കൊ​ച്ചി: ആ​ശാ വ​ര്‍​ക്ക​ര്‍​മാ​ര്‍​ക്ക് നി​ല​വി​ല്‍ ല​ഭി​ച്ചു​കൊ​ണ്ടി​രി​ക്കു​ന്ന ഓ​ണ​റേ​റി​യ​ത്തി​ന് പു​റ​മേ ന​ഗ​ര​സ​ഭ​യു​ടെ വി​ഹി​ത​മാ​യി 3000 രൂ​പ അ​ധി​ക​മാ​യി ന​ല്‍​ക​ണ​മെ​ന്ന് ആ​വ​ശ്യ​പ്പെ​ട്ടു​ള്ള കോ​ണ്‍​ഗ്ര​സി​ന്‍റെ പ്ര​മേ​യം ച​ര്‍​ച്ച​യ്‌​ക്കെ​ടു​ത്തി​ല്ല. ഭ​ര​ണ​പ​ക്ഷം അ​ട​ക്കം വി​ഷ​യ​ത്തി​ല്‍ ച​ര്‍​ച്ച​ക​ള്‍ ന​ട​ത്തു​മെ​ന്നും അ​ത് കൗ​ണ്‍​സി​ല്‍ യോ​ഗം നീ​ണ്ടു​പോ​കാ​ന്‍ ഇ​ട​യാ​ക്കു​മെ​ന്നും ചൂ​ണ്ടി​ക്കാ​ട്ടി​യാ​യി​രു​ന്നു മേ​യ​ര്‍ അ​ഡ്വ.​എം. അ​നി​ല്‍​കു​മാ​ര്‍ പ്ര​മേ​യാ​വ​ത​ര​ണ​ത്തി​ന് അ​നു​മ​തി നി​ഷേ​ധി​ച്ച​ത്. അ​ടു​ത്ത മാ​സം ന​ട​ക്കു​ന്ന കൗ​ണ്‍​സി​ല്‍ വി​ഷ​യം പ്ര​ത്യേ​ക​മാ​യി ച​ര്‍​ച്ച ചെ​യ്യാ​മെ​ന്നും മേ​യ​ര്‍ പ​റ​ഞ്ഞു.

കോ​ണ്‍​ഗ്ര​സ് കൗ​ണ്‍​സി​ല​റും മ​രാ​മ​ത്ത് സ്ഥി​രം സ​മി​തി അ​ധ്യ​ക്ഷ​യു​മാ​യ വി.​കെ. മി​നി​മോ​ളാ​ണ് പ്ര​മേ​യം ന​ല്‍​കി​യ​ത്. വി​ഷ​യം ഗൗ​ര​വ​മു​ള്ള​താ​ണെ​ന്നും അ​വ​ത​ര​ണ​ത്തി​ന് അ​നു​മ​തി ന​ല്‍​ക​ണ​മെ​ന്നും മി​നി​മോ​ള്‍ ആ​വ​ശ്യ​പ്പെ​ട്ടു.

എ​ന്നാ​ല്‍ മേ​യ​ര്‍ അ​വ​ശ്യം നി​രാ​ക​രി​ക്കു​ക​യാ​ണു​ണ്ടാ​യ​ത്. തു​ട​ര്‍​ന്ന് പ്ര​മേ​യ അ​വ​താ​ര​ക​യെ കാ​ര്യ​മാ​യി പു​ക​ഴ്ത്തു​ക​യും ചെ​യ്തു. മ​രാ​മ​ത്ത് സ്റ്റാ​ന്‍​ഡിം​ഗ് ക​മ്മി​റ്റി ചെ​യ​ര്‍​പേ​ഴ്‌​സ​ണ്‍ എ​ന്ന നി​ല​യി​ല്‍ മി​നി​മോ​ളു​ടെ പ്ര​വ​ര്‍​ത്ത​നം പ്ര​ശം​സ​നീ​യ​മാ​ണ് എ​ന്നാ​യി​രു​ന്നു മേ​യ​റു​ടെ ക​മ​ന്‍റ്. ഇ​തി​ൽ മ​നം​നി​റ​ഞ്ഞ അ​വ​താ​ര​ക പി​ന്‍​വാ​ങ്ങു​ക​യും ചെ​യ്തു.

എ​മ്പു​രാ​ന് കൗ​ണ്‍​സി​ലി​ല്‍ എ​ന്ത് കാ​ര്യം?

എ​മ്പു​രാ​ന്‍ സി​നി​മ​യെ രാ​ഷ്ട്രീ​യ ആ​യു​ധ​മാ​ക്കാ​നു​ള്ള കോ​ൺ​ഗ്ര​സ് വ​നി​താ കൗ​ൺ​സി​ല​റു​ടെ നീ​ക്കം പാ​ളി. ന​ട​പ്പ് സാ​മ്പ​ത്തി​ക വ​ര്‍​ഷ​ത്തെ അ​വ​സാ​ന കൗ​ണ്‍​സി​ലാ​യി​രി​ക്കെ, സു​പ്ര​ധാ​ന വി​ഷ​യ​ങ്ങ​ളി​ലെ ച​ര്‍​ച്ച ത​ട​സ​പ്പെ​ടു​ത്തി, കെ​പി​സി​സി ജ​ന​റ​ല്‍ സെ​ക്ര​ട്ട​റി​യും ക​റു​ക​പ്പ​ള്ളി കൗ​ണ്‍​സി​ല​റു​മാ​യ ദീ​പ്തി മേ​രി വ​ര്‍​ഗീ​സാ​ണ് കൗ​ണ്‍​സി​ലു​മാ​യി യാ​തൊ​രു ബ​ന്ധ​വു​മി​ല്ലാ​ത്ത വി​ഷ​യ​വു​മാ​യി എ​ഴു​ന്നേ​റ്റ​ത്.

മ​ല​യാ​ള​സി​നി​മ​യെ ലോ​ക സി​നി​മ​യു​ടെ നെ​റു​ക​യി​ല്‍ എ​ത്തി​ച്ച എ​മ്പു​രാ​ന്‍ ടീ​മി​ന് അ​ഭി​ന​ന്ദ​നം എ​ന്ന് പ​റ​ഞ്ഞാ​യി​രു​ന്നു ദീ​പി​തി​യു​ടെ വി​ഷ​യാ​വ​ത​ര​ണം. ദീ​പ്തി ഉ​ന്നം​വ​ച്ച രാ​ഷ്ട്രീ​യം തി​രി​ച്ച​റി​ഞ്ഞ ബി​ജെ​പി​യും സി​പി​എ​മ്മു​മാ​ക​ട്ടെ വി​ഷ​യ​ത്തി​ല്‍ യാ​തൊ​രു​വി​ധ പ്ര​തി​ക​ര​ണ​വും ന​ട​ത്തി​യു​മി​ല്ല. ഇ​തോ​ടെ രാ​ഷ്ട്രീ​യ ഉ​ദ്ദേ​ശം പാ​ളി​യെ​ന്ന് ബോ​ധ്യ​പ്പെ​ട്ട ദീ​പ്തി അ​ജ​ണ്ട​യി​ല്‍​മേ​ല്‍ ന​ട​ന്ന ച​ര്‍​ച്ച​ക​ളി​ല്‍ യാ​തൊ​രു​വി​ധ അ​ഭി​പ്രാ​യ​വും പ​റ​യാ​തെ നി​ശ​ബ്ദ​യാ​യി കൗ​ണ്‍​സി​ലി​ല്‍ തു​ട​ര്‍​ന്നു.