നെ​ടു​മ്പാ​ശേ​രി​ പഞ്ചായത്ത്

നെ​ടു​മ്പാ​ശേ​രി: മാ​ലി​ന്യ​മു​ക്ത ന​വ​കേ​ര​ളം കാ​മ്പ​യി​നി​ന്‍റെ ഭാ​ഗ​മാ​യി നെ​ടു​മ്പാ​ശേ​രി പ​ഞ്ചാ​യ​ത്തി​നെ മാ​ലി​ന്യ മു​ക്ത പ​ഞ്ചാ​യ​ത്താ​യ പാ​റ​ക്ക​ട​വ് ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് ടി.വി. പ്ര​ദീ​ഷ് പ്ര​ഖ്യാ​പി​ച്ചു. പ​ഞ്ചാ​യ​ത്ത് പ്ര​സി​ഡ​ന്‍റ് എ.വി. സു​നി​ല്‍ അ​ധ്യ​ക്ഷ​നാ​യി​രു​ന്നു. ഇതിന്‍റെ ഭാഗമായി പൊ​തു​കാ​ന​ക​ളി​ലേ​ക്ക് ഒ​ഴു​ക്കു​ന്ന മാ​ലി​ന്യ പൈ​പ്പു​ക​ള്‍ ക​ണ്ടെ​ത്തി അ​ട​ച്ചു.

നി​യ​മ​ലം​ഘ​ന​ങ്ങ​ള്‍​ക്കെ​തി​രെ പ​രി​ശോ​ധ​ന​ക​ള്‍ ക​ര്‍​ശ​ന​മാ​ക്കി. ഹ​രി​ത​ക​ര്‍​മസേ​ന​യു​ടെ ഹ​രി​ത​മി​ത്രം ആ​പ്പ് വ​ഴി​യു​ള​ള സേ​വ​നം 100 ശ​ത​മാ​നം കൈ​വ​രി​ച്ച​താ​യി പ​ഞ്ചാ​യ​ത്ത് പ്ര​സി​ഡന്‍റ് ഏ.വി. സു​നി​ൽ പ​റ​ഞ്ഞു.

വരാപ്പുഴ പഞ്ചായത്ത്

വ​രാ​പ്പു​ഴ: വ​രാ​പ്പു​ഴ പ​ഞ്ചാ​യ​ത്തി​നെ സ​മ്പൂ​ർ​ണ ശു​ചി​ത്വ പ​ഞ്ചാ​യ​ത്താ​യി ജി​ല്ലാ​പ​ഞ്ചാ​യ​ത്തംഗം ​യേ​ശു​ദാ​സ് പ​റ​പ്പി​ള്ളി പ്ര​ഖ്യാ​പി​ച്ചു. പ​ഞ്ചാ​യ​ത്ത് പ്ര​സി​ഡ​ന്‍റ് കൊ​ച്ചു​റാ​ണി ജോ​സ​ഫ് അ​ധ്യ​ക്ഷ​യാ​യി. റാ​ണി മ​ത്താ​യി, ഹാ​ൻ​സ​ൻ മാ​ത്യു, സി.​വി. ജി​ജി, എ​ൻ.​എ​സ്. സ്വ​രൂ​പ്, പ്രി​യ ഭ​ര​ത​ൻ എ​ന്നി​വ​ർ സം​സാ​രി​ച്ചു.

ചേന്ദമംഗലം പഞ്ചായത്ത്

ചേന്ദമംഗലം: ചേന്ദമംഗലം പഞ്ചായത്തിനെ സമ്പൂർണ മാലിന്യമുക്ത പഞ്ചായത്തായി അഡീഷണൽ ഡിസ്ട്രിക്ട് മജിസ്ട്രേറ്റ് വിനോദ് രാജ് പ്രഖ്യാപിച്ചു. പഞ്ചായത്ത് പ്രസിഡന്‍റ് ലീന വിശ്വൻ അധ്യക്ഷയായി. ഹരിത വിനോദ സഞ്ചാര കേന്ദ്രത്തിനുളള പുരസ്കാരം പാലിയം വിനോദ സഞ്ചാര കേന്ദ്രത്തിന്‍റെ പ്രതിനിധി എഡിഎമ്മിൽ നിന്നും എറ്റുവാങ്ങി.

ഉ​ദ​യം​പേ​രൂ​ർ പഞ്ചായത്ത്

ഉ​ദ​യം​പേ​രൂ​ർ: ഉ​ദ​യം​പേ​രൂ​ർ ഗ്രാ​മ​പ​ഞ്ചാ​യ​ത്ത് മാ​ലി​ന്യ​മു​ക്ത ഹ​രി​ത പ​ഞ്ചാ​യ​ത്താ​യി പ്ര​ഖ്യാ​പി​ച്ചു. ചി​ത്ര​കാ​ര​ൻ ബി​നു​രാ​ജ് ക​ലാ​പീ​ഠം പ്ര​ഖ്യാ​പ​നം ന​ട​ത്തി. ച​ട​ങ്ങി​ന്‍റെ ഉ​ദ്ഘാ​ട​നം പ​ഞ്ചാ​യ​ത്ത് പ്ര​സി​ഡ​ന്‍റ് സ​ജി​ത മു​ര​ളി നി​ർ​വ​ഹി​ച്ചു. വൈ​സ് പ്ര​സി​ഡ​ന്‍റ് എ​സ്.​എ.​ഗോ​പി അ​ധ്യ​ക്ഷ​ത വ​ഹി​ച്ചു.

വടക്കേക്കര പഞ്ചായത്ത്

വടക്കേക്കര: വടക്കേക്കര പഞ്ചായത്തിനെ സമ്പൂർണ ശുചിത്വ പഞ്ചായത്തായി പ്രസിഡന്‍റ് രശ്മി അനിൽകുമാർ പ്രഖ്യാപിച്ചു. വൈസ് പ്രസിഡന്‍റ് വി.എസ്. സന്തോഷ് അധ്യക്ഷനായി.

ഏഴിക്കര പഞ്ചായത്ത്

ഏഴിക്കര: ഏഴിക്കര പഞ്ചായത്തിനെ സമ്പൂർണ മാലിന്യ മുക്തമായി പറവൂർ ബ്ലോക്ക് പഞ്ചായത്ത് പ്രസിഡന്‍റ് കമല സദാനന്ദൻ പ്രഖ്യാപിച്ചു. പഞ്ചായത്ത് പ്രസിഡന്‍റ് എം.എസ്. രതീഷ് അധ്യക്ഷനായി.