണസമിതി അംഗം ലളിത ചന്ദ്രശേഖരന്‍ സഹകരണപതാക കൊടുങ്ങല്ലൂര്‍ സര്‍ക്കിള്‍ സഹകരണ യൂണിയന്‍ ചെയര്‍മാന്‍ അഡ്വ. എം. ബിജുകുമാറിന് കൈമാറി വിളംബര ജാഥ ഉദ്ഘാടനം ചെയ്തു. മുകുന്ദപുരം സര്‍ക്കിള്‍ സഹകരണ യൂണിയന്‍ കണ്‍വീനര്‍ കെ.സി. ജെയിംസ് അധ്യക്ഷത വഹിച്ചു. സെക്രട്ടറി എസ്. സുരേഷ്, അഡ്മിനിസ്‌ട്രേറ്റീവ് കമ്മിറ്റി അംഗം എ.എസ്. ജിനി, ചാലക്കുടി അസി. രജിസ്ട്രാര്‍ എ.ജെ. രാജി എന്നിവര്‍ പ്രസംഗിച്ചു.

യുവതലമുറയിൽ കായികലഹരി വളർത്തേണ്ടതു നാടിന്‍റെ ആവശ്യം: മന്ത്രി

കയ്പമംഗലം: യുവതലമുറയിൽ കായിക ലഹരി വളർത്തേണ്ടതു നാടിന്‍റെ ആവശ്യമാണെന്നു വ്യവസായ മന്ത്രി പി. രാജീവ്. മതിലകം സ്പോർട്സ് അക്കാദമി അഖിലേന്ത്യാ വോളിബോൾ ടൂർണമെന്‍റിന്‍റെ സ്റ്റേഡിയം നിർമാണോദ്ഘാടനം നിർവഹിക്കുകയായിരുന്നു അദ്ദേഹം. യുവതലമുറയെ വഴിതെറ്റിക്കാൻ ലഹരി മാഫിയ പ്രവർത്തിച്ചുകൊണ്ടിരിക്കുന്ന കാലഘട്ടമാണിത്. "ലഹരിക്കെതിരെ കായിക ലഹരി' എന്ന മുദ്രാവാക്യം ഉയർത്തി കായിക‌പ്രേമികളെയും കളിക്കാരെയും നാട്ടിലെ മുഴുവൻ യുവാക്കളെയും കുട്ടികളെയും അണിനിരത്തി ലഹരിക്കും സിന്തറ്റിക് മയക്കുമരുന്നിനുമെതിരെ ശക്തമായ പ്രതിരോധം തീർക്കണമെന്ന് മന്ത്രി ആഹ്വാനം ചെയ്തു. ഇ.ടി. ടൈസൺ എംഎൽഎ അധ്യക്ഷത വഹിച്ചു. ഗ്രാമപഞ്ചായത്ത് പ്രസിഡന്‍റ്്‌ സീനത്ത് ബഷീർ, എറിയാട് ഗ്രാമപഞ്ചായത്ത് പ്രസിഡന്‍റ്‌ കെ.പി. രാജൻ, മതിലകം സെന്‍റ് ജോസഫ് ഹൈസ്കൂൾ മാനേജർ ഫാ. ഷൈജൻ കളത്തിൽ, പി.കെ. ചന്ദ്രശേഖരൻ, സംഘാടകസമിതി ഭാരവാഹികളായ വി.കെ. മുജീബ് റഹ്മാൻ, കെ.വൈ.അസീസ്, പി.എച്ച്. നിയാസ്, പി.എച്ച്. അമീർ എന്നിവർ പ്രസംഗിച്ചു. 25 മുതൽ മേയ് ഒന്നുവരെ മതിലകം സെന്‍റ്് ജോസഫ്സ് ഹൈസ്കൂൾ ഗ്രൗണ്ടിൽ നടക്കുന്ന ടൂർണമെന്‍റിൽ രാജ്യത്തെ പ്രമുഖ പുരുഷ വനിതാ ടീമുകൾ പങ്കെടുക്കുമെന്നു സംഘാടകർ അറിയിച്ചു.

ഭാര്യയെ വെട്ടിക്കൊല്ലാൻ ശ്രമിച്ചയാൾ അറസ്റ്റിൽ

ചാലക്കുടി: പിണങ്ങിക്കഴിയുകയായിരുന്ന ഭാര്യയെ വെട്ടിക്കൊല്ലാൻ ശ്രമിച്ച സംഭവത്തിൽ പ്രതിയെ അറസ്റ്റ് ചെയ്തു. അതിരപ്പിള്ളി വെറ്റിലപ്പാറ പുല്ലാർകാട്ടിൽ വീട്ടിൽ അജയ(42) നെയാണ് മലക്കപ്പാറ പോലീസ് അറസ്റ്റ് ചെയ്തത്. ഷോളയാർ മയിലാടുംപാറയിൽവച്ച് ഫോറസ്റ്റുകാർ സഞ്ചരിച്ചിരുന്ന ഡിപ്പാർട്ട്മെന്‍റ് ജീപ്പിൽ സ്വന്തം വാഹനം കൊണ്ടിടിച്ച് തടഞ്ഞു നിർത്തി ഫോറസ്റ്റ് വാഹനത്തിലുണ്ടായിരുന്ന ഭാര്യയെ പിടിച്ചു നിർത്തി കൈയ്യിലുണ്ടായിരുന്ന വെട്ടുകത്തികൊണ്ട് കഴുത്തിനുനേരെ വീശി കൊലപ്പെടുത്താൻ ശ്രമിച്ചതിനും ഫോ റസ്റ്റ് വാഹനത്തിനു കേടുപാടുകൾ വരുത്തിയതിനുമാണ് കേസ്്. അന്വേഷണ സംഘത്തിൽ മലക്കപ്പാറ പോലീസ് സ്റ്റേഷൻ ഇൻസ്പെക്ടർ എച്ച്.എൽ. സജീഷ്, എസ്ഐമാരായ താജുദ്ദീൻ, കെ. കെ. ഷാജു, സിവിൽ പോലീസ് ഓഫീസർമാരായ ശ്യാം‌കുമാർ, രതീഷ്, അനിൽ എന്നിവരും ഉണ്ടായിരുന്നു.

ആബേലിന്‍റെ വീട് മന്ത്രി സന്ദർശിച്ചു

മാള: കുഴൂരിൽ കൊലപാതകത്തിനിരയായ ആറുവയസുകാരന്‍റെ വീട് മന്ത്രി ഡോ. ആർ. ബിന്ദു സന്ദർശിച്ച്‌ കുടുംബാംഗങ്ങളെ ആശ്വസിപ്പിച്ചു. ജില്ലാ പഞ്ചായത്തംഗം പി.കെ. ഡേവിസ്‌, സിപിഎം ഏരിയ സെക്രട്ടറി ടി.കെ. സന്തോ ഷ്‌ എന്നിവരും ഒപ്പമുണ്ടായിരുന്നു. അതിദാരുണമായ സംഭവമാണു നടന്നതെന്നും പ്രതിക്ക്‌ കന ത്ത ശിക്ഷ ഉറപ്പാക്കാനാവശ്യമായ നടപടികൾ പോലീസ്‌ കൈക്കൊള്ളുമെന്നും മന്ത്രി പറഞ്ഞു.

മതിൽ‌മൂലയിൽ കാർ സ്കൂട്ടറുകളിലിടിച്ച് രണ്ടുപേർക്കു പരിക്കേറ്റു

മതിൽമൂല: മതിലകം മതിൽ‌മൂലയിൽ നിയന്ത്രണംവിട്ട കാർ സ് കൂട്ടറുകളിൽ ഇടിച്ച് രണ്ടുപേർക്കു പരിക്കേറ്റു. ഇരുചക്രവാഹന യാത്രികരായ മതിൽ‌മൂല തേർവീട്ടിൽ രാമുവിന്‍റെ മകൻ രമേശ് (40), പനങ്ങാട് ചിറയിൽ ഉണ്ണികൃഷ്ണന്‍റെ മകൻ വിവേക് (18) എന്നിവർക്കാണു പരിക്കേറ്റത്. ഇവരെ കൊടുങ്ങല്ലൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്നലെ വൈകീട്ട് നാലോടെയായിരുന്നു അപകടം. എറണാകുളം ഞാറയ്ക്കൽ സ്വദേശികൾ സഞ്ചരിച്ചിരുന്ന കാറാണ് അപകടത്തിൽപെട്ടത്. കാർ ഡ്രൈവർ ഉറങ്ങിയതിനെ തുടർന്ന് നിയന്ത്രണംവിട്ട് എതിരെ വന്ന സ്കൂട്ടറുകളിൽ ഇടിക്കുകയായിരുന്നു. അപകടത്തിൽ രമേശ് സഞ്ചരിച്ചിരുന്ന ഇരുചക്ര വാഹനം പൂർണമായും തകർന്നിട്ടുണ്ട്.

"ശുചിത്വസാഗരം സുന്ദര തീരം'പദ്ധതിയുടെ രണ്ടാംഘട്ട യജ്ഞത്തിന് ജില്ലയിൽ തുടക്കം

കൂളിമുട്ടം: മത്സ്യ‌സമ്പത്തിന്‍റെ വികസനവും തീര‌സംരക്ഷണവും ലക്ഷ്യമിട്ട് കടലും കടൽതീരവും പ്ലാസ്റ്റിക് വിമുക്തമാക്കി സ്വാഭാവിക ആവാസവ്യവസ്ഥ വീണ്ടെടുക്കാൻ സംസ്ഥാന സർക്കാർ നടപ്പിലാക്കുന്ന "ശുചിത്വ‌സാഗരം സുന്ദരതീരം' പദ്ധതിയുടെ രണ്ടാംഘട്ട ഏകദിന പ്ലാസ്റ്റിക് നിർമാർജന യജ്ഞത്തിന് ജില്ലയിൽ തുടക്കം. ജില്ലയിൽ 54 കിലോമീറ്റർ ദൈർഘ്യമുള്ള അഴീക്കോട് മുതൽ ചാവക്കാട് വരെയുള്ള തീരപ്രദേശത്തെ തെരഞ്ഞെടുത്ത 51 ആക്‌ഷൻ പോയിന്‍റുകളിലാണ് ഏകദിന പ്ലാസ്റ്റിക് നിർമാർജനയജ്ഞം നടപ്പിലാക്കിയത്. മത്സ്യത്തൊഴിലാളികൾ, ബോട്ട് ഉടമകൾ, മറ്റ് സന്നദ്ധ‌സംഘടനകൾ, രാഷ്ട്രീയപ്രവർത്തകർ, തദ്ദേശസ്വയംഭരണ സ്ഥാപനങ്ങൾ, ശുചിത്വ മിഷൻ, ക്ലീൻ കേരള കമ്പനി, സാഫ്, വിവിധ സർക്കാർ വകുപ്പുകൾ, ഏജൻസികൾ, യുവജന സംഘടനകൾ തുടങ്ങിയവരുടെ സഹകരണത്തോടെയായിരുന്നു യജ്ഞത്തിന്‍റെ പൂർത്തീകരണം. മതിലകം പൊക്ലായി ബീച്ചിൽ നടന്ന ജില്ലാതല ഉദ്ഘാടനം ഇ.ടി. ടൈസൺ എംഎൽഎ നിർവഹിച്ചു. മതിലകം പഞ്ചായത്ത് പ്രസിഡന്‍റ്് സീനത്ത് ബഷീർ അധ്യക്ഷയായി. ജില്ലാ കളക്ടർ അർജുൻ പാണ്ഡ്യൻ മുഖ്യാതിഥിയായിരുന്നു. മത്സ്യത്തൊഴിലാളി ക്ഷേമനിധി ബോർഡ് കമ്മീഷണർ എച്ച്. സലിം, എടത്തിരുത്തി ഗ്രാമപഞ്ചായത്ത് പ്രസിഡന്‍റ് ് ടി.കെ. ചന്ദ്രബാബു, മതിലകം ബ്ലോക്ക് വൈസ് പ്രസിഡന്‍റ് ഹഫ്സ ഒഫൂർ, മതിലകം ഗ്രാമപഞ്ചായത്ത് വൈസ് പ്രസിഡന്‍റ് ടി.എസ്. രാജു, വികസനകാര്യ സ്റ്റാൻഡിം ഗ് ‌കമ്മിറ്റി ചെയർപേഴ്സൺ പ്രിയ ഹരിലാൽ, ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ എം.കെ. പ്രേമാനന്ദൻ, മതിലകം ബ്ലോക്ക് പഞ്ചായത്ത് മെമ്പർ ആർ. കെ. ബേബി, ജില്ലാ പഞ്ചായത്ത് മെമ്പർ സുഗത ശശിധരൻ, കെ.എസ്. ജയ, റീജണൽ ഫിഷറീസ് അസി. ഡയറക്ടർ പി.എസ്. ശിവപ്രസാദ്, മതിലകം ഗ്രാമപഞ്ചായത്ത് സെക്രട്ടറി കെ.എസ്. രാംദാസ്, തദ്ദേശസ്വയംഭരണ വകുപ്പ് ജോയിന്‍റ് ഡയറക്ടർ ജെ.എസ്. സിന്ധു, ഫിഷറിസ് ഡെപ്യൂട്ടി ഡയറക്ടർ പി.ഡി. ലിസി എന്നിവർ പ്രസംഗിച്ചു. സാമ്പത്തിക ശാസ്ത്രത്തിൽ പിഎച്ച്ഡി നേടിയ ടി.ഡി. അശ്വിനി, നാഷണൽ റോളർ സ്കേറ്റിംഗിൽ മികച്ച പ്രകടനം കാഴ്ചവച്ച സി.എസ്. അമയ എന്നിവരെ ആദരിച്ചു.

ചെട്ടികുളങ്ങര ദേശക്കാർ കൊടുങ്ങല്ലൂർ കുരുംബക്ഷേത്രത്തിൽ ദർശനം നടത്തി

കൊടുങ്ങല്ലുർ: ശ്രീ കുരുംബക്കാവ് ദേവീക്ഷേത്രത്തിൽ ഇന്നലെ ചെട്ടികുളങ്ങര ദേവി ക്ഷേത ദേശക്കാർ പരമ്പരാഗതമായി നടത്തിവരാറുള്ള അചാരാനുഷ്ഠാനങ്ങൾ നടത്തി. രാവിലെ കൊടുങ്ങല്ലൂർ ക്ഷേത്രത്തിൽ എത്തിച്ചേർന്ന 13 കരകളുടെ സംഘടനയായ ശ്രീദേവി വിലാസം ഹിന്ദുമത കൺവൻഷൻ ട്രസ്റ്റ് ഭാരവാഹികൾ, കരനാഥൻമാർ, ദേവസ്വം ഭാരവാഹികൾ, ക്ഷേത്രപൂജാരിമാർ, ക്ഷേത്രകാരായ്മ അവകാശികൾ എന്നിവർ ചേർന്ന് കിഴിപ്പണവും പട്ടുടയാടയും കൊടുങ്ങല്ലൂരമ്മയ്ക്ക് സമർപ്പിച്ചു. ശേഷം ക്ഷേത്ര അവകാശികളായ കൊടുങ്ങല്ലൂർ കോവിലകത്തെ രാജപ്രതിനിധി സുരേന്ദ്ര വർമരാജയ്ക്ക് ചെട്ടികുളങ്ങര ശ്രീദേവി വിലാസം ഹിന്ദുമത കൺവൻഷൻ ട്രസ്റ്റ് പ്രസിഡന്‍റ് ബി. ഹരികൃഷ്ണൻ കാഴ്ചക്കുലയും ദക്ഷിണയും സെക്രട്ടറി എം. മനോജ്കുമാർ വസ്ത്രവും നൽകി. കരക്കാർ അമ്മയുടെ അപദാനങ്ങൾ വാഴ്ത്തിയുള്ള കുത്തിയോട്ട പാട്ടുകൾ പാടി. കൊടുങ്ങല്ലൂരമ്മ ചെട്ടികുളങ്ങര അമ്മയുടെ മാതാവായാണ് സങ്കൽപ്പിക്കുന്നത്. സ്വീകരണച്ചടങ്ങുകൾക്കു കൺവൻഷൻ ട്രസ്റ്റ് ജോയിന്‍റ്് സെക്രട്ടറി ജി. സതീഷ്, ട്രഷറർ പി. രാജേഷ്, ക്ഷേത്ര അഡ്മിനിസ്ട്രേറ്റീവ് ഓഫീസർ അഖിൽ ജി. കൃഷ്ണൻ, ക്ഷേത്ര സംബന്ധി ജെ. മധുകുമാർ, എക്സിക്യൂട്ടീവ് അംഗങ്ങൾ, തിരുവിതാംകൂർ ദേവസ്വം ഭാരവാഹികൾ, കരനാഥൻമാരും നേതൃത്വം നൽകി. അതിനു‌ശേഷം മറ്റു ക്ഷേത്രങ്ങളിലെ ദർശനത്തിനു ശേഷം അമ്മയുടെ ദാരു‌വിഗ്രഹത്തിന് തടി നൽകിയ ആറൻമുള തോട്ടത്തിൽ മണ്ണിൽവീട്ടിൽ എത്തിച്ചേർന്നു. ആറൻമുള ക്ഷേത്രത്തിലെ ദീപാരാധന ദർശനത്തിനുശേഷം സംഘം രാത്രിയോടെ ചെട്ടികുളങ്ങരയിൽ തിരിച്ചെത്തി.

സൗജന്യ മെഗാമെഡിക്കല്‍ ക്യാമ്പ് ഇന്ന്

കടുപ്പശേരി: സെന്‍റ്് വിന്‍സന്‍റ്് ഡി. പോള്‍ സംഘടനയുടെയും കൊമ്പൊടിഞ്ഞാമാക്കല്‍ ലയണ്‍സ് ക്ലബ്ബിന്‍റെയും സംയുക്താഭിമുഖ്യത്തില്‍ കടുപ്പശേരി ഇടവക പാരിഷ് ഹാളില്‍ ഇന്നു രാവിലെ ഒമ്പതു മുതല്‍ ഉച്ചയ്ക്ക് ഒന്നുവരെ സൗജന്യ കേള്‍വി (ഓഡിയോളജി), ഇഎന്‍ടി (ചെവി, തൊണ്ട, മൂക്ക്) മെഡിക്കല്‍ ക്യാമ്പ് സംഘടിപ്പിക്കും. ഇഎന്‍ടി വിഭാഗം ഡോ. ജോസഫും തൃശൂര്‍ ദയ ഹോസ് പിറ്റല്‍ (ഓഡിയോളജി) കേള്‍വി വിഭാഗവും മെഡിക്കല്‍ ക്യാമ്പില്‍ പരിശോധന നടത്തും. ആരോഗ്യ ഇന്‍ഷ്വറന്‍സ് ഉള്ളവര്‍ക്ക് കേള്‍വി സഹായി ഉപകരണം സൗജന്യമായി നല്‍കും. രാവിലെ ഒന്പതിന് ഫാ. ജോമിന്‍ ചെരടായി മെഡിക്കല്‍ ക്യാമ്പ് ഉദ്ഘാടനം ചെയ്യും. ആരോഗ്യപരിപാലനത്തെക്കുറിച്ച് ലയണ്‍സ് ക്ലബ് - മെഡിക്കല്‍ ക്യാമ്പ് കോ-ഓര്‍ഡിനേറ്റര്‍ ജോണ്‍സണ്‍ കോലങ്കണ്ണി ബോധവത്്കരണ ക്ലാസ് നയിക്കും. സെന്‍റ് വിന്‍സന്‍റ്് ഡി പോള്‍ സംഘടന പ്രസിഡന്‍റ് ബിജു കൊടിയന്‍ അധ്യക്ഷത വഹിക്കും.

കെ.എം. മാണി സ്മൃതിസംഗമം

കൊരട്ടി: കേരളത്തിന്‍റെ അടിസ്ഥാന വികസനത്തിന്‍റെ ശിലപാകിയ ജനനായകനും സാധാരണക്കാരന്‍റെയും കർഷകരുടെയും ക്ഷേമത്തിനായി പ്രവർത്തിച്ച വികസനാത്മക പൊതു‌പ്രവർത്തനത്തിന്‍റെ ഉദാത്ത മാതൃകയുമാണ് കെ.‌എം. മാണിയെന്ന് കേരള കോൺഗ്രസ് - എം സംസ്ഥാന സ്റ്റിയറിംഗ് കമ്മിറ്റി അംഗം ഡെന്നിസ് കെ. ആന്‍റണി അഭിപ്രായപ്പെട്ടു. കൊരട്ടി മണ്ഡലം കമ്മിറ്റിയുടെ നേതൃത്വത്തിൽ സംഘടിപ്പിച്ച കെ.എം. മാണി സ്‌മൃതിസംഗമം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. മണ്ഡലം പ്രസിഡന്‍റ് പി.ബി. രാജു അധ്യക്ഷത വഹിച്ചു. മനോജ്‌ നാല്പാട്ട്, പോൾ അരിമ്പിളളി, ജിനോ പ്ലാശേരി, ബേബി തെക്കൻ, ജോണി പറമ്പി, ഡേവിസ് പുലിക്കോട്ടിൽ, ഡേവിസ് പള്ളിപ്പാടൻ, മെൽവിൻ ഡേവിസ്, യോഹന്നാൻ കുന്നുംപുറം എന്നിവർ പ്രസംഗിച്ചു.

പെട്ടിഓട്ടോ ഇടിച്ച് കാൽനടയാത്രികൻ മരിച്ചു

എരുമപ്പെട്ടി: പാഴിയോട്ടുമുറിയിൽ പെട്ടിഓട്ടോറിക്ഷയിടിച്ച് കാൽ നടയാത്രക്കാരന് ദാരുണാന്ത്യം. പാഴിയോട്ടുമുറി സ്വദേശി കുളങ്ങര ഡേവിസ്(46) ആണ് മരിച്ചത്. ഇന്നലെ രാവിലെ 9.30 ഓടെ പാഴിയോട്ടുമുറി സെന്‍ററിൽ വച്ചാണ് അപകടം. റോഡരികിലൂടെ നടന്നുപോകുകയായിരുന്ന ഡേവിസിനെ ടാങ്കിൽ വെള്ളം കയറ്റി വന്ന പെട്ടിഓട്ടോ പിറകിലൂടെ ഇടിക്കുകയായിരുന്നു. ഗുരുതരമായി പരിക്കേറ്റ ഡേവിസിനെ എരുമപ്പെട്ടി ആക്ട്സ് പ്രവർത്തകർ മെഡിക്കൽ കോളജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

ലോട്ടറി വിൽപനക്കാരൻ ക്ഷേത്രത്തിന്‍റെ കുളപ്പുരയിൽ മരിച്ചനിലയിൽ

കൊടുങ്ങല്ലൂർ: ശ്രീ കുരുംബ ഭഗവതി ക്ഷേത്രത്തിലെ കുളപ്പുരയിൽ ലോട്ടറി വിൽപ്പനക്കാരനെ മരിച്ചനിലയിൽ കണ്ടെത്തി. മാള വലിയപറമ്പ് ആനക്കാരൻ വീട്ടിൽ കുഞ്ഞയ്യപ്പന്‍റെ മകൻ ഷൈലേഷി(48)നെയാണ് ക്ഷേത്രത്തിലെ വട്ടക്കുളത്തിലുള്ള കുളപ്പുരയിൽ മരിച്ചനിലയിൽ കണ്ടെത്തിയത്. ക്ഷേത്രപരിസരത്ത് ലോട്ടറി വിൽപ്പന നടത്തിവരുകയായിരുന്നു. കൊടുങ്ങല്ലർ പോലീസ് മേൽനടപടികൾ സ്വീകരിച്ചു.

വീടുപണിക്കിടെ മുകളിൽനിന്നുവീണ് തൊഴിലാളി മരിച്ചു

മേലൂർ: ഗോവയിൽ വീട് പണി ചെയ്യുന്നതിനിടയിൽ മുകളിൽനിന്നുവീണ് തൊഴിലാളി മരിച്ചു. മേലൂർ ചെമ്പിക്കാടൻ കാവലൻ മകൻ സഹജൻ(58) ആണ് മരിച്ചത്. സംസ്കാരം ഇന്നു രാവിലെ 10ന് കുന്നപ്പിള്ളി ക്രിമറ്റോറിയത്തിൽ. ഭാര്യ: സുജാത. മക്കൾ: ശരത്, ലയ. മരുമക്കൾ: ശ്രീലക്ഷ്മി, രതീഷ്.

ഡാമുകളിൽ റൂൾകർവ് പാലിക്കണം: കളക്ടർ

തൃശൂർ: ഡാമുകളുടെ റൂൾകർവ് കർശനമായി പാലിക്കണമെന്നും അടിയന്തരസാഹചര്യത്തിൽ ജനങ്ങൾക്ക് ഉദ്യോഗസ്ഥർ നേരിട്ടു വിവരം കൈമാറാൻ ഉദ്യോഗസ്ഥരുടെ ഫോണ്‍നന്പറുകൾ അണക്കെട്ടുകളുടെ സമീപപ്രദേശങ്ങളിൽ പ്രദർശിപ്പിക്കണമെന്നും ജില്ലാ കളക്ടർ അർജുൻ പാണ്ഡ്യൻ. മഴക്കാല മുന്നൊരുക്കത്തിന്‍റെ ഭാഗമായി കളക്ടറുടെ അധ്യക്ഷതയിൽ ചേർന്ന യോഗത്തിലാണു നിർദേശം. ശുചീകരണപ്രവൃത്തികൾ മുപ്പതിനകം പൂർത്തിയാക്കണമെന്നും തദ്ദേശസ്ഥാപനങ്ങൾ, ജലസേചനവകുപ്പ്, പൊതുമരാമത്ത് വിഭാഗങ്ങൾക്കു നിർദേശം നൽകി. നഗരമേഖലകളിലെ ഡ്രെയിനേജ്, തോടുകൾ, ഓടകൾ, കൾവർട്ടുകൾ, കനാലുകൾ, പുഴകൾ, മറ്റു ജലസേചനമാർഗങ്ങൾ എന്നിവയിലെ തടസങ്ങൾ നീക്കണം. സീറോ വേസ്റ്റ് ദിനാചരണത്തിന്‍റെ ഭാഗമായി ഖരമാലിന്യനിർമാർജനം പൂർത്തിയാക്കി. മുപ്പതിനകം ഓടകൾ വൃത്തിയാക്കണമെന്നു തദ്ദേശസ്ഥാപനങ്ങളുടെ സെക്രട്ടറിമാർക്കു കർശനനിർദേശം നൽകി. കനാലുകൾ വൃത്തിയാക്കിയെന്നും ഡാമുകൾ തുറന്നെന്നും മേജർ ഇറിഗേഷൻ വകുപ്പ് അറിയിച്ചു. 24, 25 തീയതികളിൽ മഴക്കാലപൂർവ പരിശോധന നടത്തും. കഴിഞ്ഞവർഷം വെള്ളക്കെട്ടുണ്ടായ പ്രദേശങ്ങക്കു പ്രത്യേക ശ്രദ്ധ നൽകുമെന്നും തോടുകൾ വൃത്തിയാക്കൽ പുരോഗമിക്കുന്നതായും കോർപറേഷൻ അറിയിച്ചു. അപകടകരമായ മരങ്ങൾ മുറിച്ചുനീക്കും. ദേശീയപാതയ്ക്കരികിലുള്ള ഡ്രെയിനേജുകളുടെ 70 ശതമാനം പ്രവൃത്തികൾ പൂർത്തിയാക്കും. വെള്ളക്കെട്ടുണ്ടായാൽ പരിഹരിക്കാൻ പ്രത്യേക സംഘത്തെ സജ്ജമാക്കി. മണ്ണുത്തി-അങ്കമാലി റീച്ചിൽ 45 കൾവർട്ടുകളും ഒന്പതു കിലോമീറ്ററോളം ഡ്രെയിനേജുകളും വൃത്തിയാക്കി. കളക്ടറേറ്റ് എക്സിക്യുട്ടീവ് ഹാളിൽ ചേർന്ന യോഗത്തിൽ സബ് കളക്ടർ അഖിൽ വി. മേനോൻ, ഡെപ്യൂട്ടി കളക്ടർമാരായ (ഡിഎം) സി.എസ്. സ്മിതറാണി, യമുനാദേവ, വിവിധ വകുപ്പുതല ഉദ്യോഗസ്ഥർ എന്നിവർ പങ്കെടുത്തു.

ചുഴലിക്കാറ്റ്, അനുബന്ധദുരന്ത പ്രതിരോധ തയാറെടുപ്പ്; മോക്ക് ഡ്രിൽ നടത്തി

തൃശൂർ: ദേശീയ ദുരന്തനിവാരണ അഥോറിറ്റിയും സംസ്ഥാന ദുരന്തനിവാരണ അഥോറിറ്റിയും സംയുക്തമായി സംസ്ഥാനതലത്തിൽ ചുഴലിക്കാറ്റിന്‍റെയും അനുബന്ധദുരന്തങ്ങളുടെയും തയാറെടുപ്പുകൾ വിലയിരുത്തുന്നതിനു മോക് ഡ്രിൽ നടത്തി. ജില്ലയിലെ ചേറ്റുവ ഹാർബർ, കാറളത്തെ ഗെയിൽ ഇന്ത്യയുടെ സെക്‌ഷണൽ വാൽവ് സ്റ്റേഷൻ എന്നിവിടങ്ങളിലാണ് മോക്ഡ്രിൽ നടത്തിയത്. ദുരന്തമുന്നറിയിപ്പ് ലഭിക്കുന്ന ഘട്ടത്തിൽ മുൻകൂട്ടി നിശ്ചയിക്കപ്പെട്ടിരിക്കുന്ന ഇൻസിഡന്‍റ് റെസ്പോണ്‍സ് സിസ്റ്റത്തിന്‍റെ പ്രവർത്തനം, കണ്‍ട്രോൾ റൂമുകളുടെ പ്രവർത്തനം, വിവിധ വകുപ്പുകൾ തമ്മിലുള്ള ഏകോപനം, ആശയവിനിമയോപാധികളുടെ കൃത്യമായ ഉപയോഗം, സൈറണുകളുടെ പ്രവർത്തനം, അപകടസ്ഥലത്തു നടത്തുന്ന പ്രതികരണ രക്ഷാപ്രവർത്തനങ്ങളുടെ ഏകോപനം തുടങ്ങിയ സുപ്രധാന കാര്യങ്ങൾ മോക് എക്സർസൈസിൽ വിലയിരുത്തി. മോക് ഡ്രില്ലിനെതുടർന്ന് വിവിധ ജില്ലകളുടെ കളക്ടർമാർ, ദേശീയ, സംസ്ഥാന ദുരന്തനിവാരണ അഥോറിറ്റി ഉദ്യോഗസ്ഥർ തുടങ്ങിയവർ ഓണ്‍ലൈനായി അവലോകനയോഗം നടത്തി. ജില്ലയിൽ നടത്തിയ മോക് ഡ്രില്ലിനു ജില്ലാ കളക്ടർ അർജുൻ പാണ്ഡ്യൻ നേതൃത്വം നൽകി. ആർഡിഒ എം.സി. റെജിൽ, ഡിഎം ഡെപ്യൂട്ടി കളക്ടർ സ്മിതാറാണി, ആർആർ ഡെപ്യൂട്ടി കളക്ടർ വിഭൂഷണൻ, ജില്ലാ ഫയർ ഓഫീസർ എം.എസ്. സുവി തുടങ്ങിയവർ സന്നിഹിതരായി.

കാട്ടാന ആക്രമണം വീണ്ടും

അതിരപ്പിള്ളി: അതിരപ്പിള്ളിയിൽ വീണ്ടും കാട്ടാന ആക്രമണം. പിള്ളപ്പാറയിൽ നിർത്തിയിട്ടിരുന്ന ഓട്ടോറിക്ഷ കാട്ടാന കുത്തിമറിച്ചിട്ടു. ഇന്നലെ പുലർച്ചെ മൂന്നുമണിയോടെ റേഷൻകടയ്ക്കുമുന്നിലായിരുന്നു സംഭവം. റേഷൻകട ലക്ഷ്യമിട്ടാണ് കാട്ടാന എത്തിയതെന്നു കരുതുന്നു. എന്നാൽ റേഷൻ കടയ്ക്കുമുന്നിൽ ഒരു ലോറി നിർത്തിയിട്ടിരുന്നതിനാൽ ആനയ്ക്കു റേഷൻകടയുടെ അടുത്തേക്കു പോകാൻ സാധിച്ചില്ല. തുടർന്നാണ് സമീപത്തു നിർത്തിയിട്ടിരുന്ന മാപ്രാണത്തുകാരൻ ജോഷിയുടെ ഓട്ടോ കുത്തിമറിച്ചിട്ടത്. ഓട്ടോയ്ക്കു കേടുപാടുകൾ സംഭവിച്ചു. ഓട്ടോടെ മുകൾഭാഗത്തെ റെക്സിൻ ആന കുത്തിക്കീറി. ശബ്ദംകേട്ടെത്തിയ നാട്ടുകാർ പടക്കംപൊട്ടിച്ചാണ് ആനയെ കാട്ടിലേക്കു തിരിച്ചുവിട്ടത്. ഈ മേഖലയിൽ കാട്ടാനശല്യം പതിവായിട്ടുണ്ട്. റേഷൻകട തകർത്തു ഭക്ഷ്യധാന്യങ്ങൾ തിന്നാൻതന്നെയാണ് ആനയെത്തിയതെന്നാണ് നാട്ടുകാർ കരുതുന്നത്. മുൻപ് അതിരപ്പിള്ളിയിൽ കാട്ടാനകൾ സ്കൂൾ പാചകപ്പുരയും മറ്റും തകർത്ത് ഭക്ഷ്യധാന്യങ്ങൾ തിന്നിരുന്നു. കുറ്റിച്ചിറ: പീലാർമുഴിയിൽ കാട്ടാന ഇറങ്ങി കൃഷികൾ നശിപ്പിച്ചു. തറയിൽ പുഷ്പാകരന്‍റെ വാഴയും റബറുമാണ് നശിപ്പിച്ചത്. ഫെൻസിംഗിന്‍റെ മുകളിലേക്കു റബർമരം തള്ളിമറിച്ചിട്ടാണ് കാട്ടാന തോട്ടത്തിലേക്കു കടന്നത്. നിരവധിവാഴകളും റബറും നശിപ്പിച്ചിട്ടുണ്ട്. ഭീമമായ നഷ്ടമാണ് സംഭവിച്ചത്. കാട്ടാന ആക്രമണത്തിൽനിന്നു കർഷകരെ രക്ഷിക്കുവാൻ സർക്കാർ ഫലപ്രദമായി ഒന്നും ചെയ്യാത്തതിൽ നാട്ടുകാർ വൻപ്രതിഷേധത്തിലാണ്.

കണിക്കെടുക്കില്ലെങ്കിലും കണ്ണിനു വിരുന്നാണീ കൊന്നപ്പൂക്കൾ

സ്വന്തം ലേഖകൻ തൃശൂർ: വിഷുവിനു കണിവയ്ക്കാനെടുക്കില്ലെങ്കിലും കണ്ണിനു വിരുന്നാണ് സ്വർണവർണമാർന്ന പ്ലാസ്റ്റിക് കണിക്കൊന്നകൾ. കണിയൊരുക്കാൻ ഒറിജിനൽ കണിക്കൊന്നപ്പൂക്കൾതന്നെ ഉപയോഗിക്കുന്പോൾ പ്ലാസ്റ്റിക് പൂക്കൾ അലങ്കാരത്തിനാണ് ഉപയോഗിക്കുക. തൃശൂർ നഗരത്തിലും പരിസരത്തുമുള്ള മിക്ക വ്യാപാരസ്ഥാപനങ്ങളും കടകളുടെ മുൻഭാഗം അലങ്കരിക്കാൻ പ്ലാസ്റ്റിക് കണിക്കൊന്നപ്പൂക്കൾ വൻതോതിൽ വാങ്ങുന്നുണ്ട്. നഗരം കണികണ്ടുണരുന്നതു കടകൾക്കുമുന്നിൽ പൂത്തുലഞ്ഞുകിടക്കുന്ന ഈ പ്ലാസ്റ്റിക് കൊന്നപ്പൂക്കളെയാണ്. ചൈനയിൽനിന്നാണ് പ്ലാസ്റ്റിക് കണിക്കൊന്നകൾ ഉത്തരേന്ത്യക്കാർവഴി കേരളത്തിലെത്തുന്നത്. രണ്ടുവർഷം കഴിഞ്ഞാലും വാടാത്ത ഈ കൊന്നപ്പൂക്കൾ ഈ വിഷുസീസണ്‍ കഴിഞ്ഞാൽ എടുത്തുവച്ച് അടുത്ത വർഷം കഴുകി വൃത്തിയാക്കിയാൽ വീണ്ടും ഉപയോഗിക്കാം. ഇതുതന്നെയാണ് ഇതിന്‍റെ ഡിമാൻഡ് കൂട്ടുന്നത്. കഴിഞ്ഞ മൂന്നുനാലുവർഷമായി പ്ലാസ്റ്റിക് കണിക്കൊന്ന കേരളത്തിന്‍റെ വിഷുവിപണിയിലുണ്ടെങ്കിലും കടകളിലും മറ്റും വ്യാപകമായി അലങ്കരിക്കാൻ തുടങ്ങിയത് ഇപ്പോഴാണെന്നും അതുകൊണ്ടുതന്നെ ഇത്തവണ നല്ല ഡിമാൻഡുണ്ടെന്നും പ്ലാസ്റ്റിക് കണിക്കൊന്നകൾ വിൽക്കുന്ന രാധാകൃഷ്ണൻ പറഞ്ഞു. ഡിമാൻഡ് കൂടിയതോടെ കൂടുതൽ പേർ പ്ലാസ്റ്റിക് കണിക്കൊന്നകൾ വിൽക്കാൻ തുടങ്ങിയിട്ടുണ്ട്. എട്ട് ഇതളുകൾ അടങ്ങുന്ന ഒരു തണ്ട് പ്ലാസ്റ്റിക് കണിക്കൊന്നയ്ക്ക് മുപ്പതുരൂപയാണ് വില. ഒരു കൗതുകത്തിനുവേണ്ടി ഇതു വാങ്ങുന്നവരും കുറവല്ല. ഇന്‍റീരിയർ ഡെക്കറേഷനുവേണ്ടിയാണ് വാങ്ങിയതെന്ന് വിഷു ഷോപ്പിംഗിന് എത്തിയ ബിനോജ് പറഞ്ഞു. എന്നാൽ, കണിയൊരുക്കാൻ ഒരിക്കലും പ്ലാസ്റ്റിക് കണിക്കൊന്ന ഉപയോഗിക്കില്ലെന്നും ഇതു വെറുതെ ഒരു രസത്തിനു വാങ്ങുന്നതാണെന്നും ഓട്ടോ ഡ്രൈവറായ ആനന്ദൻ പറഞ്ഞു. വാഹനങ്ങളിൽ, പ്രത്യേകിച്ച് ബസുകളിൽ ഇത്തരം കണിക്കൊന്നകൾ അലങ്കാരത്തിനായി തൂക്കിയിട്ടുണ്ട്. ഏതാനും വർഷംമുൻപ് ആദ്യമായെത്തിയപ്പോൾ ആചാരങ്ങൾക്കും പരന്പരാഗതരീതികൾക്കുമൊക്കെ എതിരാണെന്നുപറഞ്ഞ് തള്ളിക്കളഞ്ഞ പ്ലാസ്റ്റിക് പൂക്കൾ ഇന്നു വിഷുവിപണിയിൽ താരമാണ്.

വൻസന്നാഹത്തോടെ തെരച്ചിൽ; പുലി ഒളിവിൽത്തന്നെ

ചാലക്കുടി: ചാലക്കുടിയിലും പരിസരങ്ങളിലും ഭീതിപരത്തിയ പുലിയെ പിടികൂടാൻ ഇന്നലെ വൻസന്നാഹത്തേടെ നടത്തിയ തെരച്ചിലും വിഫലമായി. എവിടെയും പുലിയുടെ സാന്നിധ്യം കണ്ടെത്താൻ കഴിഞ്ഞില്ല. കഴിഞ്ഞ 30 നുശേഷം പുലിയുടെ സാന്നിധ്യം സ്ഥിരീകരിക്കുന്ന ദൃശ്യങ്ങളോ അടയാളങ്ങളോ കാണപ്പെടാത്ത സാഹചര്യത്തിൽ, പുലിയുടെ സാന്നിധ്യം ഉണ്ടെങ്കിൽ കണ്ടെത്തുന്നതിനും ജനങ്ങളുടെ ഭീതിയകറ്റുന്നതിനുംവേണ്ടി ചാലക്കുടിപ്പുഴയുടെ തീരം കേന്ദ്രീകരിച്ച് വെട്ടുകടവ് മുതൽ തൈക്കൂട്ടംവരെയുള്ള പുഴയുടെ ഇരുകരകളിലും ചാലക്കുടി - വാഴച്ചാൽ ഫോറസ്റ്റ് ഡിവിഷൻ സംയുക്തമായി പോലീസ്, ഫയർഫോഴ്‌സ് വകുപ്പുകളുടെ സഹകരണത്തോടെയാണ് തെരച്ചിൽ നടത്തിയത്. രാവിലെ 7.30 മുതൽ 12.30 വരെ വിശദമായ തെരച്ചിൽ നടത്തി. ഡിവിഷനിലെ വിവിധ റേഞ്ചുകളിലെ നാല്പതോളം ജീവനക്കാർ ചാലക്കുടി നഗരസഭ, കാടുകുറ്റി പഞ്ചായത്ത് എന്നിവയുടെ കീഴിൽവരുന്ന ഒന്പതു കിലോമീറ്റർ ദൂരമുള്ള സ്ഥലങ്ങളിൽ നാലു ടീമുകളായി തിരിഞ്ഞാണ് തെരച്ചിൽ നടത്തിയത്. ഫോറസ്റ്റ് വെറ്ററിനറി ഡോക്ടർമാരും മെഡിക്കൽ ടീമും സ്ഥലത്തുണ്ടായിരുന്നു. പോലീസ് സായുധസേനയിൽനിന്നുള്ള എട്ടുപേരും ഫയർഫോഴ്സിൽനിന്നുള്ള രണ്ടുപേരും തെരച്ചിലിൽ പങ്കെടുത്തു. പുഴയുടെ ഇരുകരകളിലും, ഫയർഫോഴ്സിന്‍റെ സഹായത്തോടെ പുഴയിലും തെരച്ചിൽ നടത്തി. ഡ്രോൺ ഉപയോഗിച്ചുള്ള പരിശോധനയും നടത്തി. സനീഷ്‌കുമാർ ജോസഫ് എംഎൽഎ, നഗരസഭ ചെയർമാൻ ഷിബു വാലപ്പൻ എന്നിവരും പഞ്ചായത്ത് പ്രസിഡന്‍റുമാരടക്കമുള്ള ജനപ്രതിനിധികളും സ്ഥലത്തെത്തിയിരുന്നു.

എംഡിഎംഎയുമായി യുവാവ് അറസ്റ്റിൽ

കയ്പമംഗലം: ഓപ്പറേഷൻ ഡി ഹണ്ടിന്‍റെ ഭാഗമായുള്ള പരിശോധനയിൽ മതിലകത്തു മയക്കുമരുന്നുമായി യുവാവ് അറസ്റ്റിൽ. പടിയൂർ മുഞ്ഞനാട് സ്വദേശി മലയാമ്പള്ളം വീട്ടിൽ മുഹമ്മദ് ബഷീറി(29)നെയാണ് അറസ്റ്റുചെയ്തത്. ഇയാളുടെ കൈയിൽനിന്ന് 2.58 ഗ്രാം എംഡിഎംഎ പിടികൂടി. റൂറൽ ജില്ലാ ഡാൻസാഫ് ടീമും മതിലകം പോലീസും ചേർന്നുനടത്തിയ പരിശോധനയിലാണ് പ്രതിയെ പിടികൂടിയത്. ബഷീർ സഞ്ചരിച്ചിരുന്ന മോട്ടോർ സൈക്കിളിനെ പോലീസ് പിന്തുടർന്നുതടയുകയും തുടർന്നുനടത്തിയ ദേഹപരിശോധനയിൽ ജീൻസ് പാന്‍റ്സിന്‍റെ പോക്കറ്റിൽനിന്നു പ്ലാസ്റ്റിക് കവറിൽ പൊതിഞ്ഞനിലയിൽ എംഡിഎംഎ കണ്ടെടുക്കുകയുമായിരുന്നു. മതിലകം ഇൻസ്പെക്ടർ എം.കെ. ഷാജി, സബ് ഇൻസ്പെക്ടർ രമ്യ കാർത്തികേയൻ, പ്രൊബേഷൻ സബ് ഇൻസ്പെക്ടർ അനു ജോസ്, എഎസ്ഐ പ്രജീഷ്, സിവിൽ പോലീസ് ഓഫീസർ അജീഷ്, തൃശൂർ റൂറൽ ജില്ലാ ഡാൻസാഫ് അംഗങ്ങളായ സബ് ഇൻസ്പെക്ടർ പ്രദീപ്, എഎസ്ഐ ലിജു, സിവിൽ പോലീസ് ഓഫീസർമാരായ ബിജു, നിശാന്ത് എന്നിവർ ചേർന്നാണ് ബഷീറിനെ പിടികൂടിയത്.

ആനയെത്തിയില്ല: ഭക്തർ പ്രതിഷേധിച്ചു

മണ്ണുത്തി: കൊച്ചിൻ ദേവസ്വം ബോർഡിന്‍റെ കീഴിലുള്ള നെട്ടിശേരി ധർമശാസ്ത ക്ഷേത്രത്തിലെ തറയ്ക്കൽ പൂരത്തിന്‍റെ ഭാഗമായുള്ള എഴുന്നള്ളിപ്പിന് ആന എത്താൻ വൈകിയത് പ്രതിഷേധത്തിനിടയാക്കി. ദേവസ്വം കൗണ്ടർ ഓഫിസിന് മുന്നിൽ ഭക്തർ കുത്തിയിരുന്ന് പ്രതിഷേധിച്ചു. പെരുവനം, ആറാട്ടുപുഴ പൂരത്തിലെ പ്രധാനപങ്കാളിയായ ക്ഷേത്രമാണ് നെട്ടിശേരി ക്ഷേത്രം. ക്ഷേത്രത്തിൽ വെള്ളിയാഴ്ച മൂന്നുമണിക്ക് നടക്കേണ്ട അത്തം കൊടികുത്ത് ചടങ്ങിനു അഞ്ച് ആനകള്‌ എത്താത്തതിനാൽ മണിക്കൂറുകളോളം വൈകി. ഇതേ തുടർന്ന് ഭക്തർ ദേവസ്വം കൗണ്ടർ തുറക്കാൻ അനുവദിക്കാതെ കൗണ്ടറിന് മുന്നിൽ കുത്തിയിരുന്ന് പ്രതിഷേധിച്ചു. കൊച്ചിൻ ദേവസ്വം ബോർഡിന്‍റെ അനാസ്ഥയാണ് എഴുന്നള്ളിപ്പ് വൈകാൻ ഇടയാക്കിയതെന്ന് ഭക്തര്‌ പറഞ്ഞു.

ക്ഷേത്രങ്ങളിൽ അത്തം കൊടികുത്ത്

ചേർപ്പ്: പെരുവനം, ആറാട്ടുപുഴ പൂരങ്ങൾക്ക് സമാപ്തികുറിച്ച് ചേർപ്പ്, ചാത്തക്കുടം, ഊരകത്തമ്മ തിരുവടി ക്ഷേത്രങ്ങളിൽ അത്തം കൊടികുത്ത് നടന്നു. ക്ഷേത്രങ്ങളിൽ പൂരത്തോടനുബന്ധിച്ച് ഉയർത്തിയ താൽക്കാലിക കൊടിമരം ആന പിഴുതെടുത്തു വിവിധ ഭാഗങ്ങളിൽകൊണ്ടിട്ടു. ചേർപ്പ് ഭഗവതി ക്ഷേത്രത്തിൽ കാർത്തിക് പി.മാരാരുടെ നേതൃത്വത്തിൽ മേളം നടന്നു.

അനധികൃത മത്സ്യബന്ധനം: മൂന്ന് ബോട്ടുകൾ പിടിച്ചെടുത്തു

ചാവക്കാട്: കണ്ണിവലിപ്പംകുറഞ്ഞ വലകൾ ഉപയോഗിച്ച് അനധികൃത മത്സ്യബന്ധനം നടത്തിയ ബോട്ടുകൾക്കെതിരേ നടപടിയെടുത്ത് ഫിഷറീസ് - മറൈൻ എൻഫോഴ്സ്മെന്‍റ് സംഘം. പരമ്പരാഗത മത്സ്യത്തൊഴിലാളികൾ നൽകിയ പരാതിയിൽ അഴീക്കോട് ഫഷറീസ് സ്റ്റേഷൻ അസിസ്റ്റന്‍റ് ഡയറക്ടർ ഡോ. സീമയുടെ നേതൃത്വത്തിൽ രൂപീകരിച്ച പ്രത്യേക അന്വേഷണസംഘം ആഴക്കടലിലും തീരക്കടലിലും ഹാർബറുകളിലും നടത്തിയ മിന്നൽ പരിശോധനയിലാണ് നടപടി. പറവൂർ മന്നംസ്വദേശി അയ്യാലിൽ ബഷീറിന്‍റെ രമേഷ് എന്ന ബോട്ട്, മുനമ്പം പള്ളിപ്പുറം സ്വദേശി ആറുക്കാട്ടിൽ പ്രകാശന്‍റെ ദർശനം ബോട്ട്, ചെറായി തച്ചേരി ഷൈജുവിന്‍റെ കെയ്റ എന്നീ ബോട്ടുകളാണ് പിടിച്ചെടുത്തത്. ഇതര സംസ്ഥാന തൊഴിലാളികളെ ഉപയോഗപ്പെടുത്തിയാണ് അനധികൃത മീൻപിടുത്തം നടത്തിയിരുന്നത്. അഴീക്കോട് മുതൽ വടക്കേ അതിർത്തിയായ കാപ്പിരിക്കാട് വരെയുള്ള കടൽത്തീരത്തും ആഴക്കടലിലും നിരീക്ഷണം ശക്തമാക്കിയതിനിടയിലാണ് മുനമ്പം ഭാഗത്തുനിന്നുവന്ന ബോട്ടുകൾ അനധികൃത മാര്‍ഗങ്ങളിലൂടെ മത്സ്യബന്ധനം നടത്തിയത് കണ്ടെത്തിയത്. ബോട്ടുകളിലെ മത്സ്യം ലേലംചെയ്തയിനത്തിൽ 1,02,300 രൂപ ലഭിച്ചു. അനധികൃത മത്സ്യബന്ധനം നടത്തിയതിന് ഓരോ ബോട്ടിനും 2.5 ലക്ഷം പിഴചുമത്തി. ഭക്ഷ്യയോഗ്യമല്ലാത്ത 5000 കിലോ മത്സ്യങ്ങൾ കടലിൽ ഒഴുക്കിക്കളഞ്ഞു. പരിശോധനാസംഘത്തിൽ അഴിക്കോട് ഫിഷറീസ് സ്റ്റേഷൻ അസിസ്റ്റന്‍റ് ഡയറക്ടർ ഡോ.സി. സീമ, മെക്കാനിക് ജയചന്ദ്രൻ, മറൈന്‍ എന്‍ഫോഴ്‌സ്‌മെന്‍റ് ആൻഡ് വിജിലൻസ് വിംഗ് ഉദ്യേഗസ്ഥരായ വി.എം. ഷൈബു, വി.എൻ. പ്രശാന്ത്കുമാർ, ഇ.ആർ. ഷിനിൽകുമാർ എന്നിവര്‍ നേതൃത്വംനല്‍കി.

അപകടത്തില്‌ ശരീരം തളർന്നയാള്‌ക്കു നഷ്ടപരിഹാരം ലഭിച്ചില്ല

വടക്കാഞ്ചേരി: ഏഴുവർഷംമുമ്പ് അപകടത്തെത്തുടർന്ന് ശരീരംതളർന്ന നാരായണൻ നീതിക്കായുള്ള പോരാട്ടം തുടരുകയാണ്. 2017ലാണ് വടക്കാഞ്ചേരി കരുമത്ര ഭഗത്‌സിംഗ് റോഡിൽ താമസിക്കുന്ന മഠപ്പാട്ടിൽ നാരായണന്(58) അപകടമുണ്ടായത്. തൃശൂരിൽ പഴവര്‌ഗ കച്ചവടവുമായി ബന്ധപ്പെട്ട ജോലികൾ ചെയ്തിരുന്ന നാരായണൻ സഞ്ചരിച്ചിരുന്ന ബൈക്കിൽ, അതിവേഗതയിൽ ദിശതെറ്റിച്ചുവന്ന ബൈക്ക് ഇടിക്കുകയായിരുന്നു. തുടർന്ന് കാലിനും നട്ടെല്ലിനും ഗുരുതരമായി പരിക്കേറ്റ നാരായണന് ഇപ്പോൾ നടക്കാൻകഴിയാത്ത അവസ്ഥയാണ്. നഷ്ടപരിഹാര കേസ് വിധിയായി എന്നു വക്കീൽ അറിയിച്ചെന്നു നാരായണൻ പറയുന്നു. എന്നാല്‌ ഇടിച്ച ബൈക്കിന് ഇൻഷ്വറൻസ് ഇല്ലാത്തതു നാരായണന് നഷ്ടപരിഹാരം ലഭിക്കുന്നതിന് കാലതാമസമുണ്ടാക്കുകയാണ്. അപകടമുണ്ടാക്കിയ ചേലക്കര കുറുമല പുളിക്കൽവീട്ടിൽ മിഥുൻ ഗൾഫിലാണ്. അധികൃതർ അന്വേഷണത്തിൽ നിസംഗതപുലർത്തുകയാണെന്നു നാരായണൻ പറഞ്ഞു.

ചെവ്വൂർ ഹൈ-വൈ യൂണിറ്റ് ഉദ്ഘാടനംചെയ്ത ു

ചെവ്വൂർ: വൈഎംസിഎയുടെ ഹൈസ്കൂൾ കുട്ടികൾക്കായുള്ള ഹൈ-വൈയുടെ ചെവ്വൂർ യൂണിറ്റ് പ്രവർത്തനം ആരംഭിച്ചു. മീഡിയ കത്തോലിക്ക ഡയറക്ടർ ഫാ. അൽജൊ കരേരക്കാട്ടിൽ ഉദ്ഘാടനംനിർവഹിച്ചു. ജില്ലയിലെ ആദ്യത്തെ ഹൈ-വൈ യൂണിറ്റാണ് ഇത്. വൈഎംസിഎ കേരള റീജണൽ സെക്രട്ടറി ഡേവിഡ് സാമുവൽ ചൊവ്വൂർ ഹൈ-വൈ പ്രസിഡന്‍റ് ജസ്മരിയ ആന്‍റോ നേതൃത്വം നൽകുന്ന ഭരണസമിതിയുടെ സ്ഥാനാരോഹണ ചടങ്ങുകൾക്ക് നേതൃത്വം നൽകി. വൈഎംസിഎ തൃശൂർ സബ് റീജണ്‍ ചെയർമാൻ ജോണ്‍സണ്‍ മാറോക്കി, ഹൈ-വൈ നാഷണൽ സെക്രട്ടറി അബ്രോണ്‍ സജി എന്നിവർ മുഖ്യപ്രഭാഷണങ്ങൾ നടത്തി. അവധിക്കാല പഠനക്യാന്പിൽ മികച്ച ക്യാന്പർമാരായി തിരഞ്ഞടുക്കപ്പെട്ട നേഹ കുമാരി, ഹൃദ്യ ആൻ സോജി എന്നിവർക്ക് സമ്മാനങ്ങൾ നൽകി.ചെവ്വൂർ വൈഎംസിഎ പ്രസിഡന്‍റ്് ജോബി ജോർജ് അധ്യക്ഷത വഹിച്ചു. സെക്രട്ടറി ജോസഫ് പുളിക്കൻ, ട്രഷറർ എം.ഒ. പോൾസണ്‍, വുമണ്‍സ് ഫോറം ചെയർപേഴ്സണ്‍ അഡ്വ. ലീന ജോസ് എന്നിവർ പ്രസംഗിച്ചു.

അധികൃതരുടെ അനാസ്ഥ; കുറുമാലിപ്പുഴയില്‍ ജലനിരപ്പു താഴ്ന്നു

പുതുക്കാട്: കടുത്ത വേനലില്‍ പ്രദേശത്തെ ജലക്ഷാമം പരിഹരിക്കുന്നതിനായി ലക്ഷങ്ങള്‍മുടക്കി കെട്ടിയ മണ്‍ചിറകളുടെ അശാസ്ത്രീയനിര്‍മാണംമൂലം കുറുമാലിപ്പുഴയില്‍ ജലനിരപ്പുതാഴുന്നു. മണ്‍ചിറയോടുചേര്‍ന്നുള്ള ചീര്‍പ്പിലൂടെ ക്രമാതീതമായി വെള്ളം ഒഴുക്കിക്കളയുന്നതാണ് പുഴ വറ്റിവരളാന്‍ ഇടയാക്കുന്നത്. ചീര്‍പ്പില്‍ പലകകള്‍ ഇട്ട് നിയന്ത്രിച്ചാണ് ചെറിയതോതില്‍ വെള്ളം ഒഴുക്കിവിടാറുള്ളത്. എന്നാല്‍ ഇത്തവണ തോട്ടുമുഖം ചിറയില്‍ വെള്ളം തടഞ്ഞുനിര്‍ത്താന്‍ കഴിയാത്ത അവസ്ഥയാണ്. പുഴയില്‍ വെള്ളം താഴ്ന്നതോടെ മൂന്നുപഞ്ചായത്തുകളിലേക്ക് ശുദ്ധജലം എത്തിക്കുന്ന തോട്ടുമുഖം പദ്ധതിയുടെ പമ്പിംഗ് പ്രതിസന്ധിയിലായിരിക്കുകയാണ്. കൂടാതെ ഉയര്‍ന്നപ്രദേശത്തെ കിണറുകളില്‍ ജലനിരപ്പ് താഴ്ന്ന് രൂക്ഷമായ കുടിവെള്ളക്ഷാമമാണ് നേരിടുന്നത്. കുറുമാലി പുഴയിലെ വെള്ളത്തെ ആശ്രയിച്ച് കൃഷിയിറക്കിയ കര്‍ഷകര്‍ വിളകള്‍ ഉണക്കുഭീഷണി നേരിടുന്നതായും പറയുന്നു. മണ്‍ചിറകള്‍ നിര്‍മിക്കുമ്പോള്‍ ബന്ധപ്പെട്ട അധികാരികള്‍ സ്ഥലത്ത് പരിശോധന നടത്താത്തതാണ് പ്രശ്‌നത്തിന് കാരണമെന്നാണ് നാട്ടുകാരുടെ ആക്ഷേപം. വര്‍ഷംതോറും ലക്ഷങ്ങള്‍ മുടക്കി നിര്‍മിക്കുന്ന മണ്‍ചിറകള്‍ കാലവര്‍ഷാരംഭത്തില്‍തന്നെ പൊട്ടിപ്പോകുകയാണ് പതിവ്. വേനലില്‍ കെട്ടുന്ന ചിറകളില്‍ വെള്ളം സംഭരിച്ചുനിര്‍ത്തി കൃഷിക്കും കുടിവെള്ള പദ്ധതികള്‍ക്കും പ്രയോജനകരമാക്കുന്ന പദ്ധതിയാണ് അധികൃതരുടെ അശ്രദ്ധമൂലം പാഴ്ചെലവായി മാറുന്നത്. ചിമ്മിനി ഡാമില്‍നിന്ന് തുറന്നുവിടുന്ന വെള്ളം ഒഴുക്കികളയാതെ ചീര്‍പ്പില്‍ തടഞ്ഞു നിര്‍ത്താനുള്ള സംവിധാനം ഒരുക്കണമെന്നാണ് നാട്ടുകാരുടെ ആവശ്യം. വര്‍ഷംതോറും മണ്‍ചാക്കുകള്‍നിരത്തി താത്്കാലിക ചിറകള്‍ കെട്ടുന്നതിലൂടെ ലക്ഷങ്ങളുടെ നഷ്ടവും മാലിന്യപ്രശ്‌നവും ഉണ്ടാകുമ്പോള്‍ സ്ഥിരം തടയണകള്‍ നിര്‍മിക്കണമെന്ന ആവശ്യമാണ് ഉയരുന്നത്.

കെ.വി. രാമനാഥന്‍ അനുസ്മരണവും സാഹിത്യസമ്മാനസമര്‍പ്പണവും

ഇരിങ്ങാലക്കുട: യുവകലാസാഹിതിയും മഹാത്മാഗാന്ധി റീഡിംഗ് റൂമും ലൈബ്രറിയും സംയുക്തമായി നടത്തിയ ബാലസാഹിത്യകാരന്‍ കെ.വി. രാമനാഥന്‍ മാസ്റ്റര്‍ അനുസ്മരണം ആലങ്കോട് ലീലാകൃഷ്ണന്‍ ഉദ്ഘാടനം ചെയ്തു. അഡ്വ. രാജേഷ് തമ്പാന്‍ അധ്യക്ഷത വഹിച്ചു. കെ.വി. രാമനാഥന്‍ മാസ്റ്ററുടെ ഓര്‍മയ്ക്കായി യുവകലാസാഹിതി ഏര്‍പ്പെടുത്തിയ കെ.വി. രാമനാഥന്‍ സാഹിത്യസമ്മാനം പ്രശസ്ത സാഹിത്യകാരന്‍ സി. രാധാകൃഷ്ണനു സമ്മാനിച്ചു. സോ മന്‍ താമരക്കുളം, അഡ്വ. കെ.ജി. അജയ്കുമാര്‍, വി.എസ്. വസന്തന്‍, പി. മണി, ഡോ. കെ.എസ്. ഇന്ദുലേഖ, അഡ്വ. ഇ.ജെ. ബാബുരാജ്, ഷിഹാബ് ഖാദര്‍ എന്നിവര്‍ പ്രസംഗിച്ചു. വി.പി. അജിത്കുമാര്‍ സ്വാഗതവും റഷീദ് കാറളം നന്ദിയും പറഞ്ഞു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]