ചാ​വ​ക്കാ​ട്: പാ​ല​യൂ​ർ മ​ഹാ​തീ​ർ​ഥാ​ട​ന​ത്തി​ന്‍റെ ഭാ​ഗ​മാ​യി മ​ത്സ്യ​ത്തൊ​ഴി​ലാ​ളി​ക​ൾ ന​ട​ത്തി​യ പ​ദ​യാ​ത്ര വേ​റി​ട്ട പ്രാ​ർ​ഥ​ന കൊ​ണ്ടു ശ്ര​ദ്ധേ​യ​മാ​യി. സീ​സ​ൺ മ​ത്സ്യ​ബ​ന്ധ​ന​വും മ​ത്സ്യ​ബോ​ട്ടി​ലെ ജോ​ലി​യു​മാ​യി ആ​യി​ര​ത്തി​ല​ധി​കം മ​ത്സ്യ​ത്തൊ​ഴി​ലാ​ളി​ക​ൾ ചാ​വ​ക്കാ​ട് മേ​ഖ​ല​യി​ൽ ത​മ്പ​ടി​ച്ചി​ട്ടു​ണ്ട്.

കൊ​ല്ലം തി​രു​വ​ന​ന്ത​പു​രം, കു​ ള​ച്ച​ൽ, ക​ന്യാ​കു​മാ​രി തു​ട​ങ്ങി​യ സ്ഥ​ല​ങ്ങ​ളി​ൽ നി​ന്നെ​ത്തി​യ തെ​ക്ക​ൻ ചേ​ട്ട​ൻ​മാ​ർ എ​ന്നു​വി​ളി​ക്കു​ന്ന നൂ​റു​ക​ണ​ക്കി​നു മ​ത്സ്യ​ ത്തൊ​ഴി​ലാ​ളി​ക​ളാ​ണ് വി​ശുദ്ധ കു​രി​ശും പേ​പ്പ​ൽ പ​താ​ക​യും തൊ​പ്പി​യും ധ​രി​ച്ച് കു​രി​ശി​ന്‍റെ വ​ഴി​യു​ടെ പ്രാ​ർ​ഥ​ന​യും പാ​ട്ടും ത​മി​ഴ് ഭാ​ഷ​യി​ൽ ഉ​ച്ച​ത്തി​ൽ ചൊ​ല്ലി പ​ദ​യാ​ത്ര​യി​ൽ പ​ങ്കാ​ളി​ക​ളാ​യ​ത്.

ബ്ലാ​ങ്ങാ​ട് സാ​ന്ത്വ​ന​തീ​ര​ത്തു​നി​ന്ന് ആ​രം​ഭി​ച്ച പ​ദ​യാ​ത്ര ന​യി​ക്കാ​ൻ ആ​ർ​ച്ച്ബി​ഷ​പ് മാ​ർ ആ​ൻ​ഡ്രൂ​സ് താ​ഴ​ത്ത് എ​ത്തി​യ​തോ ​ടെ ക​ട​ലി​ന്‍റെ മ​ക്ക​ൾ ആ​വേ​ശ​ത്തി​ലാ​യി. ബ്ലാ​ങ്ങാ​ട് നി​ന്നാ​രം​ഭി​ച്ച് ചാ​വ​ക്കാ​ട് ടൗ​ൺ വ​ഴി പാ​ല​യൂ​ർ പ​ള്ളി​യി​ൽ എ​ത്തി ത​മി​ഴി​ൽ സമാപനപ്രാർഥന ഏ​റ്റു‌ ചൊ​ല്ലി​യാ​ണ് സ​മാ​പി​ച്ച​ത്.

തീ​ർ​ഥാ​ട​ന പ​ദ​യാ​ത്ര​യ്ക്ക് ഫാ. ​ജോ​ജു ആ​ളൂ​ർ, ഫാ. ​ഡി​ക്സ​ൺ കൊ​ള​മ്പ​റ​ത്ത്, ഒ.എ. ​മാ​ത്യൂ​സ്, ടോ​ണി ആ​ന്‍റ​ണി, പ​ന​ക്ക​ൽ ജോ​സ്, എം.​എ. അ​രു​ൺ, പി. ​ജെ​സ്റ്റി​ൻ തു​ട​ങ്ങി​യ​വ​ർ നേ​തൃ​ത്വം ന​ൽ​കി.