ആ​റാ​ട്ടു​പു​ഴ: ത​റ​യ്ക്ക​ൽ പൂ​രം ഇ​ന്ന് ആ​ഘോ​ഷി​ക്കും. ആ​റാ​ട്ടു​പു​ഴ ശാ​സ്താ​വ് രാ​വി​ലെ എ​ട്ടി​ന് പി​ടി​ക്ക​പ്പ​റ​മ്പ് ആ​ന​യോ​ട്ട​ത്തി​ന് സാ​ക്ഷ്യം വ​ഹി​ച്ച് പൂ​ര​പ്പാ​ട​ത്തി​ന് സ​മീ​പം വ​ട​ക്കോ​ട്ടു തി​രി​ഞ്ഞ് നി​ല​പാ​ട് നി​ൽ​ക്കും.​ആ​ന​യോ​ട്ട​ത്തി​ന് ശേ​ഷം കൊ​മ്പു​പ​റ്റ്, കു​ഴ​ൽ​പ്പ​റ്റ് എ​ന്നി​വ​യ്ക്ക് ശേ​ഷം ത്രി​പ​ുട​യോ​ടു​കൂ​ടി പി​ടി​ക്ക​പ്പ​റ​മ്പ് ക്ഷേ​ത്രം വ​ലംവ​യ്ക്കു​ക​യും വി​വി​ധ​യി​ട​ങ്ങ​ളി​ലും മ​ഠങ്ങ​ളി​ലും കൂ​ട്ടപ്പ​റ​ക​ൾ സ്വീ​ക​രി​ച്ചും ചാ​ലു കീ​റ​ൽ, ചാ​ടി​ക്കൊ​ട്ട് എ​ന്നി​വ​യ്ക്കുശേ​ഷം വൈ​കു​ന്നേ​രം 6.30ന് ​മ​തി​ൽക്കെ​ട്ടി​നു പു​റ​ത്തേ​യ്ക്കെ​ഴു​ന്നെ​ള്ളു​ന്ന ശാ​സ്താ​വ് ഒ​മ്പ​ത് ഗ​ജ​വീ​രന്മാ​രു​ടെ അ​ക​മ്പ​ടി​യോ​ടെ തെ​ക്കോ​ട്ട​ഭി​മു​ഖ​മാ​യി അ​ണി​നി​ര​ക്കും.

പെ​രു​വ​നം കു​ട്ട​ൻമാ​രാ​രു​ടെ നേ​തൃ​ത്വ​ത്തി​ൽ 200ൽ​പ​രം ക​ലാ​കാ​ര​ൻ​മാ​ർ അ​ണി​നി​ര​ക്കു​ന്ന പാ​ണ്ടി​മേ​ളം 10ന് ​കൊ​ട്ടി ക​ലാ​ശി​ക്കും. തെ​ച്ചി​ക്കോ​ട്ടുകാ​വ് രാ​മ​ച​ന്ദ്ര​ൻ ശാ​സ്താ​വി​ന്‍റെ തി​ട​മ്പേ​റ്റും. ത​റ​യ്ക്ക​ൽ​പ്പൂ​ര​ത്തി​നു മി​ഴി​വേ​കി പ​ടി​ഞ്ഞാ​റു​നി​ന്ന് ഊ​ര​ക​ത്ത​മ്മ​ത്തി​രു​വ​ടി​യും തെ​ക്കു​നി​ന്ന് തൊ​ട്ടി​പ്പാ​ൾ ഭ​ഗ​വ​തി​യും എ​ഴു​ന്ന​ള്ളും.

ഊ​ര​ക​ത്ത​മ്മ​ത്തി​രു​വ​ടി​ക്ക് പ​ഞ്ചാ​രി മേ​ള​വും തൊ​ട്ടി​പ്പാ​ൾ ഭ​ഗ​വ​തി​ക്ക് പാ​ണ്ടിമേ​ള​വും അ​ക​മ്പ​ടി​യാ​യി​ട്ടു​ണ്ടാ​കും.

മേ​ള​ത്തി​നുശേ​ഷം മൂ​ന്നു ദേ​വീ​ദേ​വ​ന്മാ​രും സം​ഗ​മി​ക്കും. തൊ​ട്ടി​പ്പാ​ൾ ഭ​ഗ​വ​തി ശാ​സ്താ​വി​നും ഊ​ര​ക​ത്ത​മ്മത്തി​രു​വ​ടി​ക്കും ഉ​പ​ചാ​രം പ​റ​ഞ്ഞ് ശാ​സ്താം​ക​ട​വി​ലേ​യ്ക്ക് ആ​റാ​ട്ടി​നും ഊ​ര​ക​ത്ത​മ്മ​ത്തി​രു​വ​ടി കീ​ഴോ​ട്ടു​ക​ര മ​ന​യി​ലേ​ക്കും ആ​റാ​ട്ടു​പു​ഴ ശാ​സ്താ​വ് മാ​ട​മ്പ് മ​ന​യി​ലേ​ക്കും യാ​ത്ര​യാ​കും. പ​റ​യെ​ടു​പ്പി​നു​ശേ​ഷ​മാ​ണ് ആ​റാ​ട്ടു​പു​ഴ ശാ​സ്താ​വ് ക്ഷേ​ത്ര​ത്തി​ലേ​ക്ക് തി​രി​ച്ചെ​ഴു​ന്ന​ള്ളു​ന്ന​ത്. രാ​ത്രി 12 മ​ണി​ക്ക് ശാ​സ്താ​വ് പി​ഷാ​രി​ക്ക​ൽ ക്ഷേ​ത്ര​ത്തി​ലേ​ക്ക് എ​ഴു​ന്ന​ള്ളും.