നെ​ടു​മ്പാ​ശേ​രി: പ്ര​ള​യ കാ​ല​ത്ത് ചാ​ല​ക്കു​ടി​പ്പു​ഴ​യോ​ര​ത്ത് പാ​യ്ത്തി​രു​ത്തി​നോ​ട് ചേ​ർ​ന്ന് എ​ക്ക​ൽ മ​ണ്ണ​ടി​ഞ്ഞു ക​ര രൂ​പ​പ്പെ​ട്ടി​ട്ടു​ള്ള ഭാ​ഗം പു​ഴ കൈ​യേ​റി സ്വ​കാ​ര്യ വ്യ​ക്തി നി​ർ​മാ​ണം ന​ട​ത്തു​ന്ന​താ​യി പ​രാ​തി. ക​ഴി​ഞ്ഞ​ദി​വ​സം മ​ണ്ണു​മാ​ന്തി യ​ന്ത്രം ഉ​പ​യോ​ഗി​ച്ച് പു​ഴ​യി​ൽ​നി​ന്നും എ​ക്ക​ൽ മ​ണ്ണെ​ടു​ത്ത് പു​റ​മ്പോ​ക്ക് കൈ​യേ​റി​യ​താ​യും പ​രാ​തി​യു​ണ്ട്.

20 മീ​റ്റ​ർ വീ​തി​യി​ലും 150 മീ​റ്റ​ർ നീ​ള​ത്തി​ലു​മാ​ണ് കൈ​യേ​റ്റം ന​ട​ന്നി​ട്ടു​ള്ള​ത​ത്രേ. പ​ഴ​യ​കാ​ല​ത്ത് സ്ഥാ​പി​ച്ച ഇ​റി​ഗേ​ഷ​ൻ മോ​ട്ടോ​ർ സ്ഥാ​ന​മാ​ണ് യ​ഥാ​ർ​ഥ അ​തി​ർ​ത്തി പ്ര​ദേ​ശ​മെ​ന്ന് നാ​ട്ടു​കാ​ർ പ​റ​യു​ന്നു.

പു​ഴ​യി​ൽ കാ​ന താ​ഴ്ത്തി ബ​ണ്ട് കെ​ട്ടു​വാ​നു​ള്ള ശ്ര​മം കൂ​ടി ന​ട​ക്കു​ന്നു​ണ്ട്. സ്വ​കാ​ര്യ വ്യ​ക്തി​യു​ടെ വ​സ്തു​വി​നോ​ട് ചേ​ർ​ന്നാ​ണ് ഈ ​പ്ര​വ​ർ​ത്ത​നം ന​ട​ക്കു​ന്ന​ത്. സ​മീ​പ​പ്ര​ദേ​ശ​വാ​സി​ക​ളും പാ​യ് തു​രു​ത്ത്ദ്വീ​പ് നി​വാ​സി​ക​ളും പ്ര​തി​ഷേ​ധ​വു​മാ​യി രം​ഗ​ത്തു​ണ്ട്.

വി​വ​ര​മ​റി​ഞ്ഞ് സി​പി​എം ​കു​ന്നു​ക​ര ലോ​ക്ക​ൽ ക​മ്മി​റ്റി സെ​ക്ര​ട്ട​റി വി.കെ. അനി​ൽ പ്ര​ദേ​ശം സ​ന്ദ​ർ​ശി​ച്ചു. റ​വ​ന്യൂ അ​ധി​കാ​രി​ക​ളാ​യ ത​ഹ​സി​ൽ​ദാ​രെ​യും വി​ല്ലേ​ജ് ഓ​ഫീ​സ​റെ​യും വി​വ​ര​മ​റി​യി​ച്ചു.

നേതാക്കളായ എ​ൽ.എ. ​മോ​ഹ​ന​ൻ, കെ.എ. ഹ​രി​ദാ​സ്, മു​ര​ളി ബാ​ല​ൻ, രാ​ജു അ​യ്യ​പ്പ​ൻ​കു​ട്ടി, കെ.എ. രാ​ജു, കെ.എം. മ​ധു, ശ്യാം ​ശ​ശി എ​ന്നി​വ​രും പ്ര​ദേ​ശം സ​ന്ദ​ർ​ശി​ച്ചു. അടുത്തദിവസം റ​വ​ന്യൂ അ​ധി​കാ​രി​ക​ൾ​ക്ക് രേ​ഖാ മൂ​ലം പ​രാ​തി ന​ൽ​കു​മെ​ന്ന് സി​പി​എം ​ബ്രാ​ഞ്ച് സെ​ക്ര​ട്ട​റി കെ.എ. ഹ​രി​ദാ​സ് അ​റി​യി​ച്ചു.