ആ​റാ​ട്ടു​പു​ഴ: പൂ​ര​പ്പാ​ടം ഒ​രു​ങ്ങി; ആ​റാ​ട്ടു​പു​ഴ പൂ​രം നാ​ളെ. 24 ദേ​വി​ദേ​വ​ന്മാ​ർ പ​ങ്കെ​ടു​ക്കു​ന്ന ഭൂ​മി​യി​ലെ ഏ​റ്റ​വും വ​ലി​യ ദേവമേ​ള​യാ​ണ് ആ​റാ​ട്ടു​പു​ഴ പൂ​രം. ആ​ദ്യ​കാ​ല​ങ്ങ​ളി​ൽ 108 ക്ഷേ​ത്ര​ങ്ങ​ളി​ൽനി​ന്നും എ​ഴു​ന്നള്ളി​ച്ചു​വ​ന്നി​രു​ന്നു. തൃ​ശൂർ പൂ​ര​ത്തി​ലെ പ​ങ്കാ​ളി​ക​ളും കു​ട്ട​നെ​ല്ലൂ​ർ പൂ​ര​ത്തി​ലെ പ​ങ്കാ​ളി​ക​ളും എ​ടാ​ട്ട് മാ​ണി​ക്യമം​ഗ​ലം പൂ​ര​ങ്ങ​ളി​ലെ പ​ങ്കാ​ളി​ക​ളും ആ​റാ​ട്ടു​പു​ഴ​യി​ൽ എ​ത്തി​യി​രു​ന്നു​വെ​ന്നാ​ണു പ​ഴ​മൊ​ഴി.

ആ​ഘോ​ഷ​ങ്ങ​ളേ​ക്കാൾ ച​ട​ങ്ങു​ക​ൾ​ക്ക് പ്രാ​ധാ​ന്യ​മു​ള്ള​താ​ണ് ആ​റാ​ട്ടു​പു​ഴ പൂ​രം. മു​പ്പ​ത്തി​മു​ക്കോ​ടി ദേ​വ​ക​ളു​ടെ സാ​ന്നി​ധ്യ​മു​ള്ള ഈ ​പൂ​ര​മ​ഹോ​ത്സ​വം കാ​ണാ​ൻ യ​ക്ഷ​കി​ന്ന​ര​ഗ​ന്ധ​ർ​വാ​ദി​ക​ളും പി​ശാ​ച​ര​ക്ഷോ​ഗ​ണ​ങ്ങ​ളും ആ​റാ​ട്ടു​പു​ഴ പൂ​ര​പ്പാ​ട​ത്തെ​ത്തും എ​ന്നാ​ണ് വി​ശ്വാ​സം. പൂ​ര​ത്തോ​ട​നു​ബ​ന്ധി​ച്ച് കാ​ശി വി​ശ്വാ​നാ​ഥ​ക്ഷേ​ത്രം, തൃ​ശൂർ വ​ട​ക്കും​ന്നാഥ​ക്ഷേ​ത്രം ഉ​ൾ​പ്പ​ടെ​യു​ള്ള ഭാ​ര​ത​ത്തി​ലെ എ​ല്ലാ ക്ഷേ​ത്ര​ങ്ങ​ളി​ലും പൂ​രംദി​വ​സം അ​ത്താ​ഴ​പൂ​ജ വൈ​കീ​ട്ട് ആറിനു മു​മ്പ് ന​ട​ത്തി ന​ട നേ​ര​ത്തെ​യ​ട​ക്കും.

ആ​തി​ഥേ​യ​നായി ആ​റാ​ട്ടു​പു​ഴ ശാ​സ്താവ്

തൊ​ട്ടി​പ്പാ​ൾ പ​ക​ൽ​പ്പൂ​ര​ത്തി​ൽ പ​ങ്കെ​ടു​ത്ത ആ​റാ​ട്ടു​പു​ഴ ശാ​സ്താ​വ് നാലോ​ടെ ക്ഷേ​ത്ര​ത്തി​ൽ തി​രി​ച്ചെ​ത്തു​ക​യും നി​ത്യ​പൂജ​ക​ൾ, ശ്രീ​ഭൂ​ത​ബ​ലി എ​ന്നി​വ​യ്ക്കു​ശേ​ഷം ആറരയോ​ടു​കൂ​ടി ഭൂ​മി​യി​ലെ എ​റ്റ​വും വ​ലി​യ ദേ​വ​മേ​ള​യ്ക്കു സാ​ക്ഷി​യാ​കാ​നും ആ​തി​ഥേ​യ​ത്വം വ​ഹി​ക്കാ​നും പ​തി​ന​ഞ്ച് ഗ​ജ​വീ​ര​ന്മാ​രു​ടെ അ​ക​മ്പ​ടി​യോ​ടെ മ​തി​ൽകെ​ട്ടി​നു പു​റ​ത്തേ​യ്ക്കെ​ഴു​ന്ന​ള്ളും.​

മേ​ള പ്ര​മാ​ണി പെ​രു​വ​നം സ​തീ​ശ​ൻ മാ​രാ​രു​ടെ നേ​തൃ​ത്വ​ത്തിൽ 250ൽപ​രം മേ​ള​ക​ലാ​കാ​ര​ന്മാ​ർ അ​ണി​നി​ര​ക്കു​ന്ന പ​ഞ്ചാ​രി​മേ​ളം ഉ​ണ്ടാ​കും.

പാ​മ്പാ​ടി രാ​ജ​ൻ തി​ട​മ്പേ​റ്റും

പ​ഞ്ചാ​രി​മേ​ളം കൊ​ട്ടി ക​ലാ​ശി​ച്ചാ​ൽ എ​ഴുന്നള്ളി നി​ൽ​ക്കു​ന്ന ഏ​ഴു ഗ​ജ​വീ​ര​ന്മാ​രു​ടെ അ​ക​മ്പ​ടി​യോ​ടെ കൈ​പ്പ​ന്ത​ത്തി​ന്‍റെ ശോ​ഭ​യി​ൽ ശാ​സ്താ​വ് ഏ​ഴു​ക​ണ്ടം​വ​രെ പോ​കും. തേ​വ​ർ കൈ​ത​വ​ള​പ്പി​ൽ എ​ത്തി​യി​ട്ടു​ണ്ടോ എ​ന്നാ​രാ​യാ​നാ​ണ് ശാ​സ്താ​വ് ഏ​ഴു​ക​ണ്ടംവ​രെ പോ​കു​ന്ന​ത്.

മ​ട​ക്ക​യാ​ത്ര​യി​ൽ ശാ​സ്താ​വ് നി​ല​പാ​ടു​ത​റ​യി​ൽ ഏ​വ​ർ​ക്കും ആ​തി​ഥ്യ​മ​രു​ളി നി​ൽ​ക്കും. ചാ​ത്ത​ക്കു​ടം ശാ​സ്താ​വി​ന്‍റെ പൂ​ര​ത്തി​നുശേ​ഷം എ​ട​ക്കു​ന്നി ഭ​ഗ​വ​തി​യു​ടെ സാ​ന്നി​ധ്യത്തി​ൽ ചാ​ത്ത​ക്കു​ടം ശാ​സ്താ​വി​നെ നി​ല​പാ​ടുനി​ൽ​ക്കാ​ൻ ഉ​ത്ത​ര​വാ​ദി​ത്വ​മേ​ൽ​പ്പി​ച്ച് ആ​റാ​ട്ടു​പു​ഴ ശാ​സ്താ​വ് ക്ഷേ​ത്ര​ത്തി​ലേ​ക്കെ​ഴു​ന്ന​ള്ളും.

ആ​റാ​ട്ടു​പു​ഴ ശാ​സ്താ​വ് നി​ല​പാ​ടു​ത​റ​യി​ലെ​ത്തി​യാ​ൽ ദേ​വീ​ദേ​വ​ന്മാ​രു​ടെ പൂ​ര​ങ്ങ​ൾ ആ​രം​ഭി​ക്കു​ക​യാ​യി. തേ​വ​ർ കൈ​ത​വ​ള​പ്പി​ലെ​ത്തു​ന്ന​തുവ​രെ വി​ശാ​ല​മാ​യ പാ​ട​ത്ത് ക​യ​റ്റ​വും ഇ​റ​ക്ക​വും പ​ടി​ഞ്ഞാ​റു​നി​ന്നു​ള്ള വ​ര​വു​മാ​യി​ട്ടാ​ണ് ഈ ​എ​ഴു​ന്ന​ള്ളി​പ്പു​ക​ൾ ന​ട​ക്കു​ന്ന​ത്.

ക​യ​റ്റം

രാ​ത്രി പതിനൊ​ന്നോടെ തൊ​ട്ടി​പ്പാ​ൾ ഭ​ഗ​വ​തി​യോ​ടൊ​പ്പം ചാ​ത്ത​ക്കു​ടം ശാ​സ്താ​വി​ന്‍റെ എ​ഴു​ന്ന​ള്ളി​പ്പാ​ണ് ആ​ദ്യം. ഏഴ് ആ​ന​ക​ളു​ടെ അ​ക​മ്പ​ടി​യോ​ടെ പ​ഞ്ചാ​രി​മേ​ളം. തു​ട​ർ​ന്ന് ഒ​രു മ​ണി​യോ​ട പൂ​നി​ലാ​ർ​ക്കാ​വ്, ക​ടു​പ്പ​ശേരി, ചാ​ല​ക്കു​ടി പി​ഷാ​രി​ക്ക​ൽ ഭ​ഗ​വ​തി​മാ​ർ അ​ഞ്ച് ആ​ന​ക​ളു​ടെ​യും പ​ഞ്ചാ​രി​മേ​ള​ത്തി​ന്‍റെയും അ​ക​മ്പ​ടി​യോ​ടെ എ​ഴു​ന്നള്ളും.

ഇ​റ​ക്കം

12 ന് ​എ​ട​ക്കു​ന്നി ഭ​ഗ​വ​തി​യു​ടെ എ​ഴു​ന്ന​ള്ളി​പ്പ് ആ​രം​ഭി​ക്കും. അ​ഞ്ച് ആ​ന​ക​ളു​ടെ അ​ക​മ്പ​ടി​യും പ​ഞ്ചാ​രി​മേ​ള​വും.

ശേ​ഷം ഒ​രു മ​ണി​ക്ക് അ​ന്തി​ക്കാ​ട്, ചൂ​ര​ക്കോ​ട് ഭ​ഗ​വ​തി​മാ​ർ ആ​റ് ആ​ന​ക​ളു​ടെ​യും പ​ഞ്ചാ​രി​മേ​ള​ത്തി​ന്‍റെ യും അ​ക​മ്പ​ടി​യോ​ടെ എ​ഴു​ന്ന‌ള്ളും.

പ​ടി​ഞ്ഞാ​റു​നി​ന്നു​ള്ള വ​ര​വ്

11 ന് ​നെ​ട്ടി​ശേരി ശാ​സ്താ​വ് അ​ഞ്ച് ആ​ന​ക​ളു​ടെ അ​ക​മ്പ​ടി​യോ​ടും പാ​ണ്ടി​മേ​ള​ത്തോ​ടുംകൂ​ടി എ​ഴു​ന്നള്ളും.

കൂ​ട്ടി​യെ​ഴു​ന്ന​ള്ളി​പ്പ്

ആ​റാ​ട്ടു​പു​ഴ പൂ​രം ദി​വ​സം അ​ർ​ധരാ​ത്രി ദേ​വ​മേ​ള​യ്ക്ക് നെ​ടു​നാ​യ​ക​ത്വം വ​ഹി​ക്കു​ന്ന തൃ​പ്ര​യാ​ർ തേ​വ​ർ കൈ​ത​വ​ള​പ്പി​ൽ എ​ത്തു​ക​യും​ പ​ല്ലി​ശേരി സെ​ന്‍റ​ർ മു​ത​ൽ പൂ​ര​പ്പാ​ടം‌വ​രെ അ​ഞ്ച് ആ​ന​ക​ളു​ടെയും അ​വി​ടെനി​ന്നും കൈ​ത​വ​ള​പ്പുവ​രെ തേ​വ​ർക്ക് 11 ആ​ന​ക​ളു​ടെ അ​ക​മ്പ​ടി​യോ​ടെ പ​ഞ്ച​വാ​ദ്യ​വും തു​ട​ർ​ന്ന് 21 ആ​ന​ക​ളോ​ടെ പാ​ണ്ടി​മേ​ള​വും ന​ട​ത്തും.​

ഇ​ട​തു​വ​ശ​ത്ത് ചാ​ത്ത​ക്കു​ടം ശാ​സ്താ​വി​നോ​ടൊ​പ്പം ഊ​ര​ക​ത്ത​മ്മ​തി​രു​വ​ടി​യും വ​ല​തു​ഭാ​ഗ​ത്ത് ചേ​ർ​പ്പ് ഭ​ഗ​വ​തി​യും അ​ണി​നി​ര​ക്കും. വൈകുണ്ഠ​ത്തി​ൽ സാ​ക്ഷാ​ൽ മ​ഹാ​വി​ഷ്ണു ല​ക്ഷ്മിദേ​വി​യോ​ടും ഭൂ​മി​ദേ​വിയോ​ടും​കൂ​ടി വി​രാ​ജി​ക്കു​ക​യാ​ണെ​ന്നാണു സ​ങ്ക​ല്പം. സൂ​ര്യോ​ദ​യം​വ​രെ ഇ​രു​ഭാ​ഗ​ങ്ങ​ളി​ലും പാ​ണ്ടി​മേ​ളം ന​ട​ക്കും.

മ​ന്ദാ​രംക​ട​വി​ലെ ആ​റാ​ട്ട്

ആ​റാ​ട്ടു​പു​ഴ പൂ​രം ദി​വ​സം അ​ർധ​രാ​ത്രി തേ​വ​ർ കൈ​ത​വ​ള​പ്പി​ൽ വ​ന്നാ​ൽ ദേ​വി​മാ​രു​ടെ ആ​റാ​ട്ട് തു​ട​ങ്ങു​ക​യാ​യി. ക​ട​ലാ​ശേരി പി​ഷാ​രി​ക്ക​ൽ ഭ​ഗ​വ​തി​യാ​ണ് ആ​ദ്യം ആ​റാ​ടു​ന്ന​ത്. തു​ട​ർ​ന്ന് മ​റ്റു ദേ​വി​മാ​രും ആ​റാ​ട്ട് ന​ട​ത്തും. കൂ​ട്ടി​യെ​ഴു​ന്ന​ള്ളി​പ്പി​നു​ശേ​ഷം വി​ള​ക്കാ​ചാ​രം, കേ​ളി, പ​റ്റ് എ​ന്നി​വ ക​ഴി​ഞ്ഞാ​ൽ തേ​വ​രും ഊ​ര​ക​ത്ത​മ്മ​ത്തി​രു​വ​ടി​യും ചേ​ർ​പ്പ് ഭ​ഗ​വ​തി​യും ആ​റാ​ട്ടി​നാ​യി മ​ന്ദാ​രംക​ട​വി​ലേ​ക്ക് എഴുന്ന​ള്ളും.

പ്ര​ത്യേ​കം സ​ജ്ജ​മാ​ക്കി​യ മ​ണ്ഡ​പ​ത്തി​ൽ ദേ​വീ​ദേ​വ​ന്മാ​രെ ഇ​റ​ക്കി​യെ​ഴു​ന്ന​ള്ളി​ക്കും. ഊ​ര​കം, തൃ​പ്ര​യാ​ർ, അ​ന്തി​ക്കാ​ട്, ചേ​ർ​പ്പ് ക്ഷേ​ത്ര​ങ്ങ​ൾക്ക് വി​ശാ​ല​മാ​യ മ​ന്ദാ​രംക​ട​വി​ൽ മ​ണ്ഡ​പം ഉ​ണ്ടാ​ക്കു​ന്ന​തി​നു​ള്ള അ​വ​കാ​ശ​മു​ണ്ട്.

ആ​റാ​ട്ടി​നു​ശേ​ഷം ഊ​ര​ക​ത്ത​മ്മ​തി​രു​വ​ടി​യും തൃ​പ്ര​യാ​ർ തേ​വ​രും ഒ​രു​മി​ച്ച് ആ​റാ​ട്ടു​പു​ഴ ക്ഷേ​ത്ര​ത്തി​ലേ​ക്കു​ള്ള വ​ഴി​മ​ധ്യേ ശം​ഖ് മു​ഴ​ക്കും. ഊ​ര​ക​ത്ത​മ്മ​തി​രു​വ​ടി​യാ​ണ് ആ​റാ​ട്ടു​പു​ഴ​ക്ഷേ​ത്രം ആ​ദ്യം പ്ര​ദ​ക്ഷി​ണം വയ്ക്കു​ക.

ഓ​ചാ​ര​വും പൂ​ര വി​ളം​ബ​ര​വും

തൃ​പ്ര​യാ​ർ തേ​വ​ർ ആ​റാ​ട്ടി​ന് മ​ന്ദാ​രംക​ട​വി​ലേ​ക്ക് യാ​ത്ര​യാ​യാ​ൽ ആ​റാ​ട്ടു​പു​ഴ ശാ​സ്താ​വ് പു​റ​ത്തേ​ക്ക് എ​ഴു​ന്ന​ള്ളും. ക്ഷേ​ത്രം പ്ര​ദ​ക്ഷി​ണംവച്ച് യാ​ത്ര​യാ​കും. ദേ​വീ​ദേ​വ​ന്മാ​ർ​ക്ക് ഉ​പ​ചാ​ര​വും ചൊ​ല്ലും.

ചേ​ർ​പ്പ് ഭ​ഗ​വ​തി​ക്കും ഊ​ര​ക​ത്ത​മ്മ​ത്തി​രു​വ​ടി​ക്കും തേ​വ​ർ​ക്കും ശാ​സ്താ​വ് ഏ​ഴു​ക​ണ്ടം‌വ​രെ അ​ക​മ്പ​ടി പോ​കും. അ​വി​ടെ​വ​ച്ച് ആ​റാ​ട്ടു​പു​ഴ ശാ​സ്താ​വി​ന്‍റെ ജെ്യൗതി​ഷി​ക​ൻ ആ​റാ​ട്ടു​പു​ഴ ക​ണ്ണ​നാം​കു​ള​ത്ത് ക​ള​രി​ക്ക​ൽ ജ​ൻ​ജി​ത്ത് പ​ണി​ക്ക​ർ ഗ​ണി​ച്ച അ​ടു​ത്ത വ​ർ​ഷ​ത്തി​ലെ പൂ​ര​ത്തി​ന്‍റെ തീ​യ​തി ആ​റാ​ട്ടു​പു​ഴ ദേ​വ​സ്വം അ​ധി​കാ​രി വി​ളം​ബ​രം ചെ​യ്യും.

രാ​ജ​കീ​യ കി​രീ​ട​ത്തി​ന്‍റെ സൂ​ച​ക​മാ​യ മ​കു​ടം ഒ​ഴി​വാ​ക്കി​യാ​ണ് തേ​വ​രു​ടെ മ​ട​ക്ക​യാ​ത്ര. ഒ​പ്പം ഭ​ക്ത​രും മ​ട​ങ്ങും.