കാ​ല​ടി: കു​റ്റി​പ്പാ​റ ഭാ​ഗ​ത്ത് നൈ​റ്റ് പ​ട്രോ​ളിംഗ് ഡ്യൂ​ട്ടി​യി​ലാ​യി​രു​ന്ന പോ​ലീ​സ് ഉ​ദ്യോ​ഗ​സ്ഥ​രെ ആ​ക്ര​മി​ച്ച നേ​പ്പാ​ൾ സ്വ​ദേ​ശി​ക​ളെ അ​റ​സ്റ്റ് ചെ​യ്തു. നേ​പ്പാ​ൾ സ്വ​ദേ​ശി​ക​ളാ​യ ഗീ​ത ലിം​ബ് (38), സു​മ​ൻ (36) എ​ന്നി​വ​രെ​യാ​ണ് അ​യ്യ​മ്പു​ഴ പോ​ലീ​സ് അ​റ​സ്റ്റ് ചെ​യ്ത​ത്. അ​യ്യ​മ്പു​ഴ പോ​ലീ​സ് സ്റ്റേ​ഷ​ൻ പ​രി​ധി​യി​ൽ കു​റ്റി​പ്പാ​റ ഭാ​ഗ​ത്ത് ഇ​ന്ന​ലെ പു​ല​ർ​ച്ചെ ര​ണ്ടോ​ടെ​യാ​യി​രു​ന്നു സം​ഭ​വം.

കു​റ്റി​പ്പാ​റ പ​ള്ളി ഭാ​ഗ​ത്ത് റോ​ഡ​രി​കി​ൽ സ്കൂ​ട്ട​റി​ൽ ഇ​രി​ക്കു​ക​യാ​യി​രു​ന്ന ര​ണ്ടു പേ​ർ പോ​ലീ​സി​നെ ക​ണ്ട​തോ​ടെ അ​മി​ത വേ​ഗ​ത്തി​ൽ വാ​ഹ​നം ഓ​ടി​ച്ചു പോ​യി. ഇ​വ​രെ പി​ന്തു​ട​ർ​ന്ന് ത​ട​ഞ്ഞു നി​ർ​ത്തി പോ​ലീ​സ് ചോ​ദ്യം ചെ​യ്ത​പ്പോ​ൾ പ​ര​സ്പ​ര വി​രു​ദ്ധ​മാ​യ മ​റു​പ​ടി​യാ​ണ് ന​ല്കി​യ​ത്.

തുടർന്ന് എ​സ്ഐ ജോ​ർ​ജ്, സി​പി​ഒ അ​രു​ൺ എ​ന്നി​വ​ർ ഇ​വ​രു​ടെ ഫോ​ൺ പ​രി​ശോ​ധി​ക്കു​ന്ന​തി​നി​ടെ ഗീ​ത എ​സ്ഐ​യു​ടെ മു​ഖ​ത്ത് ഇ​ടി​ക്കു​ക​യാ​യി​രു​ന്നു. നാ​ട്ടു​കാ​രു​ടെ​ സ​ഹാ​യ​ത്തോ​ടെ ഇ​രു​വ​രെ​യും വാ​ഹ​ന​ത്തി​ൽ ക​യ​റ്റി​യ​പ്പോ​ൾ വാ​ഹ​ന​ത്തി​ൽ നി​ന്ന് പു​റ​ത്ത് ചാ​ടാ​നാ​യി ഗീ​ത ശ്ര​മി​ച്ചു.
തു​ട​ർ​ന്ന് സ്റ്റേ​ഷ​നി​ൽ​നി​ന്ന് ഡ​ബ്ല്യു​എ​എ​സ്ഐ പി.സി. റോ​സ, പ്ര​സാ​ദ് എ​ന്നി​വ​രെ കൂ​ടി വി​ളി​ച്ചു​വ​രു​ത്തി​യാ​ണ് ഇ​രു​വ​രെ​യും സ്റ്റേ​ഷ​നി​ലേ​ക്ക് കൊ​ണ്ടു​പോ​യ​ത്.

മെ​ഡി​ക്ക​ൽ പ​രി​ശോ​ധ​ന​യ്ക്കാ​യി അ​ങ്ക​മാ​ലി താ​ലൂ​ക്ക് ആ​ശു​പ​ത്രി​യി​ലേ​ക്ക് കൊ​ണ്ടു​പോ​കുന്ന​തി​നി​ടെ​യാ​ണ് പോ​ലീ​സ് ഉ​ദ്യോ​ഗ​സ്ഥ​രെ പ്ര​തി ക​ടി​ക്കു​ക​യും മാ​ന്തു​ക​യും ചെ​യ്ത​ത്. പ​രി​ശോ​ധ​ന​യ്ക്കു​ശേ​ഷം പ്ര​തി​ക​ളെ സ്റ്റേ​ഷ​നി​ലേ​ക്ക് കൊ​ണ്ടു​പോ​യി. പോ​ലീ​സ് ഉ​ദ്യോ​ഗ​സ്ഥ​രെ ആ​ക്ര​മി​ച്ച​തി​ന് ഇ​വ​രു​ടെ പേ​രി​ൽ കേ​സ് ര​ജി​സ്റ്റ​ർ ചെ​യ്തു.