സ്വ​ന്തം ലേ​ഖ​ക​ൻ

തൃ​ശൂ​ർ: വി​വി​ധ ആ​വ​ശ്യ​ങ്ങ​ളു​ന്ന​യി​ച്ചു ജി​ല്ല​യി​ലെ വ​ന​പാ​ല​ക​ർ സ​മ​ര​ത്തി​ലേ​ക്ക്. അ​ക​മ​ല, വാ​ണി​യ​ന്പാ​റ, പൊ​ങ്ങ​ണം​കാ​ട് ഫോ​റ​സ്റ്റ് സ്റ്റേ​ഷ​നു​ക​ൾ വ​ന​സം​ര​ക്ഷ​ണ പ്ര​വ​ർ​ത്ത​ന​ങ്ങ​ൾ ന​ട​ത്തേ​ണ്ടെ​ന്നു​പ​റ​ഞ്ഞു വ​നം​വ​കു​പ്പ് പൂ​ട്ടി​യി​രു​ന്നു. ഇ​വി​ടെ​യു​ണ്ടാ​യി​രു​ന്ന ഉ​ദ്യോ​ഗ​സ്ഥ​രെ പീ​ച്ചി ഡി​വി​ഷ​നി​ലെ ക​വ​ല ഫോ​റ​സ്റ്റ് സ്റ്റേ​ഷ​ൻ, ചി​മ്മി​നി ഫോ​റ​സ്റ്റ് സ്റ്റേ​ഷ​ൻ എ​ന്നി​വ​ട​ങ്ങ​ളി​ലാ​ണു വി​ന്യ​സി​ച്ച​ത്. വ​നം​വ​കു​പ്പി​ന്‍റെ നി​ർ​ദേ​ശ​പ്ര​കാ​രം പൂ​ട്ടി​യ വ​ര​വൂ​ർ ചി​റ്റ​ണ്ട മേ​ഖ​ല​യി​ലെ പൂ​ങ്ങോ​ട് സ്റ്റേ​ഷ​ൻ വ​ന​പാ​ല​ക​രു​ടെ സ​മ്മ​ർ​ദ​ത്തെ​ത്തു​ട​ർ​ന്ന് അ​ടു​ത്തി​ടെ തു​റ​ന്നി​രു​ന്നു.

അ​ക​മ​ല, പൊ​ങ്ങ​ണം​കാ​ട് മേ​ഖ​ല​യി​ൽ വ​ന്യ​ജീ​വി​ആ​ക്ര​മ​ണം, ച​ന്ദ​ന​മ​രം​മു​റി​ക്ക​ൽ തു​ട​ങ്ങി ഇ​രു​പ​തോ​ളം കേ​സു​ക​ൾ ഒ​രു വ​ർ​ഷം ഉ​ണ്ടാ​കാ​റു​ണ്ടെ​ന്നു വ​ന​പാ​ല​ക​ർ പ​റ​യു​ന്നു. ഷോ​ള​യാ​ർ, മു​ക്കും​പു​ഴ, വാ​ഴാ​നി, എ​ള​നാ​ട്, കൊ​ന്ന​ക്കു​ഴി സ്റ്റേ​ഷ​നു​ക​ൾ ശോ​ച്യാ​വ​സ്ഥ​യി​ലാ​ണ്. കേ​ടു​പാ​ടു​ക​ൾ സം​ഭ​വി​ച്ച വാ​ഴാ​നി സ്റ്റേ​ഷ​ൻ കെ​ട്ടി​ടം അ​റ്റ​കു​റ്റ​പ്പ​ണി ചെ​യ്യാ​ൻ സാ​ധി​ക്കാ​ത്ത സ്ഥി​തി​യി​ലാ​ണെ​ന്നു വ​ട​ക്കാ​ഞ്ചേ​രി ബി​ൽ​ഡിം​ഗ് സെ​ക്്ഷ​ൻ അ​സി. എ​ൻ​ജി​നീ​യ​ർ 2024 ഏ​പ്രി​ൽ 26നു ​റി​പ്പോ​ർ​ട്ട്

ന​ൽ​കി​യി​രു​ന്നു. എ​ന്നാ​ൽ ല​ക്ഷ​ങ്ങ​ൾ ചെ​ല​വ​ഴി​ച്ചാ​ണു മേ​ല​ധി​കാ​രി​ക​ളു​ടെ ഓ​ഫീ​സും ഒൗ​ദ്യോ​ഗി​ക​വ​സ​തി​ക​ളും മോ​ടി​പി​ടി​പ്പി​ക്കു​ന്ന​തെ​ന്ന് കേ​ര​ള ഫോ​റ​സ്റ്റ് പ്രൊ​ട്ട​ക്ടീ​വ് സ്റ്റാ​ഫ് അ​സോ​സി​യേ​ഷ​ൻ ആ​രോ​പി​ച്ചു. ചാ​ല​ക്കു​ടി, തൃ​ശൂ​ർ മേ​ഖ​ല​യി​ലെ ജീ​വ​ന​ക്കാ​ർ​ക്കു ന​ൽ​കാ​തെ ത​ട​ഞ്ഞു​വ​ച്ചി​രി​ക്കു​ന്ന അ​ർ​ഹ​മാ​യ ക്വാ​ർ​ട്ടേ​ഴ്സ് അ​നു​വ​ദി​ക്ക​ണ​മെ​ന്നും ഇ​വ​ർ ആ​വ​ശ്യ​പ്പെ​ട്ടു. ആ​ർ​ആ​ർ​ടി രൂ​പീ​ക​രി​ച്ചി​ട്ടു​ണ്ടെ​ങ്കി​ലും നി​ല​വി​ൽ ഒ​രു​ദ്യോ​ഗ​സ്ഥ​നെ മാ​ത്ര​മാ​ണ് ഇ​തി​നാ​യി നി​യ​മി​ച്ചി​ട്ടു​ള്ള​ത്. ആ​വ​ശ്യ​ത്തി​ന് ഓ​ഫീ​സ് പോ​ലു​മി​ല്ല.

ഇ​ത്ത​രം നീ​തി​നി​ഷേ​ധ​ങ്ങ​ൾ​ക്കെ​തി​രേ നി​ര​വ​ധി​ത​വ​ണ പ​രാ​തി ന​ൽ​കി​യി​ട്ടും യാ​തൊ​രു പ​രി​ഹാ​ര​വും ഉ​ണ്ടാ​കാ​ത്ത സാ​ഹ​ച​ര്യ​ത്തി​ൽ കേ​ര​ള ഫോ​റ​സ്റ്റ് പ്രോ​ട്ട​ക്റ്റീ​വ് സ്റ്റാ​ഫ് അ​സോ​സി​യേ​ഷ​ൻ ഒ​ൻ​പ​തി​ന് പ​റ​വ​ട്ടാ​നി മ​ധ്യ​മേ​ഖ​ല വ​നം​ആ​സ്ഥാ​ന​ത്തി​നു​മു​ന്നി​ൽ സ​മ​രം ന​ട​ത്തും. മ​ധ്യ​മേ​ഖ​ല വ​നം ക​ണ്‍​സ​ർ​വേ​റ്റ​ർ ഇ​ന്നു വൈ​കി​ട്ട് സം​ഘ​ട​നാ​ഭാ​ര​വാ​ഹി​ക​ളെ ഈ ​വി​ഷ​യ​ത്തി​ൽ ച​ർ​ച്ച​യ്ക്കു വി​ളി​ച്ചി​ട്ടു​ണ്ട്. ച​ർ​ച്ച​യി​ൽ പ​രി​ഹാ​ര​മാ​യി​ല്ലെ​ങ്കി​ൽ ന്യാ​യ​മാ​യ ആ​വ​ശ്യ​ങ്ങ​ൾ നേ​ടി​യെ​ടു​ക്കാ​ൻ ഏ​ത​റ്റം​വ​രെ​യും പോ​കു​മെ​ന്നു ഭാ​ര​വാ​ഹി​ക​ൾ പ​റ​ഞ്ഞു.