ഇ​രി​ങ്ങാ​ല​ക്കു​ട: പ​ദ്ധ​തി​പ്പ​ണം ചെ​ല​വ​ഴി​ക്കു​ന്ന​തി​ലും നി​കു​തി പി​രി​വി​ലും കു​തി​ച്ച് ഇ​രി​ങ്ങാ​ല​ക്കു​ട ന​ഗ​ര​സ​ഭ. അ​ന്തി​മ ക​ണ​ക്കു​ക​ള്‍ ഇ​നി​യും വ​രാ​നി​രി​ക്കു​ന്ന​തേ​യു​ള്ളൂ​വെ​ങ്കി​ലും ഇ​പ്പോ​ള്‍ ല​ഭ്യ​മാ​യ ക​ണ​ക്ക​നു​സ​രി​ച്ച് 2024-2025 സാ​മ്പ​ത്തി​ക​വ​ര്‍​ഷ​ത്തി​ല്‍ 90 ശ​ത​മാ​ന​ത്തി​നു മു​ക​ളി​ലാ​ണ് ന​ഗ​ര​സ​ഭ. 2023 -2024 സാ​മ്പ​ത്തി​ക വ​ര്‍​ഷ​ത്തി​ല്‍ 70 ശ​ത​മാ​നം മാ​ത്രം പ​ദ്ധ​തി​പ്പ​ണം ചെ​ല​വ​ഴി​ക്കാ​ന്‍ ക​ഴി​ഞ്ഞി​ട​ത്തു​നി​ന്നാ​ണ് 90 ശ​ത​മാ​ന​ത്തി​ലേ​ക്കു​ള്ള കു​തി​പ്പ്.

വി​ക​സ​ന​ഫ​ണ്ടി​ന​ത്തി​ല്‍ 84.53 ശ​ത​മാ​ന​വും, പ്ര​ത്യേ​ക ഘ​ട​ക​പ​ദ്ധ​തി ഫ​ണ്ടി​ന​ത്തി​ല്‍ 78.16 ശ​ത​മാ​ന​വും കേ​ന്ദ്ര ധ​ന​കാ​ര്യ ക​മ്മി​ഷ​ന്‍റെ പ്ര​ത്യേ​ക ഉ​ദ്ദേ​ശ​ഫ​ണ്ടി​ല്‍ 99.29 ശ​ത​മാ​ന​വും അ​ടി​സ്ഥാ​ന ഗ്രാ​ൻഡ്് ഫ​ണ്ടി​ല്‍ 109.45 ശ​ത​മാ​ന​വു​മാ​ണ് ചെ​ല​വ​ഴി​ച്ച​ത്. ജി​ല്ല​യി​ലെ ന​ഗ​ര​സ​ഭ​ക​ളി​ല്‍ പ​ദ്ധ​തി​പ്പ​ണം ചെ​ല​വ​ഴി​ച്ച ശ​ത​മാ​ന​ക്ക​ണ​ക്കി​ല്‍ മൂ​ന്നാം​സ്ഥാ​ന​ത്തു​ള്ള ഇ​രി​ങ്ങാ​ല​ക്കു​ട ന​ഗ​ര​സ​ഭ ഏ​റ്റ​വും കൂ​ടു​ത​ല്‍ പ​ദ്ധ​തി​പ്പ​ണം ചെ​ല​വ​ഴി​ച്ച​തി​ല്‍ ഒ​ന്നാം​സ്ഥാ​ന​ത്താ​ണ്.

11 കോ​ടി 65 ല​ക്ഷം രൂ​പ​യി​ല്‍ 10 കോ​ടി 44 ല​ക്ഷം രൂ​പ​യാ​ണ് ഇ​രി​ങ്ങാ​ല​ക്കു​ട ന​ഗ​ര​സ​ഭ 20242025 സാ​മ്പ​ത്തി​ക​വ​ര്‍​ഷ​ത്തി​ല്‍ ചെ​ല​വ​ഴി​ച്ച​ത്. നി​കു​തി പി​രി​വി​ലും ഇ​രി​ങ്ങാ​ല​ക്കു​ട ന​ഗ​ര​സ​ഭ ച​രി​ത്ര​നേ​ട്ട​മാ​ണ് കൈ​വ​രി​ച്ച​ത്. ന​ഗ​ര​സ​ഭ​യു​ടെ ച​രി​ത്ര​ത്തി​ല്‍ ആ​ദ്യ​മാ​യാ​ണ് 82.23 ശ​ത​മാ​നം നി​കു​തി പി​രി​ച്ചെ​ടു​ക്കു​ന്ന​ത്. ഇ​ക്കു​റി ന​ഗ​ര​സ​ഭ​യി​ലെ ര​ണ്ടു വാ​ര്‍​ഡു​ക​ളി​ല്‍ നൂ​റു​ശ​ത​മാ​നം നി​കു​തി പി​രി​ക്കാ​ന്‍ ന​ഗ​ര​സ​ഭ​യ്ക്ക് ക​ഴി​ഞ്ഞു. ന​ഗ​ര​സ​ഭ​യി​ലെ ആ​റ്, 17 എ​ന്നീ വാ​ര്‍​ഡു​ക​ളാ​ണ് നൂ​റു ശ​ത​മാ​നം നി​കു​തി പി​രി​ച്ച് ച​രി​ത്ര​നേ​ട്ടം കൈ​വ​രി​ച്ച​ത്.