തൃ​പ്പൂ​ണി​ത്തു​റ: ആ​രോ​ഗ്യത്തിനും ശു​ചി​ത്വ​ത്തി​നും സാ​മൂ​ഹ്യ​ക്ഷേ​മ​ത്തി​നും മു​ൻ​ഗ​ണ​ന ന​ൽ​കി തൃ​പ്പൂ​ണി​ത്തു​റ ന​ഗ​ര​സ​ഭാ ബ​ജ​റ്റ്. പാ​മ്പാ​ടി​ത്താ​ഴ​ത്ത് പ്ര​ത്യേ​ക ഭ​വ​ന​സ​മു​ച്ച​യ പ​ദ്ധ​തി, ന​ഗ​ര​സ​ഭാ ബ​സ് ടെ​ർ​മി​ന​ലി​ന്‍റെ ഡിപിആ​ർ തയാ​റാ​ക്ക​ൽ ന​ട​പ​ടി​ക​ൾ​ക്കാ​യു​ള്ള ഭൂ​മി ലാ​ൻ​ഡ് പൂ​ളിം​ഗ് മാ​തൃ​ക​യി​ൽ ക​ണ്ടെ​ത്തു​ക, ടെ​ർ​മി​ന​ലി​നും റോ​ഡി​നു​മാ​യി 80 കോ​ടി രൂ​പ കെയുആ​ർഡിഎ​ഫ്സി​യി​ൽ നി​ന്ന് വാ​യ്പ​യെ​ടു​ക്കു​ക എ​ന്നി​വ​യും ബ​ജ​റ്റി​ൽ വി​ഭാ​വ​നം ചെ​യ്യു​ന്നു.

താ​ലൂ​ക്കാ​ശു​പ​ത്രി​യി​ൽ മ​രു​ന്നി​നും ഡ​യാ​ലി​സി​സി​നും ക​ണ്ടി​ജ​ൻ​സി​ക്കു​മാ​യി ഒ​രു കോ​ടി 10 ല​ക്ഷ​വും ഒ​ഫ്ത്താ​ൽ​മോ​ള​ജി​ക്ക് 75 ല​ക്ഷ​വും വി​വി​ധ എ​ൻജി​നീ​യ​റിം​ഗ് പ്രോ​ജ​ക്ടു​ക​ൾ​ക്കാ​യി ഒ​രു കോ​ടി 80 ല​ക്ഷ​വും തൃ​പ്പൂ​ണി​ത്തു​റ യുപിഎ​ച്ച്സി - 7,40,000 രൂ​പ, അ​യ്യ​മ്പി​ള്ളി​ക്കാ​വ് ഹോ​മി​യോ ഡി​സ്പെ​ൻ​സ​റി​ക്കാ​യി 13,20,000 രൂ​പ​യും ബ​ജ​റ്റി​ൽ വ​ക​യി​രു​ത്തി​യി​ട്ടു​ണ്ട്.

പ്ലാ​സ്റ്റി​ക്ക് മാ​ലി​ന്യ നി​ർ​മാ​ർ​ജ​നം - ഒ​ന്ന​ര​ക്കോ​ടി, എംസിഎ​ഫ് നി​ർ​മാ​ണം - ഒ​രു കോ​ടി, പിഎംഎവൈ - ഒ​രു കോ​ടി, മൊ​ബൈ​ൽ സെ​പ്റ്റേ​ജ് യൂ​ണി​റ്റി​നാ​യി 95 ല​ക്ഷം, അ​ത്തം​വീ​ഥി മൂ​ന്നാം ഘ​ട്ട​ത്തി​നാ​യി 83 ല​ക്ഷം, സ്റ്റാ​ച്ച്യു ജം​ഗ്ഷ​ന്‍റെ അ​ല​ങ്കാ​ര വി​ള​ക്കു​ക​ൾ​ക്കാ​യി 15 ല​ക്ഷ​വും എ​ൽഇഡി ലൈ​റ്റു​ക​ൾ സ്ഥാ​പി​ക്കു​ന്ന​തി​ന് 25 ല​ക്ഷ​വും വ​യോ​ജ​ന ക്ല​ബു​ക​ൾ​ക്കും വ​യോ​മി​ത്രം പ​ദ്ധ​തി​ക്കും കി​ട​പ്പു​രോ​ഗി​ക​ൾ​ക്കു​മാ​യി 52.5 ല​ക്ഷം,

വ​യോ​ജ​ന​വി​ശ്ര​മ കേ​ന്ദ്ര​ങ്ങ​ൾ​ക്ക് 60 ല​ക്ഷം, അ​ങ്ക​ണ​വാ​ടി​ക​ൾ​ക്ക് സ്ഥ​ലം വാ​ങ്ങു​ന്ന​തി​ന് 25 ല​ക്ഷം, പ​ച്ച​ക്ക​റി കൃ​ഷി പ്രോ​ത്സാ​ഹ​ന​ത്തി​ന് 50 ല​ക്ഷം, ഓ​പ്പ​ൺ ജിം ​പ​ദ്ധ​തി 20 ല​ക്ഷം, കു​ന്ന​റ ക​മ്യൂ​ണി​റ്റി ഹാ​ളി​ന് ഒ​രു കോ​ടി 20 ല​ക്ഷം, വ​ലി​യ​കാ​ട് പാ​ല​ത്തി​ന് 25 ല​ക്ഷം, പെ​രീ​ക്കാ​ട് പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ന് 45 ല​ക്ഷം രൂ​പ​യും വ​ക​യി​രു​ത്തി​യി​ട്ടു​ണ്ട്.

93,62,28,710 രൂ​പ വ​ര​വും 85,27,57,910 രൂ​പ ചെ​ല​വും 8,34,70,800 രൂ​പ നീ​ക്കി​യി​രി​പ്പു​ള്ള ബ​ജ​റ്റ് ന​ഗ​ര​സ​ഭ വൈ​സ് ചെ​യ​ർ​മാ​ൻ കെ.​കെ.​ പ്ര​ദീ​പ് കു​മാ​ർ അ​വ​ത​രി​പ്പി​ച്ചു. ന​ഗ​ര​സ​ഭാ​ധ്യ​ക്ഷ ര​മ സ​ന്തോ​ഷ് അ​ധ്യ​ക്ഷ​ത വ​ഹി​ച്ചു.