തൃ​പ്ര​യാ​ർ: തേ​വ​രു​ടെ പൂ​രാ​ഘോ​ ഷ​ത്തി​ന്‍റെ ഭാ​ഗ​മാ​യി അ​ഞ്ചാം ദി​വ​സ​മാ​യ ഇന്നലെ കാ​ല​ത്ത് തേ​വ​ർ​ക്ക് പു​ത്ത​ൻ​കു​ള​ത്തി​ൽ ആ​റാ​ട്ടും സ​മൂ​ഹ​മ​ഠം പ​റ​യും ന​ട​ത്തി. പ​ടി​ഞ്ഞാ​റെ ക​ര​യി​ലെ ഗ്രാ​മപ്ര​ദ​ക്ഷി​ണം പൂ​ർ​ത്തി​യാ​ക്കി തേ​വ​ർ വൈ​കീ​ട്ട് നി​യ​മ​വെ​ടി​ക്കു‌ശേ​ഷം കി​ഴ​ക്കേക​ര​യി​ലേ​ക്ക് സ്വ​ന്തം പ​ള്ളി​യോ​ട​ത്തി​ൽ പു​ഴക​ട​ന്ന് എ​ഴു​ന്ന​ള്ളി.

കു​ത്തുവി​ള​ക്കി​നു മു​ൻ​പി​ൽ ചേ​ങ്ങി​ല​യി​ൽ സ്ഥാ​പി​ച്ച തേ​വ​രു​ടെ തി​ട​മ്പ് ഘ​ടി​പ്പി​ച്ച കോ​ലം കു​ട​ശാ​ന്തി പി​ടി​ച്ചു. തൃ​ക്കോ​ൽ ശാ​ന്തി വ​ന്നേ​രി​പ്പ​റ​മ്പ് മ​ഠ​ത്തി​ലെ ര​തീ​ഷ് എ​മ്പ്രാ​ന്തി​രി ഓ​ടം തു​ഴ​ഞ്ഞു. ഇ​രു‌ക​ര​ക​ളി​ലും അ​ടി​യ​ന്ത​ര മാ​രാ​ന്മാ​ർ മാ​റി മാ​റി ശം​ഖ​നാ​ദ​ങ്ങ​ൾ മു​ഴ​ക്കി. രാ​മ​മ​ന്ത്ര മു​ഖ​രി​ത​മാ​യ അ​ന്ത​രീ​ക്ഷ​ത്തി​ൽ കി​ഴ​ക്കേ ക​ര​യി​ലെ​ത്തി​യ തേ​വ​രു​ടെ കോ​ലം മ​ണ്ഡ​പ​ത്തി​ൽ ഇ​റ​ക്കി എ​ഴു​ന്ന​ള്ളി​ച്ചു. ആ​മ​ല​ത്തു ത​റ​വാ​ട്ടു​കാ​രു​ടെ ആ​ദ്യ പ​റ സ്വീ​ക​രി​ച്ചു. തു​ട​ർ​ന്ന് ഊ​രാ​യ്മ ഇ​ല്ല​ങ്ങ​ളാ​യ പു​ന്ന​പ്പി​ള്ളി, ജ്ഞാ​ന​പ്പി​ള്ളി മ​ന​ക​ളി​ൽ പ​റ​ക​ൾ​ക്കും പൂ​ര​ത്തി​നു​മാ​യി എ​ഴു​ന്ന​ള്ളി​യ തേ​വ​രെ മൂ​ന്ന് ആ​ന​ക​ളു​ടെ​യും പ​ഞ്ച​വാ​ദ്യം, നാ​ഗ​സ്വ​ര മേ​ളം എന്നിവയുടെ അ​ക​മ്പ​ടി​യോ​ടെ കി​ഴ​ക്കേന​ട പൂ​രാ​ഘോ​ഷ ക​മ്മ​റ്റി സ്വീ​ക​രി​ച്ചു.

ചോ​റ്റാ​നി​ക്ക​ര സു​ഭാ​ഷ് മാ​രാ​ർ പ​ഞ്ച​വാ​ദ്യ​ത്തി​ന് പ്രാ​മാ​ണ്യം വ​ഹി​ച്ചു. തു​ട​ർ​ന്ന് തേ​വ​ർ ചേ​ലൂ​ർ പു​ന്ന​പ്പി​ള്ളി മ​ന​ക​ളി​ലേ​ക്ക് പൂ​ര​ത്തി​ന് പു​റ​പ്പെ​ട്ടു. തേ​വ​രു​ടെ എ​ഴു​ന്ന​ള്ളി​പ്പ് ചെ​മ്മാ​പ്പി​ള്ളി ആ​നേ​ശ്വ​രം മ​ഹാ​ദേ​വ​ക്ഷേ​ത്ര​ത്തി​നു മു​ന്നി​ലെ​ത്തി​യപ്പോൾ ഒ​ളി​ച്ചു​ക​ട​ക്ക​ൽ ച​ട​ങ്ങും ന​ട​ത്തി. ഇ​വി​ടെ എ​ത്തു​മ്പോ​ൾ വാ​ദ്യ​മേ​ള​ങ്ങ​ളും ആ​ന​യു​ടെ ക​ഴു​ത്തി​ലെ കു​ട​മ​ണി​ക​ൾ പോ​ലും നി​ശ​ബ്ദ​മാ​ക്കി​യാ​ണ് തേ​വ​ർ യാ​ത്ര ന​ട​ത്തു​ക. ആ​നേ​ശ്വ​ര​ത്തെ ശി​വ​ന് തൃ​പ്ര​യാ​ർ തേ​വ​ർ അ​ന്നുകൊ​യ്തുകി​ട്ടി​യ ഉ​രി​യ​രി നെ​ല്ലി​നും അ​ര​മു​റി നാ​ളി​കേ​ര​ത്തി​നും ക​ട​ക്കാ​ര​നാ​യ​തി​നാ​ൽ അ​തുകൊ​ടു​ത്തു തീ​ർ​ക്കാ​ൻ ക​ഴി​യാ​തെ മ​ഹാ​ദേ​വ​നെ ക​ബ​ളി​പ്പി​ച്ച് ഒ​ളി​ച്ചുയാ​ത്ര ചെ​യ്യു​ന്ന​താ​യാ​ണ് സ​ങ്ക​ല്പം.

പു​ല​ർ​ച്ചെ വ​ട​ക്കും​മു​റി ജ്ഞാ​ന​പ്പി​ള്ളി മ​ന​യി​ൽ എ​ത്തി പ​റയ്​ക്കുശേ​ഷം കു​ട്ട​ൻ​കു​ള​ത്തി​ൽ ആ​റാ​ട്ടും ഇ​വി​ടെ​യു​ള്ള പ​ത്നി​മാ​രോ​ടു​കൂ​ടി​യു​ള്ള ശാ​സ്താ‌ക്ഷേ​ത്ര​ത്തി​ൽ ഇ​റ​ക്കി​പ്പൂ​ജ​യും ന​ട​ത്തും. തൃ​പ്ര​യാ​ർ ക്ഷേ​ത്ര​ത്തി​ൽ പ​ണ്ട് ക്ഷേ​ത്രം അ​ട​ച്ചി​ട്ട് പൂ​ജ​ക​ൾ മു​ട​ങ്ങി​യ കാ​ല​ത്ത് ഏ​പ്രം മ​ന​ക്കാ​രു​ടെ വ​ഞ്ചി​യി​ൽ തേ​വ​രു​ടെ തി​ട​മ്പ് കു​ട്ടം​കു​ളം ക്ഷേ​ത്ര​ത്തി​ൽ എ​ത്തി​ച്ച് അ​വി​ടെ പൂ​ജ​ക​ൾ ന​ട​ത്തി​യി​രു​ന്നു. ഇ​വി​ടെ ഇ​ന്നും ക്ഷേ​ത്രം ത​ന്ത്രി ത​ന്നെ നേ​രി​ട്ടെ​ത്തി​യാ​ണ് ഇ​റ​ക്കി​പ്പൂ​ജ ന​ട​ത്തു​ന്ന​ത്. ഇ​ന്നു രാ​വി​ലെ തി​രി​ച്ചെ​ഴു​ന്ന​ള്ളു​ന്ന തേ​വ​ർ​ക്ക് പു​ത്ത​ൻ​കു​ള​ത്തി​ൽ ആ​റാ​ട്ട് ന​ട​ക്കും. വൈ​കീ​ട്ട് തേ​വ​ർ ത​ന്ത്രി ഇ​ല്ല​മാ​യ കി​ഴു​പ്പി​ള്ളി​ക്ക​ര ത​ര​ണ​നെ​ല്ലൂ​ർ പ​ടി​ഞ്ഞാ​റെ മ​ന​യി​ലേ​ക്ക് സ്വ​ർ​ണ​ക്കോ​ല​ത്തി​ൽ എ​ഴു​ന്ന​ള്ളും.
വൈ​കു​ന്നേ​ര​ത്തെ നി​യ​മവെ​ടി ആ​മ​ല​ത്തുപാ​ട​ത്ത് മു​ഴ​ക്കും. പ​ടി​ഞ്ഞാ​റെ മ​ന​യി​ൽ എ​ത്തു​ന്ന തേ​വ​രെ മൂ​ന്ന് ആ​ന​ക​ളോ​ടെ പ​ഞ്ച​വാ​ദ്യം, മേ​ളം എ​ന്നി​വ​യോ​ടെ സ്വീ​ക​രി​ക്കും. തു​ട​ർ​ന്ന് മ​ന​യി​ൽ ഇ​റ​ക്കി​പ്പൂ​ജ​യും ചെ​മ്പി​ലാ​റാ​ട്ടും ന​ട​ക്കും.